गलातियों 3:5 - लाहौली बाइबिल

⁵ परमेश्वर महस रंङ साते केतिंङ पवित्र आत्मा रंड्रा। दंङ केतिंङ चमत्कार ला लहज़ा, छि दि दिऊ पाहठी तोह कि केहच़ी मूसा ओ कानूनो भाषे लहज़ातंई, या दि दिऊ पाहठी तोह कि केहच़ी मसीहू रूठे खबर थाशातेंई दंङ दोऊ टोहकठे विशवास लहज़ातंई।

गलातियों 3:5 Iomraidhean Croise

प्रेरित 14:3

पर पोलुस ए बरनबास महस ध्याड़ा तचेक दोर्तिंङ बंङज़िरी, दंङ प्रभु मोह्ड़े दाह ओ पाहठी याहब रंङ साते प्रचार लहज़ी लेहतिर; प्रभु यीशु ज़ि दि झुह्ट मीहतिंङ चिन्ह ए चमत्कार लहज़िमी सामर्थ रें च़रति दि साबित लहज़िमी थल्जी कि दोतु खबर दोऊ दोरच़ी अंज़े शुह।

रोमियो 10:17

झांह लेह विशवास दू मुक्का अपा अपेहल केरे खबर रेड्रातंई, दंङ दि खबर मसीहू पाहठी बचन तोह।”

रोमियो 15:19

पवित्र आत्माओ गिह्बी रांहषी सामर्थो दोरच़ी गेह अद्धभुत कम ए चमत्कार लहज़ातग झांह लेह अंऊर ला गेह यरूशलेम शहरो दोरच़ी इलिरिकुम प्रदेश तचेक अच़ा इलिग, गेह दोर भत्ते मीहतिंङ, यीशु मसीहू पाहठी रूठे खबर सुनाएतिग।

1 कुरिन्थियों 12:10

अतिंङ आ सामर्थो कम लहज़िमी वरदान; दंङ रें तिंङ भविष्यवाणी लहज़िमी वरदान, दंङ रें तिंङ आत्मा परखेक्च़िमी वरदान, दंङ रें तिंङ महसे पाहठी भाषा कुट्रीमी वरदान; दंङ रें तिंङ भाषा ओ अर्थ कंड्रिमी वरदान रंड्रा।

2 कुरिन्थियों 10:4

छना कुचे ञेंरे झांह ठ्रोह हथियार तेंङज़ातंई अंऊ दू हथियार बे शत्‌ह तोह, अंऊ दि संसारो मीहरे इस्तेमाल लहज़ातोर। पर दोंङार दह्च़िमी थल्जी परमेश्वरो सामर्थ तोह।

2 कुरिन्थियों 12:12

सच्चा प्रेरिता तु लक्षण ला केहतु बिचंङ भत्ते पाहठी ओ धीरज़ रंङ साते निशानी, दंङ अद्धभुत कम, ए सामर्थो कमो दोरच़ी कंड्रिरी।

2 कुरिन्थियों 13:3

छना कुचे केहच़ी दि सबूत जुंज़ातंई कि अंऊ दोई गिऊ दोरच़ी गप्पा लहज़ातोर, दू मसीह शुह दंङ दू केहतु पाहठी कमज़ोर माह पर केहतु बिचंङ सामर्थी तोह।

2 कुरिन्थियों 9:10

छना कुचे परमेश्वरे ए तोह अंऊ ज़िमदारा बि एच़िमी थल्जी बेईज़ा रंड्रा, दंङ दोतिंङ ज़ेइमी थल्जी बगत ला रंड्रा। दंङ झांह ए ठ्रोह परमेश्वरे दि पूरा लोहतो कि केहतु कछंङ हमेशा जूंशी धन शोतो ताकि केरे ऊई महस सेहमे ज़रूरत मंद मीहतु मदत लेह तरपोंई।

गलातियों 3:2

गेह केतंङ साते इच्च़ा सवाल लहच़ी तातग: छि केतिंङ पवित्र आत्मा मूसा ओ कानूनो भाषे लहज़ी रंङ साते खोकसते आ? माह! बिल्कुल ला माह! केतिंङ पवित्र आत्मा दिऊ थल्जी खोकसते छना कुचे केहच़ी दू रूठे खबरो टोहकठे विशवास लहज़ातंई अंऊ केहच़ी यीशु मसीहू पाहठी रेड्री तातंई।

फिलिपियों 1:19

छना कुचे गेह ञेंच़ातग कि केहतु प्रार्थना ओ दोरच़ी, दंङ यीशु मसीह च़रसी, पवित्र आत्मो मदतो दोरच़ी, गिऊ कैदो दोरच़ी बचाके च़रपोतो