गलातियों 2:2 - लाहौली बाइबिल

² गेह दोर दिऊ थल्जी इलिगा छना कुचे परमेश्वरे गिह्बी इबिमी थल्जी कुहते। दंङ अपेहल गेह दोर तोईग दंङ गेह अगुवा तंङ साते सामटे ठ्रोह दोहरिगा दंङ दोतिंङ दू रूठे खबरो पाहठी कंड्रीगा अंऊ गेह ऊईजाति तु बिचंङ प्रचार लहज़ी लेहकी तोईगा। ताकि झांह शुहबी मेस, कि गिऊ दि टेमो या थलेकी दू मेहनत शुहके शोतो।

गलातियों 2:2 Iomraidhean Croise

मत्ती 10:16

खंड्रूई गेह केतिंङ त्रैंईतु ठ्रोह शंखुतु बिचंङ चरच़ातग, झांह लेह ओमड्रो ठ्रोह चलाक ए कबूतरो ठ्रोह बुद्धिमान शुई।

प्रेरित 15:12

दंङ भत्ते सभा ओ मीहरे चुपे शुहचे पोलुस ए बरनबासो रेड्री लेहतिर, कि परमेश्वरे दोतु दोरच़ी ऊईजाति तु बिचंङ छोंई घाटे मोह्ड़े-मोह्ड़े कहम ए चमत्कार लहरी।

प्रेरित 15:2

अपेहल पोलुस ए बरनबास ओ दोतंङ साते महस बहस शुई दंङ दोच़ी दिह ठहराएसी कि पोलुस ए बरनबास दंङ दोतु बिचंङ ज़ि रेह मीहरे दि गप्पो थल्जी प्रेरित ए कलीसिया ओ सेंहणातु कछंङ यरूशलेम शहरो हखा योर।

प्रेरित 15:4

अपेहल दोरे यरूशलेम शहर पिचे इलिरे, दंङ कलीसियाओ मीहरे ए प्रेरित दिंङ कलीसिया ओ सेंहणार दोतंङ साते खुशी रंङ साते दोईरे दंङ पोलुस ए बरनबास ए भत्ते धिर कंड्रातोर अंऊ परमेश्वरे दोतु दोरच़ी लाहते।

प्रेरित 18:9

दंङ प्रभु ज़ि इच्च़ा रातारिंङ दर्शन रेह पोलुस ओ हखा कुई, थाह बेऊ, पर कुडू दंङ चुपे था बंङज़ु।

प्रेरित 23:11

दू ए रातारिंङ प्रभु यीशु ज़ि पोलुस कछंङ खड़े शुहचे कुई, “हे पोलुस, याहऊ तौऊ; छना कुचे, छना ठ्रोह केई यरूशलेम शहरंङ गिऊ गवाही रांहषी तातन, ध्वांए कनिंङ रोम शहरारिंङ ला गवाही रंड्री लेह्पोतो।”

प्रेरित 5:34

पर गमलीएल मिंदंङ इच्च़ा फरीसी मीहे अंऊ कानून सिखाएच़ा ए भत्ते मीहतु बिचंङ जाना माना तोहई, यहुदी सभा रिंङ खड़े शुहचे प्रेरितातिंङ थोड़े अरे टेमो थल्जी धह्तेका शिल्ज़िमी हुकुम रेंई।

रोमियो 9:16

झांह लेह दि मीहू हिटी या दोऊ मेहनतो टोहकठे मशत, पर दया लहज़ार परमेश्वरो टोहकठे निर्भर शुहवा।

1 कुरिन्थियों 1:23

पर हेनर दि प्रचार लहज़ातंई कि मसीह हेंदिंङ हेंदु पापो दोरच़ी छुड़ाएच़िमी थल्जी क्रूसो टोईच़ी सिए इलि। अंऊ यहुदी तु कछंङ ठोकरो वहज़ा, दंङ ऊईजाति तु कछंङ मुर्खता तोह।

1 कुरिन्थियों 2:2

छना कुचे केहतु बिचंङ गेह दि ठानेगी अतिगा कि गेह यीशु मसीह ए दोऊ क्रूसो मौतो अलावा ऊई अंऊ ला गप्पा माह ञेंहरिगा।

1 कुरिन्थियों 9:24

छना कि ज़रका ता भत्ते ज़ि रंड्री, पर इनाम इदि ए रेंज़ा शिलज़ी? केरे ध्वांए ए ज़रका रांही, कि केरे द्रक्शे योंई।

1 कुरिन्थियों 9:26

छना इच्च़ा ज़रका रंड्रा एनोह ज़रका रंड्रीमी दिशा रिंङ बणेंके बंङज़ा या इच्च़ा मुक्केबाज़ एनोह टोईच़ी काबू लहज़ा, ध्वांए गेह घेंङौ मसीह जीवन मसीहरिंङ काबू तहज़ा ते श्रींङमातग।

