गलातियों 1:21 - लाहौली बाइबिल

²¹ यरूशलेम शहर इबिमी थल गेह सीरिया ए किलिकिया ओ प्रदेशो हखा अतिगा।

गलातियों 1:21 Iomraidhean Croise

मत्ती 4:24

दंङ भत्ते सीरिया प्रदेशंङ अंऊ गलीलो उत्तर दिशाऊ हखा तोहई दोऊ जश फेलेके इलि; दंङ मीहच़ी भत्ते नत्पातिंङ अरी शताह-शताह तरीको बीमारी ए दुखंङ तोईरे ए, अतु अंद्रेग मांजी आत्मारे तोईरे, दंङ मिर्गीऊ घ्राहकातिंङ ए अधरंगो नत्पातिंङ, दोऊ कछंङ हतिरे दंङ दोई दोरे ठीक लहरी।

प्रेरित 13:1

अन्ताकिया शहरो कलीसिया रिंङ महसे भविष्यवक्ता ए शिक्षा रंड्रा तोईरे; मतलब बरनबास ए शमौन अतु अई मिन नीगर (रोह्की) कुट्रातेर; दंङ लूकियुस अंऊ कुरेनो शहरो शुह, शाऊल दंङ मनाहेम अंऊ दोतु पालन-पोषण राज्यपाल हेरोदेस रंङ साते शुहते।

प्रेरित 15:23

प्रेरिता ज़ि दुह डाक एनारंङ साते रेंज़ा शिलिर; अंऊर च़ेहसी तोहई: “अन्ताकिया शहरारिंङ, सीरिया रिंङ दंङ किलिकिया प्रदेशो बंङज़ा विशवासी न्वारे अंऊ ऊईजाति विशवासी तु बिचंङ ज़ि तोतोर, प्रेरित ए कलीसिया ओ सेंहणा ए अंऊ केहतु न्वारे तोतोर नमस्कार।”

प्रेरित 15:41

दंङ दोरे भत्ते सीरिया ए किलिकिया प्रदेशारिंङ इलिर दंङ कलीसिया ओ विशवासी तिंङ पक्‍का लहज़ी लेहतिर।

प्रेरित 18:18

पोलुस महस ध्याड़ा तचेक कुरिन्थुस शहरा रिंङ बंङज़िरी, दंङ प्रिस्किल्ला ए अक्किला ला रंङ साते, दुह विशवासी न्वारे तंङ साते विदा शुचे किंख्रिया शहरो हखा अच़ा इलि। दुह शहरा रिंङ पोलुसे एनोह पुंज़ा ओ मुण्डन लेह च़रति दि कंड्रीमी थल्जी कि अंऊ वाईदा दोई परमेश्वरा रंङ साते लहसी तहरे दोबि पूरा लेह चरच़तो दोऊ थल दुह सीरिया प्रदेशो हखा इबिमी थल्जी इच्च़ा जहाज़ो टोईच़ी अच़ा इलि। दोरंङ साते प्रिस्किल्ला ए अक्किला ला तोहई।

प्रेरित 21:3

ञेंहतिंङ सुचंङ हासी ए साइप्रस द्वीप तंङरिर, ञेंहरे दोरच़ी जहाज़ंङ ज़ि सफर लहज़ा सीरिया प्रदेशो हखा इलिन दंङ सोर नगरा रिंङ पिचे इलिन; छना कुचे दोर्तिंङ सामान तकसिमी तोहई।

प्रेरित 21:39

पोलुसे जुबाब रेंई, माह गेह ता यहुदी मीह शुगाह, गेह किलिकिया प्रदेशो इच्च़ा महस खास तरसुस शहरो निवासी शुगाह। दंङ गेह करंङ साते बिनती लहज़ातग, कि गिह्बी मीहतंङ साते गप्पा लेह रोंऊ।

प्रेरित 22:3

गेह ता यहुदी शुगाह, गिऊ जन्म किलिकिया प्रदेशो तरसुस शहरंङ शुहचे शुह; पर दि शहरा रिंङ गमलीएल गुरूओ कोंज़ो कछंङ बंङज़ा शिक्षा ग्रहण लहरिग, दंङ बाह मेमेतु कानून ला रूठे रंङ सिखेक्सा इलिग; दंङ गेह परमेश्वरो थल्जी झांह ठ्रोह जोशिला तोईगा, छना केरे भत्तेर हेंतेग तोतोंई।

प्रेरित 23:34

राज्यपाल ए डाक पढ़ेके पोलुसा बि रुहक्ती, “कह अऊंसङ प्रदेशो शुनाह?” पोलुसे कुई गेह किलिकिया प्रदेशो शुगाह।

प्रेरित 6:9

पर रेह मीहरे स्तिफनुस ओ विरोध लहज़ी लेहतिर। अंऊ दुह यहुदी सभो घरबारो मीहर तोईरे “अतिंङ गुलामी ऊ दोरच़ी आज़ाद मीहतु सभो घर कुट्रा तोईरे” दोरे मीहरे कुरेन ए सिकंदरिया शहरो दंङ किलिकिया ए आसिया प्रदेशंङ च़ि ला तोईरे। दिरे मीहरे स्तिफनुस रंङ साते बहस लहज़ी लेहतिर।

प्रेरित 9:30

दंङ ऊई चेला तिंङ दिह गप्पो पाहठी पता लेहका दंङ दोरे शाऊला बि केसरिया शहरंङ रैंज़ा हतिर, दंङ दोर्तिंङ दोरे दोऊ थल्जी समुंद्री जहाज़ंङ च़ि तरसुस शहरो हखा चरच़ि च़रतिर, अंऊ दोऊ एनोह शहर तोहई।