गलातियों 3:10 - लाहौली बाइबिल

¹⁰ झांह लेह अंयों मीहरे मूसा ओ कानूनो कमो टोईच़ी विशवास तहच़ातेर, दोरे परमेश्वरो शापो अधीन तोतोर, छना कुचे पवित्र शास्त्रारिंङ च़ेहसी तोह, “अंऊ मूसा ओ कानूनारिंङ च़ेहसी भत्ते गप्पो भाषे माह लहज़ातोर, दोरे परमेश्वरो शापो अधीन तोतोर।”

गलातियों 3:10 Iomraidhean Croise

मत्ती 25:41

दंङ दोई फुचंङ हासी दोतंङ कोतो हे शापित मीहरे, गिऊ तुईज़ी हिसाब मेह मेहरिंङ अच्च़ा ईलांई अंऊ शेतान ए दोऊ मांजी आत्मातु थल्जी परमेश्वरे त्याहर लहसी शुह।

रोमियो 4:15

परमेश्वरे दोऊ टोहकठे रोहषेक्च़ी, अंऊ मुसाओ कानून बि पूरी तरह माह मनेक्च़ातेर। दंङ छा कानून तोह ए माह ता दोऊ छल्ले उल्लंघन ला माह।

रोमियो 6:23

छना कुचे पापो नतीज़ा ता मौत तोह, पर अंऊ वरदान परमेश्वर हेंदिंङ रंड्रा, दू ता अनंत जीवन तोह अंऊ हेंदु प्रभु मसीह यीशुरिंङ खोकसा।

रोमियो 8:7

पापमय स्वाभावो टोईच़ी सेहम लगाईचि ता परमेश्वरारंङ साते बैर लहज़ी शुह, छना कुचे पापमय स्वाभाव माह ता परमेश्वरो कानूनो अधीन तोह, दंङ माह मुसाओ कानून भाषे लेह तरपोतो;

2 कुरिन्थियों 3:7

अपेहल मूसा ओ कानून अंऊ रघटु पट्टी ओ टोहकठे च़ेहसी तोहई, दू मुक्का परमेश्वरो तेज तंङाफाते। इस्राएलो मीहरे महस ध्याड़ा तचेक मूसाऊ मोह्तु हखा खंड्री माहरच़ातेर छना कुचे दू चमकेक्पते, हालांकि दि चमक लम्हें टेम तचेक माह केहषीरि। झांह लेह मूसा बि रांहषी कानूनो टोहकठे आधारित सेवकाई मौत हपा, अतु झांह ठ्रोह तेज तोहई। दंङ पवित्र आत्माओ मार्गदर्शनो खरकोई वाचा ओ अधीन सेवा ओ कम ऊई ला तेज रंङ साते पिंङे शोतो।

गलातियों 2:16

तांला हेनर यहुदी विशवासी ञेंहच़ातंई कि मूसा ओ कानूनो भाषे लहज़ा अरिला मीह परमेश्वरो तुईज़ी धर्मी साबित माह शोतो, पर सिर्फ मसीहू टोहकठे विशवास लेह रंङ साते धर्मी ठहरेसोतो। झांह लेह ञेंहच़ी हेंज़ी ला यीशु मसीहू टोईच़ी विशवास लहरिन, कि हेनर कानूनो कमो दोरच़ी मशत, पर मसीहू टोईच़ी विशवास लहज़िमी रंङ साते धर्मी शोंई; छना कुचे कानूनो भाषे लहज़ा ते अरिला मीह धर्मी माह ठहरेसोतो।