गलातियों 2:6 - लाहौली बाइबिल

⁶ यरूशलेमो कलीसिया ओ दू अगुवा ज़ि, अंऊ खबरा रिंङ सिखाएच़ातेर दोबि लहसिमी थल्जी गेह मज़बूर माह लहरिर। गिह्बी दि गप्पो दोरच़ी छल्ले फर्क माह पढेक्पी कि दोरे अगुवा अंयों खास तोतोर, छना कुचे परमेश्वर धकते कि रूप खंड्रा अपेहल ला न्याय माह लहज़ा।

गलातियों 2:6 Iomraidhean Croise

मत्ती 22:16

दंङ दोच़ी एनातु चेलारि हेरोदेसा रंङ साते यीशु कछंङ दिह कुट्री चेहच़ातोर, “हे गुरु, ञेंहच़ी ञेंच़ातंई, कि केई सच्चे शुनाह दंङ परमेश्वर ओ अमो पाहठी सच्चाई रंङ साते कंड्रातन दंङ अतुला केई परवाह माह लोहतन, छना कुचे केई मीहतु मोद कंड्राते गप्पा माह लहज़ातन।

मरकुसो 12:14

दोच़ी दोऊ कछंङ अंज़े दोहरंङ साते कुतोह, “हे गुरु, ञेंहच़ी ञेंच़ातंई, कि केई सच्चे शुनाह, दंङ अतु ला केई परवाह माह लोहतन कि मीहच़ी का थल्जी छि कुट्रातोर। छना कुंई साते ता केई मीहतु मोह्द खांई गप्पा माह लहज़ातन, दंङ केई परमेश्वरो अमो पाहठी रुठे उपदेश रंड्रातन। छी ञेंतिंङ रोम देश ओ महाराजा बि कर रंड्री हेंदु कानूनो हिसाबे रुठे शुहतर आ मश्‌त?

लूको 20:21

खबरी ज़ि यीशु बि रूहक्तोर, “हे गुरु, ञेंहच़ी ञेंच़ातंई, कि कह सच्चे शुनाह, दंङ अतु ला केई तरफदारी माह लहज़ातन; दंङ परमेश्वरो अम सच्चाई रंङ साते कंड्रातन।

प्रेरित 10:34

पतरस ए दोतंङ साते कुई, “दा गेह रुठे रंङ साते ञेंह केहतग कि परमेश्वर ए अतिंङ ला साते पक्षपात माह लहज़ा,

प्रेरित 5:36

छना कुचे थोड़े अरे टेमो तुहई थियूदास मिंदंङ इच्च़ा मीह ज़ि दिह दावा लेह कुहते, कि गेह ला छा शुगाह; कुट्रा ते अच़ा इलि, कि गेह ला छा शुगाह। लगभग पी राह मीहरे दोऊ थले जोज़ातेर, पर दुह सच़ी च़रतिर ता दोऊ थल जोज़ा दोरे देखा-नोखा शुचे इलिर दंङ दोच़ी छिल्ला सोचेक्सी ताहरेर ध्वांए शुहबी माहरति।

रोमियो 2:11

छना कुचे परमेश्वरे भत्ते तंङ साते इच्च़ा ठ्रोह व्यवहार लहज़ा।

2 कुरिन्थियों 11:5

गेह ता समझेक्च़ातग, कि गेह धोंण ए रूठे तोतोग अंयों कि अंऊ दोच़ी झांह ठ्रोह कंड्रातोर कि दोरे भत्ते प्रेरित बे मोह्ड़े तोतोर।

2 कुरिन्थियों 12:11

गेह मुर्ख बणेंके इलिग, पर दि केरे ए शुई अच़ि गिह्बी झांह लहच़िमी थल्जी मज़बूर लहरिन। केतिंङ ता गिऊ षटणा लहज़ी जूंशी तोहई, छना कुचे अगर गेह छोह् ला जोगे माह तोग, तांला गेह दोतंङ बे छल्ले धिरा रिंङ कम माह तोग, अंऊ झांह ठ्रोह कंड्रातोर कि दोरे भत्ते प्रेरित बे मोह्ड़े तोतोर।

2 कुरिन्थियों 5:16

झांह लेह हेंतेग बे हेनर मीहतु नज़रारिंङ अतु ला न्याय माह लहज़ातंई। वोई इच्च़ा टेम तोहई, अपेहल ञेंहच़ी मसीह बि मीहतु नज़रे खयांतेंई, पर हेंतेग ञेंहच़ी झांह माह लहज़ातंई।

गलातियों 2:2

गेह दोर दिऊ थल्जी इलिगा छना कुचे परमेश्वरे गिह्बी इबिमी थल्जी कुहते। दंङ अपेहल गेह दोर तोईग दंङ गेह अगुवा तंङ साते सामटे ठ्रोह दोहरिगा दंङ दोतिंङ दू रूठे खबरो पाहठी कंड्रीगा अंऊ गेह ऊईजाति तु बिचंङ प्रचार लहज़ी लेहकी तोईगा। ताकि झांह शुहबी मेस, कि गिऊ दि टेमो या थलेकी दू मेहनत शुहके शोतो।

गलातियों 6:3

छना कुचे अगर केहच़ी ञेंहच़ातंई कि अतुआ मदत लहज़िमी थल्जी केरे महस खास शुई दंङ केरे सिर्फ केनातिंङ ए मुर्ख बणाएच़ातोंई केरे धोंण ला खास माह शुई।

इब्रानियों 13:17

केनातु अगुवा तु मनेक्तुंई; दंङ दोतु अधीन बंङज़ेंई, दोरे केहतु टोईच़ी नज़र केहषी तातोर ताकि केरे भटकेगी माह जूंस। छना कुचे दोतिंङ एनोह सेवा ओ लेखा परमेश्वरा बि रंड्री पढ़ेक्पोतो; केरे दोऊ मनेक्तुंई, ताकि दू दि कम खुशी रंङ साते लोहतो, छना कुचे दुखी शुहचे सेवकाई लहज़िमी छल्ले फायदा माह।

इब्रानियों 13:7

अंऊ केहतु अगुवा तोईरे, दंङ अच़ि केतिंङ परमेश्वरो बचन सुनाच़ी तातोर, दोतिंङ हिद तंही; दंङ ध्याना रंङ साते दोतु जीवन खंई, कि छना दोच़ी एनोह जीवन‍‍ श्रींङमातोर, दंङ सिमी मुक्का तचेक परमेश्वरो विशवासा रिंङ पक्‍का बणेंके बंङज़िरे। झांह लेह हेंदिंङ ला परमेश्वरो टोईच़ी ध्वांए ठ्रोह विशवास लहज़ी लेह्पोतो छना दोच़ी लहसी तरेर।

1 पतरस 1:17

अपेहल केहच़ी प्रार्थना लहज़ातंई ता दंङ केहच़ी परमेश्वरा बि केनातु बाह कुट्रातंई। पर हिद तंही कि दू भत्ते मीहतु फेंसला इच्च़ा ए ठ्रोह लहज़ा मतलब हर इच्च़ा ए छि-छि लहसी शुह। दिऊ थल्जी कि केरे दि धरती रिंङ इच्च़ा परदेशी शुहचे बंङज़ातंई दंङ केतिंङ परमेश्वरो बेह्द चेहके दोऊ महस आदर लहज़ी जूंशी तोह।