गलातियों 2:7 - लाहौली बाइबिल

⁷ दिऊ बदलारिंङ अगुवा ज़ि ञेंए च़रतिर कि गिह्बी ध्वांए ठ्रोह ऊईजाति तु बिचंङ रूठे खबरो प्रचार लहज़िमी कम रांहषी तोह, छना ठ्रोह पतरसा बि यहुदी मीहतु बिचंङ रूठे खबर प्रचार लहज़िमी कम रांहषी तोहई।

गलातियों 2:7 Iomraidhean Croise

प्रेरित 15:12

दंङ भत्ते सभा ओ मीहरे चुपे शुहचे पोलुस ए बरनबासो रेड्री लेहतिर, कि परमेश्वरे दोतु दोरच़ी ऊईजाति तु बिचंङ छोंई घाटे मोह्ड़े-मोह्ड़े कहम ए चमत्कार लहरी।

प्रेरित 18:6

पर अपेहल यहुदी मीहरे पोलुसो खिलाप बुराई लहज़ी लेहती; दुह मुका दोई एनोह खमज़े साफ लेह दोतंङ साते कुई, “परमेश्वरो बचन अस्वीकार लेह वहज़ा ज़ि केरे ए दुह सज़ा ओ ज़िमेवार शुई, अंऊ केतिंङ परमेश्वरो दोरच़ी खोकसोतो! गेह निर्दोष शुगाह। हेंतेग बेहच़ी गेह ऊईजाति तु कछंङ इलजे परमेश्वरो बचनो प्रचार लोहग।”

प्रेरित 28:28

दिऊ थल्जी, दि ठीक तोह कि केतिंङ दि पता लेहकी योतो कि परमेश्वरो दि उद्धार हेंतेग ऊईजाति तु थल्जी ला मौजूद तोह। दोरे ला दिबी स्वीकार लोहर।”

प्रेरित 9:15

पर प्रभु यीशु ज़ि हनन्याह रंङ साते कुई, “काह अच्च़ा ईला; छना कुचे दुह ता ऊईजाति तु दंङ रज्ज़ातु ए इस्राएली मीहतु तुईज़ी गिऊ पाहठी प्रचार लहज़िमी थल्जी अंङषी मीह शुह।

रोमियो 1:5

मसीहू दोरच़ी गिह्बी मोह्ड़े दाह ए प्रेरिताई ओ सेवकाई परमेश्वरो दोरच़ी रांहषी तोह, ताकि दोऊ मिन्दु बजाहज़ि भत्ते जातिऊ मीहरे मसीहू टोहकठे विशवास लोहर दंङ दोऊ हुकुम मनेक्पोर,

रोमियो 11:13

गेह केतंङ ऊईजातिंङ साते दि गप्पा कुट्रातग। अपेहल कि गेह ऊईजाति तु थल्जी प्रेरित शुगाह, दंङ गेह घेंङौ सेवकाई ओ टोहकठे घमण्ड लहज़ातग।

1 कुरिन्थियों 9:17

अगर गेह दि कम घेंङौ हिटी रंङ साते लहज़ातग, दंङ गिह्बी ईनाम खोकसोतो। पर अगर परमेश्वरे गिह्बी दि ज़िम्मेवारी रांहषी तो ता, दंङ गेह इनामो छि उम्मीद लोहग? गेह छिला इनामो उम्मीद माह लहज़ातग।

गलातियों 1:18

दंङ यह्च़ा षुमु सालो थल गेह प्रेरित पतरस रंङ साते दोईमी थल्जी यरूशलेम शहरो हखा इलिगा, दंङ दोऊ कछंङ संङा ध्याड़ा तचेक बंङज़िरी।

गलातियों 1:6

गिह्बी दि गप्पो हेरानी शवाह, कि अंऊ परमेश्वरे केतिंङ मसीहू मोह्ड़े दाह ओ हिसाबे एनोह मीहरे शुहबिमी थल्जी बुलाएती, दोरंङ केरे धोंण युरनाह भटकेगी अई शत्‌ह शिक्षा ओ टोईच़ी विशवास लहज़ी लेहकी तोतोंई।