2 कुरिन्थियों 12:1

हालांकि घमण्ड लहज़ी गिऊ थल्जी ठीक माह, तांला लेह लेहपा; पर गेह प्रभु रांहषी दर्शन ए प्रकाशनो चर्चा लोहग।

गलातियों 1:12

छना कुचे गेह दू घेंङौ बाह-मेमे ओ दोरच़ी सिखेसी माह शुगाह दंङ माह ए अच़िया धर्मिक ज्ञानी ज़ि गिह्बी सिखासी शुह। पर एनोह ए यीशु मसीह ज़ि दोबि गिऊ टोईच़ी प्रगट लहरी।

गलातियों 1:6

गिह्बी दि गप्पो हेरानी शवाह, कि अंऊ परमेश्वरे केतिंङ मसीहू मोह्ड़े दाह ओ हिसाबे एनोह मीहरे शुहबिमी थल्जी बुलाएती, दोरंङ केरे धोंण युरनाह भटकेगी अई शत्‌ह शिक्षा ओ टोईच़ी विशवास लहज़ी लेहकी तोतोंई।

गलातियों 2:6

यरूशलेमो कलीसिया ओ दू अगुवा ज़ि, अंऊ खबरा रिंङ सिखाएच़ातेर दोबि लहसिमी थल्जी गेह मज़बूर माह लहरिर। गिह्बी दि गप्पो दोरच़ी छल्ले फर्क माह पढेक्पी कि दोरे अगुवा अंयों खास तोतोर, छना कुचे परमेश्वर धकते कि रूप खंड्रा अपेहल ला न्याय माह लहज़ा।

गलातियों 2:9

अंऊ मीहरे कलीसिया ओ अगुवा समझेक्च़ातंई, मतलब याकूब, बरनबास, कैफा ए यूहन्ना, दोच़ी मोह्ड़े दाह ओ दू वाईदा सेहच़ी चरच़ातोर अंऊ गिह्बी खोकसा तोह। दोच़ी हेंदंङ साते गुह्ट्र मिलाके दि कंङातोर कि दोरे हेंदंङ साते राजी तोईरे। दोरे दि गप्पो थल्जी राजी शुईरे कि हेनर ऊईजाति तु कछंङ रूठे खबर सुनाएच़िमी थल्जी योंई दंङ दोरे यहुदी तु कछंङ।

गलातियों 5:7

केरे ता केनातु आत्मिक ज़रका रिंङ ला रूठे रंङ ज़रका रैंईनि। अच़ि केतिंङ तुंखा शुहबिमी दोरच़ी रोकेक्सी ततो कि केरे सच्चाई बि था ञेंहनि।

फिलिपियों 2:16

झांह लेह गेह मसीहू यह्च़ा अपिमी ध्याड़ो थल्जी दि गप्पो टोहकठे घमण्ड लेह तरपोग कि गिऊ कोशिश ए मेहनत लहज़ी बेकार माह शुई।

फिलिपियों 2:29

झांह लेह केरे प्रभुरिंङ दोरंङ साते महसे खुशी रंङ साते दोईनि, दंङ केतिंङ दोऊ ए ठ्रोह दोतु आदर लेह जूंशी तोह,

1 थिस्सलुनीकियों 3:5

झांह लेह अपेहल गेह ऊई ज़हके मरतिगा, दंङ केहतु विशवासो हाल ञेंच़िमी थल्जी तीमुथियुसा बि च़रचातेग, छना कुचे ञेंरे बेवातेंई कि, परीक्षा लहज़ा शेताने केहतु परीक्षा लोहतो, दंङ ञेंहतु मेहनत बेकार शुचे योतो।

2 तीमुथियुस 4:7

छना इच्च़ा रूठे योद्धा लड़ाईरिंङ हार माह मनेक्च़ा ध्वांए गेह ला प्रभु थल्जी महस मेहनत लहज़ी माह छोड़ेक्च़ातग। गेह मसीहू रांहषी कम पूरा लेह चरच़ातग, गेह प्रभु रिंङ थल मुक्का तचेक वफादार बंङज़ातग।

इब्रानियों 12:1

हेंदु कछंङ झांह ठ्रोह महस मीहरे तोतोर अंऊ दोतु विशवासे दि कंड्रा कि विशवासो मतलब छि शुहबी। दिऊ थल्जी अतंई हेंज़ी हर इच्च़ा रूकावट दंङ पाप बि शत्‌ह लेह, हेंदिंङ अंऊ अमरिंङ जोज़िमी तोह, दोऊ टोईच़ी जोज़ातंई।