गलातियों 3:16 - लाहौली बाइबिल

¹⁶ ध्वांए ठ्रोह परमेश्वरे एनोह वाईदा अब्राहम ए दोऊ खानदाना बि रेंई। पवित्र शास्त्र दि माह कुट्रा कि, “कांह खानदाना बि,” छना महसे तु पाहठी कुहषी तोह, पर दि इच्च़ा मीहू पाहठी गप्पा लहज़ा कि, “कांह खानदान,” दंङ दू मीह मसीह तोह।

गलातियों 3:16 Iomraidhean Croise

मत्ती 1:1

दिह यीशु मसीहू बाह-मेमेतु मिन्दु पाहठी अंऊ रज्ज़ा दाऊदो खानदानो तोहई दंङ रज्ज़ा दाऊद अब्राहमो खानदानो तोहई।

लूको 1:55

दोई अब्राहम ए दोऊ भत्ते खानदानो मीहतिंङ हमेशाऊ दाह कंड्रिमी थल्जी हिद लहसी ततो।”

प्रेरित 3:25

केहरे भत्तेर भविष्यवक्तातु कटुरे ए दुह वाईदा हिस्सादार शुई, अंऊ परमेश्वरे केहतु बाह-मेमेतंङ साते लहते, अपेहल दोई ञेंहतु सेंहणा अब्राहम रंङ साते कुंई, ‘कांह खानदानो दोरच़ी धरतीऊ भत्ते खानदान आशीष खोक्पोर।’

रोमियो 12:5

ध्वांए ठ्रोह, हेनर ला अंऊ मसीह रिंङ विशवासी तोतोंई हेनर भत्तेर मसीहू फुको अंङ शुई दंङ हेनर भत्तेर इदि-अई दिरंङ साते जुड़ेके तोतोंई।

रोमियो 4:13

परमेश्वरे अब्राहम ए दोऊ खानदान रंङ साते वाईदा लहसी ततो कि दोई दोतिंङ दि संसारो वारिस बणाएकपोतो। दि वाईदा दिऊ थल्जी लहसी माह तोहई कि अब्राहमे कानूनो भाषे लाहते, पर परमेश्वरे दोबि दोऊ विशवासो दोरच़ी धर्मी बणाके च़रति।

रोमियो 4:16

झांह लेह मीहच़ी विशवासो दोरच़ी परमेश्वरो वाईदा खोक्तिर। दि दिऊ थल्जी शुहबी ताकि मोह्ड़े दाह दोरच़ी खोकसोतो। दंङ अब्राहमो भत्ते कटुतिंङ दुह वाईदा खोकसोतो। दि सिर्फ दोतु थल्जी मशत पर अंऊ मुसाओ कानूनो अधीन बंङज़ातोर, पर हर इच्च़ा दुह मीहू थल्जी तोह, अंऊ अब्राहमो ठ्रोह विशवासरिंङ श्रींङी बंङज़ा, अंऊ हेंदु भत्ते तु पूर्वज शुह।

रोमियो 9:4

दोरे इस्राएली मीहरे तोतोर, दोतिंङ परमेश्वरे गोद लेहपच़ी एनोह कटुतु रूपा रिंङ अंङे च़रति। दोतु थल्जी परमेश्वरे एनोह महिमा प्रकट लहसी ततो; दोतंङ साते एनोह वाईदा लहरी दंङ दोतिंङ कानून रांई; दोरे सच्चा तरीका रंङ परमेश्वरो अराधना लहज़ातोर दोच़ी परमेश्वरो वाईदा खोक्शातोर।

1 कुरिन्थियों 12:12

छना कुचे छना ठ्रोह मीहू फुक इच्च़ा तोह दोऊ अंङ महसे तोतोर, दंङ दू इच्च़ा फुको भत्ते अंङ महसे शुहबीरंङ साते भत्ते ठ्रोहका शुहचे इच्च़ा ए फुक तोह ध्वांए मसीह ला दंङ दोऊ टोईच़ी विशवास लहज़ा विशवासी रे ला इच्च़ा तोतोर।

1 कुरिन्थियों 12:27

ध्यांए ठ्रोह केरे भत्तेर ठ्रोहका शुहचे ते मसीहू फुक शुई, दंङ केहतु बिचंङ हर इच्च़ा दोऊ शुई, दोऊ फुको अंङों बराबर।

2 कुरिन्थियों 11:22

छि दोरे ए इब्रानी शुरे? गेह ला शुगाह। छि दोरे इस्राएली शुरे? गेह ला शुगाह; छि दोरे अब्राहमो खानदानो शुरे? गेह ला शुगाह।

गलातियों 3:19

दंङ परमेश्वरे छना ठ्रोह इस्राएलो मीहतिंङ मूसा ओ कानून रांई? दूता अपराधो वहज़ा ज़ि थले रें च़रति, कि मूसाऊ कानून दू मुक्का तचेक बणेंके बंङज़ाते अपेहल तचेक कि अब्राहमो दू खानदान अच़ा माह अति, अतु पाहठी कि परमेश्वरे वाईदा लाहते। परमेश्वरे एनोह कानून स्वर्ग दूता तु दोरच़ी मूसा बि रांई, मूसा परमेश्वर ए मीहतु बिचंङ बिचवाई तोहई।

गलातियों 3:8

दंङ पवित्रशास्त्र रिंङ महस तुहई दि च़ेहसी तोहई कि, “कि परमेश्वर ऊईजाति तु दोतिंङ विशवासो हिसाबे धर्मी ठहराएपोतो, दिए वहज़ा तोह कि पवित्र शास्त्रारिंङ, अपेहल परमेश्वरे तुहई ए अब्राहमा बि दि रूठे खबर रंदे कि दंङ दोई दोरंङ साते कुई” “कनु दोरच़ी, गेह दि संसारो भत्ते मीहतिंङ आशीष रमोग।”

इफिसियों 5:32

दि महस मोह्ड़े भेद तोह; पर गेह हेले रिंङ मसीह ए कलीसिया ओ बिचंङ नाता ओ पाहठी गप्पा लहज़ातग।

कुलुस्सियों 2:19

दंङ दोरे मीहरे मसीह रंङ साते ठ्रोहका शुहचे माह बंङज़ा तोर अंऊ भत्ते फुको पुंज़ा शुह। छना पुंज़ा भत्ते फुक काबू लहज़ा ध्वांए यीशु मसीह एनोह मीहतिंङ चलाच़ा, ताकि दोरे एनातु बिचंङ ठ्रोहका शुहचे बंङज़ोर दंङ दोरे मसीह रिंङ बणेक्पा लोहर छना फुको भत्ते जोड़ ए नसर भत्ते फुका बि चुमज़ा बंङज़ा तोर दंङ परमेश्वरो दोरच़ी बणेक्पा तोर।

कुलुस्सियों 3:11

झांह लेह यूनानी मीहतु ए यहुदी तु मीहतु बिचंङ छल्ले भेदभाव माह केहषीरि, माह अरिया खतना दंङ माह ए अरिया खतना मेह मीहतु बिचंङ, माह परदेशी मीहरे, माह बेढंघा मीहरे (असभ्य), माह परगर मीहरे दंङ माह ए आज़ाद मीहतु; पर मसीह ए भत्ते बे मोह्ड़े तोह, दंङ दुह एनोह भत्ते मीहतंङ साते बंङज़ा।