इफिसियों 6:6 - लाहौली बाइबिल

⁶ केतिंङ हर टेम केनातु-केनातु मालिका तु भाषे लहज़ी जूंशी तोह, सिर्फ दोहपल ए मशत अपेहल दोच़ी केरे खंड्रातोर। पर मसीहू दास ठ्रोह बणेंके बंङज़ेंई, अंऊ एनोह भत्ते सेहमे दू ए लहज़ातोर अंऊ परमेश्वरे चेहच़ा कि दोच़ी लोहर।

इफिसियों 6:6 Iomraidhean Croise

मत्ती 12:50

छना कुचे अरी गिऊ स्वर्गो बाहऊ हिटीरंङ साते जोओतो दुह ए गिऊ न्वा शुह, गिऊ रिहंङ ए गिऊ याह शुह।”

मत्ती 7:21

अच़ि गेरंङ हे प्रभु, हे प्रभु कुट्रा दोतु बिचंङ ज़ि हर इच्च़ा स्वर्गो राज्यरिंङ तोंखा मेहबोतो पर दुहए अपतो अच़ि गिऊ स्वर्गीय बाहऊ हिटी टोईच़ी जोआ।

मरकुसो 3:35

छना कुचे ता अरी परमेश्वरो हिटीरंङ जोज़तो, दुह ए गिऊ कवचि न्वा ए रिङह ए याह शुह।”

रोमियो 6:17

केरे पापो गुलाम तोईनी, पर हेंतेग केहच़ी दुह शिक्षा ओ भाषे लहज़ातंई, अंऊ केतिंङ खोकसिरी। झांह लेह गेह परमेश्वरो धन्यवाद लहज़ातग।

1 कुरिन्थियों 7:22

छना कुचे छना परमेश्वरो हालातरिंङ परमेश्वरे अंङे चरच़तो ए बुलासी ततो, दंङ दू इच्च़ा आज़ाद मीहू ठ्रोह तोह छना कुचे प्रभु यीशु ज़ि दोबि दोऊ पापो दोरच़ी आज़ाद लेह चरच़तो, दंङ ध्वांए अंऊ आज़ादो हालातरिंङ बुलासी ततो, दोरे मसीहू परगर शुहचे इलजी तोतोर।

गलातियों 1:10

साफ तरीका रंङ, गेह मीहतिंङ खुश लहज़िमी कोशिश माह लहज़ातग, पर गेह बाह परमेश्वरा बि खुश लहज़ी तातग। अगर गेह एंतेग तचेक मीहतिंङ ए खुश लहज़ा शुचंङ ता गेह मसीहू सेवक माह शुचंङ।

इफिसियों 5:17

झांह लेह मुर्ख था बणेक्तुंई, पर दि समझेक्सिमी कोशिश लोह कि प्रभु केतंङ साते छि लहज़ी जुंज़ा।

फिलिपियों 2:12

हे गिऊ प्यारे साथी विशवासी रे, अपेहल गेह केतंङ साते तोईग दोहपल केहच़ी हमेशा परमेश्वरो हुकुमो भाषे लहरिन। एंतेग अपेहल गेह ऊईतार शुहचे इलजी तोतोग, दंङ केतिंङ ऊई ला गप्पा मनेक्च़ी जूंशी तोह। बेह्द रंङ साते केहतु बिचंङ भत्ते तिंङ दुह चीज़ लेह जूंशी तोह अंऊ दुह मीहतु थल्जी सही तोह अंऊ दोतिंङ परमेश्वरे बचाएसी ततो।

कुलुस्सियों 1:9

झांह लेह अपेहल बे ञेंहच़ी दि रैहशी तातंई, दंङ हमेशा ञेंहच़ी केहतु थल्जी प्रार्थना लहज़ा तंई कि परमेश्वरो आत्मा केतिंङ ज्ञान ए समझ रमतो ताकि केहच़ी दोऊ हिटी पुरा रिति रंङ समझेक्पोंई।

कुलुस्सियों 4:12

इपफ्रास, अंऊ केहतु नगरो तोह, दंङ मसीह यीशु दास तोह, केतिंङ नमस्कार कुट्रा। दोई केहतु थल्जी सेहमारंङ प्रार्थना लहज़ा, ताकि परमेश्वर केतिंङ पक्‍का ए सिद्ध बणाके दंङ केरे भत्ते विशवासारंङ साते परमेश्वरो हिटी पूरा लोहवा लोंहि।

1 थिस्सलुनीकियों 2:4

परमेश्वरे हेनर दि जोगे चेहके ए दि रूठे खबर रें च़रति। झांह लेह हेनर मीहतिंङ ए मशत, पर हेंदु सेहम परखेकच़ा परमेश्वरा बि खुश लहच़िमी ठ्रोह शिक्षा रंड्रातंई।

1 थिस्सलुनीकियों 4:3

परमेश्वरो हिटी दि तो कि केरे पवित्र बणेक्तेंई मतलब कुकम थालांई।

इब्रानियों 10:36

झांह ठ्रोह टेमारिंङ केतिंङ विशवास धीरज़ा रंङ सहन लहज़िमी ज़रूरत तोह, ताकि केरे परमेश्वरो हिटी पूरे लेह तरपोंई। दोहपल केतिंङ दू भत्ते खोकसोतो अतु परमेश्वरे वाईदा लहसी ततो।

1 पतरस 2:15

परमेश्वरे जुंज़ा कि केहच़ी केनातु रूठे कम दोरच़ी केहतु पाहठी गलत दोष लगाएच़ा मुर्ख मीहतु आह बन्द लेह तरपोंई अंऊ परमेश्वरा बि माह ञेंहच़ातोर।

1 पतरस 4:2

एंतेग बेहच़ी, यह्च़ा, केरे केनातु ऊई संसारिक ज़िन्दगी बि पापो हिटी पूरा लहज़िमी थल्जी मश्त; पर परमेश्वरो हिटी पूरा लहज़िमी थल्जी श्रींङे च़रतुंई।

1 यूहन्ना 2:17

संसार ए दोऊ हिटी झुल्ला योह्सा योतो, पर अंऊ परमेश्वरो हिटी टोहकठे ज़ोज़ा दुह हमेशा बणेंके बंङज़ोतो।