गलातियों 4:11 - लाहौली बाइबिल

¹¹ छिल्ला धिर केहच़ी लहज़ातंई दोऊ वहज़ा ज़ि गिह्बी बेह्द तोह, कि झांह शुहबी मेस कि अंऊ मेहनत गेह केहतु थल्जी लहसी शुह दुह शुह्के शुचि योतो।

गलातियों 4:11 Iomraidhean Croise

प्रेरित 16:6

पोलुस, सिलास ए तीमुथियुस फ्रुगिया ए गलातिया प्रदेशंङ ज़ि इच्च़ा नगरंङ ज़ि अई नगरंङ इलिर, दंङ दोरे आसिया प्रदेश रिंङ प्रचार लहज़ी जुंज़ातेर पर पवित्र आत्मा ज़ि दोतिंङ दोर इबिमी थल्जी इंकार लेह च़रति।

1 कुरिन्थियों 15:58

झांह लेह हे गिऊ प्यारे साथी विशवासी रे, केनातु विशवासा रिंङ पक्‍का बंङज़ुंई दंङ गलत शिक्षा ओ वहज़ा ज़ि भटक्तेतुंई था, प्रभु थल्जी छि कम केहच़ी लहज़ातंई दोरिंङ हमेशा तुंखा शुई। छना कुचे दि ञेंहच़ा, कि छिल्ला धिर केहच़ी प्रभु थल्जी लोहनि दोऊ ईनाम केतिंङ पक्‍का खोकसोतो।

गलातियों 2:2

गेह दोर दिऊ थल्जी इलिगा छना कुचे परमेश्वरे गिह्बी इबिमी थल्जी कुहते। दंङ अपेहल गेह दोर तोईग दंङ गेह अगुवा तंङ साते सामटे ठ्रोह दोहरिगा दंङ दोतिंङ दू रूठे खबरो पाहठी कंड्रीगा अंऊ गेह ऊईजाति तु बिचंङ प्रचार लहज़ी लेहकी तोईगा। ताकि झांह शुहबी मेस, कि गिऊ दि टेमो या थलेकी दू मेहनत शुहके शोतो।

गलातियों 4:10

गेह थहशे तातग कि केरे मीहरे रे खास ध्याड़ा रे लाह रे मौसम या सालो भाषे लहज़ातंई, दि सोचेके कि दिरंङ परमेश्वरा बि खुशी शवात।

गलातियों 4:12

हे गिऊ प्यारे साथी विशवासी रे, गेह केतंङ साते बिनती लहज़ातोग, केरे केनातिंङ कानूनो दोरच़ी आज़ाद लंहि छना गेह लहसी तातग, छना कुचे गेह कानूनो दोरच़ी ध्वांए आज़ाद शुहचे इलोग छना केरे शुचि तोतोंई। केहच़ी गिऊ रूठे देखभाल लहज़ातंई।

गलातियों 4:20

गेह महस जुंज़ातग कि गेह एंतेग केतंङ साते बंङज़ोग ताकि गेह केतंङ साते नह्की शुहचे गप्पा लेह तरपोग। छना कुचे गिऊ समझरिंङ अपिमी माह कि गेह केतंङ साते छि कोहग।

फिलिपियों 2:16

झांह लेह गेह मसीहू यह्च़ा अपिमी ध्याड़ो थल्जी दि गप्पो टोहकठे घमण्ड लेह तरपोग कि गिऊ कोशिश ए मेहनत लहज़ी बेकार माह शुई।

1 थिस्सलुनीकियों 3:5

झांह लेह अपेहल गेह ऊई ज़हके मरतिगा, दंङ केहतु विशवासो हाल ञेंच़िमी थल्जी तीमुथियुसा बि च़रचातेग, छना कुचे ञेंरे बेवातेंई कि, परीक्षा लहज़ा शेताने केहतु परीक्षा लोहतो, दंङ ञेंहतु मेहनत बेकार शुचे योतो।

2 यूहन्ना 1:8

झांह लेह केतिंङ खबरदार बंङज़ी जूंशी तोह कि दिह मीहच़ी केतिंङ धोखा रंड्री माह जूंस, ताकि केहच़ी दुह योंहषी माह जूंस अतिंङ खोकसिमी थल्जी धोंण मेहनत लहज़ा तंई पर केतिंङ दुह मेहनतो आशीष खोकसोतो अतु वाईदा परमेश्वरे केतंङ साते लहसी ततो।