गलातियों 3:2 - लाहौली बाइबिल

² गेह केतंङ साते इच्च़ा सवाल लहच़ी तातग: छि केतिंङ पवित्र आत्मा मूसा ओ कानूनो भाषे लहज़ी रंङ साते खोकसते आ? माह! बिल्कुल ला माह! केतिंङ पवित्र आत्मा दिऊ थल्जी खोकसते छना कुचे केहच़ी दू रूठे खबरो टोहकठे विशवास लहज़ातंई अंऊ केहच़ी यीशु मसीहू पाहठी रेड्री तातंई।

गलातियों 3:2 Iomraidhean Croise

प्रेरित 15:8

परमेश्वर मीहतु सेहम ञेंहच़ा। परमेश्वरे ऊईजाति तिंङ ञेंहतु ठ्रोह पवित्र आत्मा रें दिह कांहषी ततो कि दोई दोतिंङ एनोह मीहतु रुपंङ स्वीकार लेह केह्तो।

प्रेरित 2:38

पतरसे दोतंङ साते कुतोह, “केनातु मदम कमो दोरच़ी सेहम किर्ज़ुंई, दंङ केहतु बिचंङ ज़ि हर इच्च़ा एनोह-एनोह पापो माफी ऊ थल्जी यीशु मसीहू मिंदंङ बपतिस्मा लेहप्तुंई; दंङ केतिंङ पवित्र आत्माओ दान खोकसोतो।”

प्रेरित 8:15

दंङ दोच़ी दोर्तिंङ इलजे दुह खरकोई विशवासी तु प्रार्थना लहरिर, कि दोरे पवित्र आत्मा खोक्पोर।

रोमियो 1:17

छना कुचे रूठे खबरा रिंङ परमेश्वरे दि प्रगट लाह कि दुह मीहतङ भत्ते रिति रंङ धर्मी घोषित लहज़िमी जोगे तोह, अंऊ दू शुरूआत बेहच़ी थल मुखंङ तचेक विशवासा रिंङ टिकेकी तोह छना पवित्र शारत्ररिंङ च़ेहसी तोह, “विशवासो दोरच़ी धर्मी मीह श्रींङे बंङज़ोतो।”

1 कुरिन्थियों 9:21

ठीक ध्वांए, ऊई जाति तंङ साते तोहई, दंङ दोतु ठ्रोह जीवन श्रींङज़ि लेहती, ताकि दोतिंङ ला प्रभु यीशु मसीह रिंङ रैंज़ा हपोग अंऊ कानूनो अधीन ए तोतोग।

2 कुरिन्थियों 11:4

अगर अरिया केहतु कछंङ अंज़े ते, ऊई अरिया यीशु प्रचार लोहतो, अतु प्रचार ञेंहच़ी माह लोहनि या ऊई छा आत्मा केतिंङ खोकसिरी; अंऊ तुहई खोकसी माह तोहई; या ऊई छा रूठे खबर अतिंङ केहच़ी तुहई मनेक्च़ी तातंई, केरे दू शिक्षा ग्रहण लहज़िमी थल्जी गलत तोतोंई।

गलातियों 3:14

मसीह दि दिऊ थल्जी लहरी ताकि ऊईजाति तिंङ दोऊ आशीष खोकसोतो अतु वाईदा परमेश्वरे अब्राहमा रंङ साते यीशु मसीहू दोरच़ी लाहते। दंङ मसीह रिंङ विशवासो दोरच़ी, हेनर पवित्र आत्मा खोकपोंई अतु वाईदा दोई हेन्दिंङ रंड्रीमी थल्जी लाहते।

गलातियों 3:3

छि केरे धोंण नासमझ तोतोंई आ? केहच़ी पवित्र आत्मो ज़रिये मसीह रंङ साते केनातु खरकोई जीवन शुरू च़ुकातंई, छि दोबि एंतेग मीहतु कमो दोरच़ी योह्च़ी जुंज़ातंई आ?

गलातियों 3:5

परमेश्वर महस रंङ साते केतिंङ पवित्र आत्मा रंड्रा। दंङ केतिंङ चमत्कार ला लहज़ा, छि दि दिऊ पाहठी तोह कि केहच़ी मूसा ओ कानूनो भाषे लहज़ातंई, या दि दिऊ पाहठी तोह कि केहच़ी मसीहू रूठे खबर थाशातेंई दंङ दोऊ टोहकठे विशवास लहज़ातंई।

इब्रानियों 2:4

दंङ परमेश्वर चिन्ह ए अद्धभुत कमो, महस पाहठी चमत्कारो दंङ पवित्र आत्माओ दोरच़ी मीहतिंङ वरदान रंड्रा दि खबरा बि ठीक ध्वांए साबित लहरी, छना दोई जुंज़ाते।

इब्रानियों 4:2

छना कुचे हेंज़ी यीशु मसीहू पाहठी रूठे खबर थाह्सी तातंई। पर दोच़ी दिऊ टोहकठे विशवास माह लहरिर। झांह लेह, दू खबर दोतु थल्जी शुहके तोहई।

इब्रानियों 6:4

अंऊ मीहरे एनोह विशवास छोड़ेके चरच़ातोर, दोतिंङ यह्च़ा पश्चाताप ओ हालातरिंङ वापिस हपि मरच़ि। दोच़ी इच्च़ा फेरा परमेश्वरो सच्चाई ञेंई चरच़ातोर, अंऊ परमेश्वरे तरफे अपा, दंङ दोतिंङ स्वर्गो दोरच़ी वरदान खोकसा तोह दंङ दोतिंङ ऊईतु दोरच़ी वरदान ला खोकसा तोह।

1 पतरस 1:12

पर परमेश्वरे दि भविष्यवक्ता तिंङ कंड्रिरी कि दोतु खबर दोतु एनातु थल्जी मशत पर केहतु थल्जी तोहई। दू खबर यीशु मसीहू पाहठी रूठे खबर शुह अंऊ केहच़ी हेंतेग रेड्रातंई। परमेश्वरे स्वर्गंङ ज़ि एनोह पवित्र आत्मा चरच़तो कि केतिंङ रूठे खबर प्रचार लहज़िमी थल्जी मीहतु मदत लोहतो। दि भत्ते धोंण अद्धभुत तोह कि देर तचेक कि स्वर्ग दूत कि स्वर्गदूत ला खुशी रंङ दि चीज़ा बि खंड्रातोर।