गलातियों 1:6 - लाहौली बाइबिल

⁶ गिह्बी दि गप्पो हेरानी शवाह, कि अंऊ परमेश्वरे केतिंङ मसीहू मोह्ड़े दाह ओ हिसाबे एनोह मीहरे शुहबिमी थल्जी बुलाएती, दोरंङ केरे धोंण युरनाह भटकेगी अई शत्‌ह शिक्षा ओ टोईच़ी विशवास लहज़ी लेहकी तोतोंई।

गलातियों 1:6 Iomraidhean Croise

मरकुसो 6:6

यीशुबि दोतु अबिश्वास खांई हेरानी शुहचे इलि, दुह थल यीशु देच़ि न्वेच़ि नगरंङ इलि दंङ परमेश्वरो रुठे खबर सुनाएची लेहती।

यहून्नो 9:30

दोई दोतिंङ जुबाब रेंई, “दिह ता हेरानीऊ गप्पा शुह कि केहच़ी माह ञेंहनी कि दुह अंऊखि शुह तांला दोई गिऊ टिरार ठीक लेह केई।

प्रेरित 15:11

वोई, झांह लेह ठीक माह, पर दिह पक्‍का तोह कि छना ठ्रोह दोरे मीहरे प्रभु यीशु ऊ मोह्ड़े दाह दोरच़ी उद्धार खोक्पोर; ध्वांए ठ्रोह ञेंतिंङ ला उद्धार खोकसोतो। माह मूसा ओ कानून मनेकच़िमी रंङ साते।

रोमियो 10:3

दोरे दू धर्मिकता माह ञेंहच़ातोर, अंऊ दोबि परमेश्वरे जुंज़ा, दंङ दोरे एनोह धर्मिकता बि स्थापित लहज़ी बंङज़ातोर। झांह लेह दोच़ी एनाबि परमेश्वरो अधीन माह लहरिर।

रोमियो 5:2

हेंदु विशवासो दोरच़ी, मसीह ज़ि हेंदिंङ दि मोह्ड़े दाह तचेक रैंज़ा हति अंऊर हेनर हेंतेग पिचे तोतोंई, ञेंरे दि गप्पारिंङ खुश शवातंई कि हेंदिंङ परमेश्वरो महिमा रि सहभागी शुहबिमी उम्मीद तोह।

रोमियो 8:28

दंङ ञेंहच़ी ञेंहच़ातोंई, कि अंऊ मीहरे परमेश्वर रंङ साते दाह लहज़ातोर, दोतु थल्जी भत्ते गप्पा ठ्रोहका शुहचे भलाई बि पैदा लहज़ा; मतलब दोतु ए थल्जी अंऊ परमेश्वरो हिटी हिसाबे अंङषी तोतोर।

रोमियो 8:30

दंङ अतु थल्जी परमेश्वरे तुहई इरादा लाहते दोतिंङ अंङे ला च़रति, दंङ अतिंङ अंङाते, दोतिंङ धर्मी घोषित लहरी, दंङ अतिंङ धर्मी घोषित लहरी, दोतंङ साते एनोह महिमा ला फाए च़रति।

1 कुरिन्थियों 4:15

छना कुचे चाहे केहतु कछंङ मसीहरिंङ शिक्षा रंड्रा हज़ार शोर, पर गेह ए केहतु बाह ओ बराबर शुगाह अंऊ केहतु कछंङ रूठे खबर रैंज़ा हंदेग, अतु नतीज़ा केरे यीशु मसीह रिंङ विशवास लहज़ी लेहती।

2 कुरिन्थियों 11:4

अगर अरिया केहतु कछंङ अंज़े ते, ऊई अरिया यीशु प्रचार लोहतो, अतु प्रचार ञेंहच़ी माह लोहनि या ऊई छा आत्मा केतिंङ खोकसिरी; अंऊ तुहई खोकसी माह तोहई; या ऊई छा रूठे खबर अतिंङ केहच़ी तुहई मनेक्च़ी तातंई, केरे दू शिक्षा ग्रहण लहज़िमी थल्जी गलत तोतोंई।

2 कुरिन्थियों 2:17

छना कुचे हेनर दू महसे तु बराबर माह तोंई, अंऊ परमेश्वरो बचन एनोह फायदा ओ थल्जी प्रचार लहज़ा; पर हेनर परमेश्वरो बचनो प्रचार सच्चाई ए मसीहू अधिकारारंङ साते लहज़ातंई, दि ञेंई कि परमेश्वर हेंदिंङ खंड्रा बंङज़ा तोह।

गलातियों 1:11

हे गिऊ प्यारे साथी विशवासी रे, गेह केतिंङ दि कंड्रीमी तातग, कि अंऊ रूठे खबर गेह सुनाएच़ातग, दुह मीहतु दोरच़ी मश्त।

गलातियों 1:7

सिर्फ इच्च़ा हेले ए रूठे खबर तोह, पर गप्पा दि तोह कि, रेह मीहरे मसीहू पाहठी रूठे खबर बि खावाएच़ि जुंज़ातोर, दंङ दू मीहच़ी केतिंङ धोखा रंड्रातोर।

गलातियों 2:14

पर अपेहल गेह खंईगा कि दोरे हेले रिंङ दुह सच्चाई ओ भाषे माह लहज़ातेर अंऊ रूठे खबर सिखाएच़ा दंङ गेह मीहतु तुईज़ी पतरसो हखा कुईग, “अपेहल काह इच्च़ा यहुदी शुहचे ला, ऊईतु जाति ओ रिति-रिवाज़ो भाषे माह लहज़ातन, दंङ काह ऊईजाति बि हेनर यहुदी तु रिति-रिवाज़ो भाषे लहज़िमी थल्जी दबाब छारिंङ केट्रातन?”

