गलातियों 4:13 - लाहौली बाइबिल

¹³ केतिङ हिद शोतो कि बीमारीऊ वहज़ा ज़ि गिह्बी केतिंङ पहला फेरा रूठे खबर सुनाएच़िमी मोका खोकसते।

गलातियों 4:13 Iomraidhean Croise

मत्ती 4:23

यीशु भत्ते गलील प्रदेशो इलज़ा दोतु यहुदी सभा घरबारंङ शिक्षा रंड्रा, परमेश्वर ओ राज्यो पाहठी रूठे खबर प्रचार लेह, दंङ मीहतु भत्ते पाहठी बीमारी ए कमज़ोरी ठीक लोहवा लहरी।

प्रेरित 16:6

पोलुस, सिलास ए तीमुथियुस फ्रुगिया ए गलातिया प्रदेशंङ ज़ि इच्च़ा नगरंङ ज़ि अई नगरंङ इलिर, दंङ दोरे आसिया प्रदेश रिंङ प्रचार लहज़ी जुंज़ातेर पर पवित्र आत्मा ज़ि दोतिंङ दोर इबिमी थल्जी इंकार लेह च़रति।

1 कुरिन्थियों 2:3

दंङ गेह कमज़ोरी ए बेह्दरंङ साते, दंङ महसे डगेकी ते केतंङ साते बंङज़िरी।

2 कुरिन्थियों 10:10

छना कुचे रें मीहच़ी कुट्रातोर, “दोऊ डाकर ता गंभीर ए प्रभावशाली शवाहतोर; पर अपेहल दू एनेह अपत, दू मुक्का दोऊ फुक कमज़ोर तंङफा दंङ दोऊ गप्पा लहज़िमी शाक्ति ना ओ बराबर तोह।”

2 कुरिन्थियों 11:30

अगर घमण्ड लहज़ी ज़रूरी तोह, ता गेह घेंङौ कमज़ोर गप्पो टोईच़ी घमण्ड लोहग।

2 कुरिन्थियों 11:6

अगर गेह रूठे रंङ गप्पा लेह मरच़ातग, तांला मसीह ए रूठे खबरो पाहठी गिह्बी जानकारी तोह। गेह घेंङौ ज्ञानो दू भत्ते गप्पा प्रगट लाहतग अंऊ गेह सिखासी तातग।

2 कुरिन्थियों 13:4

हेले रिंङ दोरे कमज़ोरी ओ हालातो वहज़ा ज़ि क्रूसो टोईच़ी चढ़ाइगी ता केहरिर, तांला परमेश्वरो सामर्थ रंङ साते श्रींङे तोह, हेनर ला फुका रूपारिंङ ध्वांए कमज़ोर तोतोंई; पर परमेश्वरो सामर्थ रंङ साते केतंङ साते व्यवहार लहज़िमी थल्जी दोरंङ साते श्रींङी बंङज़ोंई।

गलातियों 1:6

गिह्बी दि गप्पो हेरानी शवाह, कि अंऊ परमेश्वरे केतिंङ मसीहू मोह्ड़े दाह ओ हिसाबे एनोह मीहरे शुहबिमी थल्जी बुलाएती, दोरंङ केरे धोंण युरनाह भटकेगी अई शत्‌ह शिक्षा ओ टोईच़ी विशवास लहज़ी लेहकी तोतोंई।

गलातियों 4:12

हे गिऊ प्यारे साथी विशवासी रे, गेह केतंङ साते बिनती लहज़ातोग, केरे केनातिंङ कानूनो दोरच़ी आज़ाद लंहि छना गेह लहसी तातग, छना कुचे गेह कानूनो दोरच़ी ध्वांए आज़ाद शुहचे इलोग छना केरे शुचि तोतोंई। केहच़ी गिऊ रूठे देखभाल लहज़ातंई।

गलातियों 4:14

हालांकि गिऊ बीमारी केहतु थल्जी इच्च़ा परेशानी तोहई, तांला यह्च़ा केहच़ी गेरंङ नफरत माह लहज़ातंई दंङ माह ए गिह्बी इबि रांई। बल्कि केहच़ी गिह्बी झांह ठ्रोह ग्रहण लहरिन, मानो गेह ए परमेश्वरो स्वर्गदूत या एनाह ए यीशु मसीहू शुगाह।

गलातियों 4:18

हमेशा ए रूठे मकसदो थल्जी खुश शुहबी रूठे तोह पर सिर्फ दू टेमारिंङ मशत, अपेहल गेह केहतु बिचंङ मौजूद शवाहतग।