इफिसियों 6:9 - लाहौली बाइबिल

⁹ दि तरीका रंङ अंऊ मालिक तोतोर, दोरे ला एनोह दास रंङ झांह ठ्रोह व्यवहार ए दोतिंङ बेई लहज़ी ए धमकाएच़ी छोड़ेके च़रतेंई, दंङ दोतंङ साते रूठे बरताव लंहि। छना कुचे केहच़ी ञेंच़ातंई, कि दोतु ए केहतु झुल्लो मालिक स्वर्गारिंङ तोह, दंङ दोई अतंङ साते ला भेद-भाव माह लहज़ी।

इफिसियों 6:9 Iomraidhean Croise

मत्ती 22:10

दोऊ परगर ज़ि अमरिंङ इलजे छि मांजी छि रूठे, अंयों खोकसिरे, भत्ते ठ्रोहका लेह लेहतिर; दिह ब्याहऊ घरबार प्राहऊणातंङ पिंङे इलि।

मत्ती 22:8

दंङ दोई एनोह परगरातिंङ कहम लहज़ातंङ कुहतो ब्याहऊ धाम त्याहर तोह पर अंजा दोरे दिऊ जोगे माहतोईरे।

मत्ती 24:48

पर अगर दुह मांजी परगरे चेहपोतो कि गिऊ मालिको अपिमी अईता ध्याड़ा तोह।

मत्ती 24:51

दंङ दोई दोबि महस मोह्ड़े सज़ा रमोतो दंङ दोऊ हिस्सा कपटी मीहतंङ साते ठहराएपोतो; दोहर क्रपिए छ्वा रुहक्च़ी शोतो।”

मत्ती 7:12

दिऊ थल्जी केहच़ी मीहतु दोरच़ी केन्दु थल्जी छना लह्जी जुंज़ातंई, केहच़ी ला दोतंङ साते ध्वांए लंहि, छना कुचे मूसाऊ कानून ए भविष्यवक्ताओ लेखो मतलब दिह तोह।

लूको 6:31

छना केहच़ी पेट्राई कि मीहरे केतंङ साते लोहर, केहच़ी ला दोतंङ साते ध्वांए लंहि।

यहून्नो 13:13

केहच़ी गिह्बी गुरु ए प्रभु कुट्रातन, दंङ केहच़ी छि कुट्रातन दुह सही शुह छना कुचे गेह केहतु प्रभु ए गुरु शुगाह।

प्रेरित 10:34

पतरस ए दोतंङ साते कुई, “दा गेह रुठे रंङ साते ञेंह केहतग कि परमेश्वर ए अतिंङ ला साते पक्षपात माह लहज़ा,

रोमियो 2:11

छना कुचे परमेश्वरे भत्ते तंङ साते इच्च़ा ठ्रोह व्यवहार लहज़ा।

1 कुरिन्थियों 1:2

गेह दि डाक कुरिन्थुस शहरो विशवासी तु थल्जी च़ेहसी लेहकी तोतोग। अतिंङ परमेश्वरे एनोह पवित्र मीहरे शुहबिमी थल्जी अंङे चरच़ाते, ध्वांए ए छना दोई दू भत्ते मीहतिंङ अंङे चरच़ाते अंऊ भत्ते ठहरिंङ हेंदु प्रभु यीशु मसीहू अराधना लहज़ातोर, छना कुचे दू हेंदु भत्ते तु प्रभु शुह।

1 कुरिन्थियों 7:22

छना कुचे छना परमेश्वरो हालातरिंङ परमेश्वरे अंङे चरच़तो ए बुलासी ततो, दंङ दू इच्च़ा आज़ाद मीहू ठ्रोह तोह छना कुचे प्रभु यीशु ज़ि दोबि दोऊ पापो दोरच़ी आज़ाद लेह चरच़तो, दंङ ध्वांए अंऊ आज़ादो हालातरिंङ बुलासी ततो, दोरे मसीहू परगर शुहचे इलजी तोतोर।

कुलुस्सियों 3:25

छना कुचे अच़ि मांजी लोहवा लाह, परमेश्वर दोबि सज़ा रमतो; परमेश्वरे अतु ला भेद भाव माह लेई।

कुलुस्सियों 4:1

हे मालिका रे केनातु-केनातु परगर तंङ साते फेंसला ए दंङ इच्च़ा ठ्रोह व्यवहार साते लंहि, दि समझेके कि स्वर्गारिंङ ला केहतु इच्च़ा मालिक तोह।

याकूब 2:13

छना कुचे अच़ि दया माह लहरी, दोऊ फेंसला दाह मेह शोतो; पर अरिला ऊईतु टोहकठे दया लोहतो, दंङ परमेश्वर ला दोऊ टोहकठे दया लोहतो अपेहल दोई न्याय लोहतो।

याकूब 2:8

अगर केरे पवित्रशास्त्रो दि बचनो हिसाबे, “कि केई केनोह पड़ोसीरंङ साते केनोह बराबर दाह लोहू” दंङ हेले पवित्रशास्त्रो भत्ते बे खास कानून मनेक्च़ा ते रूठे लहज़ातंई।

याकूब 5:4

खंई, अंऊ मज़दूरा ज़ि केहतु रिहऊ फसल वलज़ातेर, दोतु दुह मज़दूरी अंऊ केहच़ी धोखा रिंङ केनातु कछंङ तहसी तातंई, दोरे मज़दूर केहतु खिलाप परमेश्वरो तुईज़ी हाऊष रंड्री लेह्की तोतोर, दंङ फसल ट्रिकट्रा तु क्रपि सेनाओ प्रभु ज़ि थाक्शे चरच़तो।