गलातियों 2:13 - लाहौली बाइबिल

¹³ दंङ दोतंङ साते, अन्ताकिया शहर रंङ रें यहुदी विशवासी ज़ि कपट लहरिर, देर तचेक कि बरनबास ला दोतंङ साते वेवाते दंङ दोई ऊईजातिरंङ साते मेल-जोल तहच़ि बंद लेह केई।

गलातियों 2:13 Iomraidhean Croise

मत्ती 23:28

ध्यांए केरे लाह धकतेखी मीहतिंङ धर्मी तंङफातंई, पर तोंङसी कपट ए, अधर्म ए पिंङषी तोहतोंई।

प्रेरित 4:36

यूसुफ मिंदंङ इच्च़ा मीह तोहई। दुह लेवी खानदानो तोहई दंङ साइप्रस टापू च़ि तोहई। प्रेरिता ज़ि दोबि बरनबास कुईर, अतु मतलब दिह शुह, इच्च़ा झांह ठ्रोह मीह, अच़ि ऊईतिंङ हिम्मत रंड्री।

1 कुरिन्थियों 12:2

केहच़ी ञेंहच़ातंई कि केरे विशवासी बणेक्पिमी तुहई छना ठ्रोह जीवन श्रींङमातंई। दंङ केरे टटे मुर्ति तु थल्जी जोज़िमी थल्जी भटकेगी इलजी तोतोंई।

1 कुरिन्थियों 15:33

अंऊ मीहच़ी झांह ठ्रोह गप्पा लहज़ातोर दोतु ठ्रोह मुर्ख थाबणेंक्तुंई, “मदम संगति रूठे मीह ला मदम लेह केट्री।”

1 कुरिन्थियों 5:6

केहतु घमंड लहज़ी बिल्कुल ला ठीक माह शुह, छि केहच़ी माह ञेंच़ातंई आ, कि थोड़े अरे सुमे भत्ते त्रुक्क्षी फुकान ला सुम ज़डे लेह चरच़ि? ध्वांए, अगर इच्च़ा मीहबी पाप लहज़ी छोड़ेके च़रपोंई, दंङ युरनाह ए भत्ते मीहतिंङ दुह पाप फेलेके भत्ते मीहरे दुह पाप लहज़ी शुरू लेह च़रपोर।

1 कुरिन्थियों 8:9

पर खबरदार बंङज़ुंई, पर झांह शुहबी मेस, कि केहतु दि आज़ादी विशवासा रिंङ कमज़ोर मीहतु थल्जी पापो वहज़ा योतो।

गलातियों 2:1

सपि सालो थल गेह बरनबास रंङ साते यरूशलेमो शहरो हखा इलिगा, दंङ तीतुसा बि ला साते रेंज़ा शिलिगा।

गलातियों 2:9

अंऊ मीहरे कलीसिया ओ अगुवा समझेक्च़ातंई, मतलब याकूब, बरनबास, कैफा ए यूहन्ना, दोच़ी मोह्ड़े दाह ओ दू वाईदा सेहच़ी चरच़ातोर अंऊ गिह्बी खोकसा तोह। दोच़ी हेंदंङ साते गुह्ट्र मिलाके दि कंङातोर कि दोरे हेंदंङ साते राजी तोईरे। दोरे दि गप्पो थल्जी राजी शुईरे कि हेनर ऊईजाति तु कछंङ रूठे खबर सुनाएच़िमी थल्जी योंई दंङ दोरे यहुदी तु कछंङ।

इफिसियों 4:14

हेंतेग बे हेंदिंङ कटुतु ठ्रोह व्यवहार लेह माह जूंस। झांह लेह हेंदिंङ अपेहल ला धोखेबाज़ मीहतु हप्सी शिक्षा रिंङ माह फसेफी जूंस, अंऊ हेले च़ेहसा। छना कुचे हेनर दू किशतीऊ ठ्रोह माह तोंई अतिंङ छ्वली देखा-नोखा लहज़ा दंङ लन्न ज़ि देखा-नोखा किरज़ी लहज़ा।

इब्रानियों 13:9

छना कुचे यीशु मसीह अपेहल ला माह लेहक्सा, झांह लेह केतिंङ दि भत्ते खरकोई ए शत्‌ह-शत्‌ह शिक्षाओ भाषे लहज़ी जूंशी तोह अंऊ केतिंङ गलत अमरिंङ रैंज़ा शिलज़ा। छना कुचे केहतु सेहमो थल्जी दि रूठे तोह कि परमेश्वरो मोह्ड़े दाह ओ दोरच़ी पक्‍का शुहचे इलेंई, माह कि दू कानून मनेक्च़िमी रंङ साते अंऊ ज़ेइमी पाहठी तोह, ज़ेइमी-तुंङमिमी रिति रिवाज़ो अतु ला भला माह शुई।