गलातियों 3:23 - लाहौली बाइबिल

²³ पर मसीहू अपिमी ए दोऊ टोहकठे विशवास लहज़िमी बे तुहई हेनर यहुदी मीहरे मूसाओ अधीन तोईनी, दंङ मूसा ओ कानून हेंदु रखवाली ला लहज़ाते, दंङ मूसा ओ कानूने हेंदिंङ दू मुक्का तचेक कैदी ऊ ठ्रोह तहरि अपेहल तचेक कि परमेश्वरे हेंदु टोईच़ी मसीह प्रगट माह लहरी।

गलातियों 3:23 Iomraidhean Croise

गलातियों 5:18

अगर केरे पवित्र आत्माओ हिसाबे जीवन श्रींङमातंई दंङ केरे मूसा ओ कानूनो गुलाम माह तोंई।

गलातियों 3:19

दंङ परमेश्वरे छना ठ्रोह इस्राएलो मीहतिंङ मूसा ओ कानून रांई? दूता अपराधो वहज़ा ज़ि थले रें च़रति, कि मूसाऊ कानून दू मुक्का तचेक बणेंके बंङज़ाते अपेहल तचेक कि अब्राहमो दू खानदान अच़ा माह अति, अतु पाहठी कि परमेश्वरे वाईदा लाहते। परमेश्वरे एनोह कानून स्वर्ग दूता तु दोरच़ी मूसा बि रांई, मूसा परमेश्वर ए मीहतु बिचंङ बिचवाई तोहई।

रोमियो 11:32

छना कुचे परमेश्वरे भत्ते तिंङ हुकुम माह मनेक्च़िमी अनुमति रंड्रा, ताकि दू भत्ते मीहतु टोईच़ी एनोह दाह कंङे तरपोतो।

रोमियो 3:19

ञेंहच़ी ञेंच़ातंई कि कानून छिला कुट्रा, दुह मीहतंङ साते कुट्रा, अंऊ मुसाओ कानूनो अधीन तोतोर, ताकि मीहतिंङ बहाना बणाएट्रिमी दोरच़ी रोकेकी तरपोंई, दंङ संसारो भत्ते मीहरे परमेश्वरो फेंसला ओ अधीन शोर।

इब्रानियों 12:2

हेंदिंङ यीशु तरफे खंड्री जूंशी तोह, अंऊ हेंदिंङ विशवासो दोरच़ी तुंखा बढ़ाएच़ा दंङ हेंदु विशवास पूरा लहज़ा। दोई षेह्पिमी छा चिंद माह लहच़ी ते क्रूसो दुख सहन लहरी दंङ सिए इलि; छना कुचे दोई ञेंहच़ाते कि दोई झांह लहरी। हेंतेग दू परमेश्वरो सिंहासनो सुचंङ हासी बंङज़ा तोह।

इब्रानियों 11:13

दि भत्ते मीहरे अच़ि परमेश्वरो टोईच़ी विशवास लहरी, दू चीज़ खोक्शे मेह सिए इलिर अतु वाईदा परमेश्वरे लहसी ततो। पर दोच़ी दि गप्पा तिंङ तुंखा अंजा टेमारिंङ शुहबिमी तंङरिर दंङ खुश शुचि इलिर। समझेकी इलिर कि परमेश्वर अंजा टेमारिंङ छि लोहतो। दोच़ी दि गप्पा ला ञेंई च़रतिर कि हेनर दि धरती ऊ टोईच़ी परदेशी ए पराया शुंई।

गलातियों 4:21

दंङ केरे, अंऊ मूसा ओ कानूनो अधीन शुहबी जुन्ज़ातंई! गिऊ गप्पा रेड्रुंई! गेह केतिंङ कमोग कि पवित्र शास्त्रा रिंङ, मूसा ओ कानूनो कताबा रिंङ छि च़ेहसी तोह।

यहून्नो 3:34

छना कुचे अतिंङ परमेश्वरे च़रति, दोई परमेश्वरो गप्पा लहज़ी: छना कुचे दिह ए दुह ए शुह अतिंङ परमेश्वरे पवित्र आत्मा भरपूरी रंङ साते रांहषी ततो।