गलातियों 2:11

अपेहल इच्च़ा ध्याड़ा पतरस अन्ताकिया शहरो हखा अति, दंङ गेह मीहतु तुईज़ी दोबि रैहच़ी लेहतिगा, छना कुचे छि दोई लहज़ाते दू गलत तोहई।

गलातियों 2:14

पर अपेहल गेह खंईगा कि दोरे हेले रिंङ दुह सच्चाई ओ भाषे माह लहज़ातेर अंऊ रूठे खबर सिखाएच़ा दंङ गेह मीहतु तुईज़ी पतरसो हखा कुईग, “अपेहल काह इच्च़ा यहुदी शुहचे ला, ऊईतु जाति ओ रिति-रिवाज़ो भाषे माह लहज़ातन, दंङ काह ऊईजाति बि हेनर यहुदी तु रिति-रिवाज़ो भाषे लहज़िमी थल्जी दबाब छारिंङ केट्रातन?”

गलातियों 2:9

अंऊ मीहरे कलीसिया ओ अगुवा समझेक्च़ातंई, मतलब याकूब, बरनबास, कैफा ए यूहन्ना, दोच़ी मोह्ड़े दाह ओ दू वाईदा सेहच़ी चरच़ातोर अंऊ गिह्बी खोकसा तोह। दोच़ी हेंदंङ साते गुह्ट्र मिलाके दि कंङातोर कि दोरे हेंदंङ साते राजी तोईरे। दोरे दि गप्पो थल्जी राजी शुईरे कि हेनर ऊईजाति तु कछंङ रूठे खबर सुनाएच़िमी थल्जी योंई दंङ दोरे यहुदी तु कछंङ।

1 थिस्सलुनीकियों 2:4

परमेश्वरे हेनर दि जोगे चेहके ए दि रूठे खबर रें च़रति। झांह लेह हेनर मीहतिंङ ए मशत, पर हेंदु सेहम परखेकच़ा परमेश्वरा बि खुश लहच़िमी ठ्रोह शिक्षा रंड्रातंई।

1 तीमुथियुस 1:11

दि सच्चा शिक्षा हेंदु अद्धभुत परमेश्वरो महिमा ओ पाहठी रूठे खबरो मुताबिक तोह, अच़ि गिह्बी प्रचार लहज़िमी ज़िम्मेवारी रांहषी ततो।

1 तीमुथियुस 2:7

दिए वहज़ा ज़ि रूठे खबरो प्रचार ए प्रेरितो रूपारिंङ ऊईजाति तिंङ विशवास ए सच्चाई ऊ शिक्षा रंड्रीमी थल्जी गेह अंङषी शुगाह, गेह हप्सी माह कुट्रातग, पर हेले कुट्रातग।

2 तीमुथियुस 1:11

परमेश्वर गिह्बी दि रूठे खबरो प्रचारो लहज़िमी थल्जी, प्रेरित बणेक्पिमी थल्जी दंङ गेह ऊई जातिऊ मीहतिंङ उपदेश रंड्रीमी थल्जी अंङे चरच़तो।

2 पतरस 3:15

दि ञेंए च़रतुंई कि हेंदु प्रभु हेंदु थल्जी धीरज़ तहज़ा बंङज़ा, दोऊ वहज़ा दि तोह कि दुह मीहतिंङ पश्चाताप लहज़िमी टेम रंड्रा ताकि दुह दोतिंङ बचाके तरपोतो। अपेहल हेंदु साथी विशवासी पोलुसे, केतिंङ दुह ज्ञानो इस्तेमाल लहज़ी च़ेआतो अंऊ परमेश्वरे दोबि रांहषी ततो, दंङ दोई ला केतिंङ दिए गप्पा कंङातो, अंऊ गेह केतिंङ कंङातग।