गलातियों 2:2

गेह दोर दिऊ थल्जी इलिगा छना कुचे परमेश्वरे गिह्बी इबिमी थल्जी कुहते। दंङ अपेहल गेह दोर तोईग दंङ गेह अगुवा तंङ साते सामटे ठ्रोह दोहरिगा दंङ दोतिंङ दू रूठे खबरो पाहठी कंड्रीगा अंऊ गेह ऊईजाति तु बिचंङ प्रचार लहज़ी लेहकी तोईगा। ताकि झांह शुहबी मेस, कि गिऊ दि टेमो या थलेकी दू मेहनत शुहके शोतो।

गलातियों 2:7

दिऊ बदलारिंङ अगुवा ज़ि ञेंए च़रतिर कि गिह्बी ध्वांए ठ्रोह ऊईजाति तु बिचंङ रूठे खबरो प्रचार लहज़िमी कम रांहषी तोह, छना ठ्रोह पतरसा बि यहुदी मीहतु बिचंङ रूठे खबर प्रचार लहज़िमी कम रांहषी तोहई।

गलातियों 5:14

छना कुचे भत्ते मूसा ओ कानूनो निचोड़ सिर्फ इच्च़ा गप्पारिंङ ब्याके तोह: “कि काह केनोह पड़ोसीरंङ साते केनोह ठ्रोह दाह लोह।”

गलातियों 5:4

केरे ता मूसा ओ कानूनो भाषे लहज़ा दोरच़ी धर्मी साबित शुहबी जुन्ज़ातंई, दंङ केरे मसीहू दोरच़ी केनातु नाता ब्याड़ा लेह चरच़ातंई दंङ परमेश्वरो मोह्ड़े दाह बि योह्च़े चरच़ातंई।

2 थिस्सलुनीकियों 2:14

परमेश्वरे केरे बचाएच़िमी रूठे खबरो थल्जी बुलासी ततो, अतु ञेंहच़ी केहतु बिचंङ प्रचार लहज़ातंई, ताकि केरे दुह महिमारिंङ शामिल शुहचे तरपोंई अंऊ परमेश्वरे हेंदु प्रभु यीशु मसीह बि रांहषी ततो।

1 तीमुथियुस 1:14

दंङ हेंदु प्रभु मोह्ड़े दाह दुह विशवास ए दाह रंङ साते अंऊ मसीह यीशु रिंङ तोह, महसरंङ साते शुई।

1 तीमुथियुस 1:3

हे तीमुथियुस छना कि केई ञेंच़ातन कि इफिसुस शहरा रिंङ रेह झांह ठ्रोह मीहरे तोतोर, अंऊ दोच़ी गलत शिक्षा रंड्रातोर। दोरे लगातार हप्सी कथा दंङ सेंहणा तु पाहठी सिखाएच़ातोर। अपेहल गेह इफिसुस शहरो दोरच़ी मकिदुनिया प्रदेशो हखा इबिमी तेयार तोईगा, दंङ गेह कनिंङ इफिसुसा रिंङ बंङज़िमी थल्जी कुहतग कि दोच़ी झांह ठ्रोह शिक्षा रंड्री माह जूंस। अपेहल दोरे झांह ठ्रोह गप्पा सिखाएच़ातोर, दंङ मीहरे दोतु पाहठी गप्पा लहज़ातोर। दिऊ नतीज़ा दि तोह कि कंड्रा दोरे दुह कम माह लहज़ातोर अंऊ परमेश्वरे दोतिंङ रांहषी तहरे, अपि दोच़ी सिर्फ परमेश्वरो टोईच़ी विशवास लहज़ी लेह तरपोतो। दू हप्सी अगुवातिंङ हुकुम रोंऊ कि दू हप्सी नियम कंड्री बन्द लोह अंऊ गलत तोह।

2 तीमुथियुस 1:9

अच़ि हेंदु उद्धार लहतो, दंङ हेंदिंङ पवित्र जीवन श्रींङमी थल्जी बुलासी शुई, दोई हेंदिंङ दिऊ थल्जी माह बुलाएक्तो कि हेंज़ी रूठे कम लाहतेन पर एनोह मकसद ए दुह मोह्ड़े दाह ओ हिसाबे बुलाएकते, अतु सकिम परमेश्वरे तुहई ए यीशु मसीह बि दि संसारारंङ च़रच़िमी दोरच़ी बणाकते।

2 तीमुथियुस 2:1

झांह लेह हे गिऊ योह तीमुथियुस, कांह दुह मोह्ड़े दाह रंङ साते अंऊ यीशु मसीह रंड्रा, बलबंत शुहचे ईल,

1 पतरस 1:15

पर हेंतेग केतिंङ भत्ते कम रिंङ अंऊ केहच़ी लहज़ातंई पवित्र शुहबी जूंस, छना कि परमेश्वर पवित्र तोह, अच़ि केतिंङ एनोह कटुरे शुहबिमी थल्जी अंङषी ततो।

2 पतरस 1:3

परमेश्वरे एनोह सामर्थो दोरच़ी हेंदिंङ दुह भत्ते रांहषी ततो अंऊ हेंदिंङ जीवन श्रींङमिमी थल्जी जूंशी तोह, अंऊ परमेश्वरा बि खुश लहज़ा। दि जूंशी तोह छना कुचे हेनर परमेश्वरा बि ञेंहच़ातंई दंङ दि दुह ए शुह अच़ि हेंदिंङ एनोह महिमा ए रूठे ओ वहज़ा ज़ि बुलासी शुह।

प्रकाशित वाक्य 22:21

गेह प्रार्थना लहज़ातग कि प्रभु यीशु, परमेश्वरो भत्ते मीहतु टोईच़ी मोह्ड़े दाह लोहतो। अमीन!