गलातियों 2:8 - लाहौली बाइबिल

⁸ छना कुचे अंऊ परमेश्वरे पतरसा बि यहुदी तु प्रेरित बणाके दोऊ दोरच़ी सेवा कम लहरी, दोई ए गिह्बी ऊईजाति तु प्रेरित बणाके गिऊ दोरच़ी सेवा ओ कम लहरी।

गलातियों 2:8 Iomraidhean Croise

प्रेरित 1:25

ताकि दि सेवा ओ कमारिंङ कम ए प्रेरित ओ ठहरि लेह्पोतो, अंऊ सेवकाई केट्रा यहूदा हेंदु दोरच़ी ऊईतार अच्च़ा इलि। अंऊर दोबि शुहबी जुंशी तोहई।

प्रेरित 1:8

पर अपेहल पवित्र आत्मा केहतु टोहकठे अपतो दोहपल केतिंङ सामर्थ खोकसोतो; दंङ यरूशलेम शहर ए भत्ते यहुदिया ए सामरिया प्रदेशारिंङ, दंङ संसारो भत्ते ठाहरीरिंङ मीहतिंङ गिऊ पाहठी कंड्रिमी थल्जी गिऊ गवाह शोंई।

प्रेरित 15:12

दंङ भत्ते सभा ओ मीहरे चुपे शुहचे पोलुस ए बरनबासो रेड्री लेहतिर, कि परमेश्वरे दोतु दोरच़ी ऊईजाति तु बिचंङ छोंई घाटे मोह्ड़े-मोह्ड़े कहम ए चमत्कार लहरी।

प्रेरित 19:26

दंङ केहच़ी खंड्रातंई ए रेड्रातंई कि सिर्फ इफिसुस शहरंङ ए माह, आसिया प्रदेशो भत्ते नगरा रिंङ दिह कुह्चे दिह पोलुसे महस मीहरे समझाएक्ती, कि अंऊ गुह्ट्र बणाएषी भगवान तोह, दोरे भगवान माह शुरे।

प्रेरित 21:19

दंङ पोलुसे दोतिंङ नमस्कार लेह, अंऊ-अंऊ कम परमेश्वरे दोऊ सेवाऊ दोरच़ी ऊईजाति मीहतु बिचंङ लहसी तते, इच्च़ा-इच्च़ा लेह भत्ते दोतिंङ कंङे च़रति।

प्रेरित 22:21

दंङ प्रभु ज़ि गिऊ हखा कुई, अच़ा इला, छना कुचे गेह कनिंङ ऊईजाति मीहतु कछंङ ओईतार-ओईतार च़रपोग।”

प्रेरित 4:4

पर शिक्षा रेड्रा दोतु बिचंङ च़ि महसे मीहज़ी यीशु ऊ टोहकठे बिशवास लहरिर, दंङ दोर्तिंङ भत्तेर ठ्रोहका लेह लगभग ङा हज़ार गंङमीहरे तोईरे अरी यीशु ऊ टोहकठे बिशवास लहज़ार शुहचे इलिर।

प्रेरित 8:17

दोहथल पतरस ए यूहन्ना ज़ि दोतु टोहकठे गुह्ट्र केहरिर दंङ दोच़ी पवित्र आत्मा खोकसिरी।

प्रेरित 9:15

पर प्रभु यीशु ज़ि हनन्याह रंङ साते कुई, “काह अच्च़ा ईला; छना कुचे दुह ता ऊईजाति तु दंङ रज्ज़ातु ए इस्राएली मीहतु तुईज़ी गिऊ पाहठी प्रचार लहज़िमी थल्जी अंङषी मीह शुह।

1 कुरिन्थियों 15:10

पर अगर तोग गेह प्रेरित शुगाह दंङ दुह परमेश्वरो मोह्ड़े दाह शुह। दंङ दोऊ मोह्ड़े दाह अंऊ गिऊ टोईच़ी शुई, दुह शुह्के माह शुई पर गेह ऊई अरिला प्रेरित बे महस मेहनत ला लहरिगा ता दि गिऊ दोरच़ी मशत पर परमेश्वरो मोह्ड़े दाह गिऊ दोरच़ी कम लहज़ाते।

1 कुरिन्थियों 9:2

अगर ऊई मीहरे दि स्वीकार माह लहज़ातोर कि गेह प्रभु यीशु प्रेरित शुगाह, दंङ केरे विशवासी तिंङ दि स्वीकार लेह जूंशी तोह। छना कुचे गेह दू ए शुगाह अंऊ केहतु कछंङ रूठे खबर रैंज़ा हंदेग। प्रभु यीशु रिंङ केहतु विशवास दि साबित लहज़ी लेहकी तोह कि गेह हेले रिंङ प्रभु यीशु मसीहू प्रेरित शुगाह।

गलातियों 3:5

परमेश्वर महस रंङ साते केतिंङ पवित्र आत्मा रंड्रा। दंङ केतिंङ चमत्कार ला लहज़ा, छि दि दिऊ पाहठी तोह कि केहच़ी मूसा ओ कानूनो भाषे लहज़ातंई, या दि दिऊ पाहठी तोह कि केहच़ी मसीहू रूठे खबर थाशातेंई दंङ दोऊ टोहकठे विशवास लहज़ातंई।

कुलुस्सियों 1:29

झांह लेह दिबी पूरा लहच़िमी थल्जी गेह महस मेहनत लहज़ातग, दुह मोह्ड़े सामर्थो इस्तेमाल लहज़ा ते अंऊ मसीह रंड्रा दंङ अच़ि गिऊ अन्द्रेग कम लहज़ा।

1 थिस्सलुनीकियों 2:13

झांह लेह ञेंरे ला रोज परमेश्वरो धन्यवाद लहज़ातंई, कि अपेहल केहच़ी दुह रूठे खबर थाशातंई अंऊ ञेंहच़ी केहतु बिचंङ प्रचार लाहतंई, दंङ केहच़ी दुह मीहतु मशत पर परमेश्वरो वचन समझेगी (दंङ अंऊ हेले परमेश्वरो दोरच़ी तोह) ग्रहण लहरिन; दंङ हेंतेग परमेश्वरो दि खबर केहतु अंद्रेग कम लहज़ी लेहकी तोह अंऊ मसीहू टोहकठे विशवास लहज़ातंई।