इफिसियों 6:5 - लाहौली बाइबिल

⁵ दासरंङ साते गिऊ विनती तोह कि अंऊ मीहरे दि संसारारंङ केहतु मालिक तोतोर, दोतु आदर सत्कार सिर्फ दिखावा थल्जी थालंही। केहतु बिचंङ हर इच्च़ा बि बेह्द ए ड्केगी छना कि मसीहू, ध्वांए मालिको ला हुकुमो भाषे लंहि।

इफिसियों 6:5 Iomraidhean Croise

मत्ती 6:22

टिरारे फुको थल्जी इच्च़ा छंङी ठ्रोह शुह दिऊ थल्जी अगर कांह टिरारे ठीक शुईरेता, कांह भत्ते फुकला छंङी शोतो।

मत्ती 6:24

छना कुचे अच़िला मीहज़ी इच्च़ा टेमारिंङ झुह्ट मालिको सेवा लेह मरछी, छना कुचे दोई इदिरंङ मांजी लोहतो ऊईरंङ दाह लोहतो, छिता इदिरंङ मिलेकी बंङ जोतो ऊई दिबी कवचि चेहपोतो केहच़ी परमेश्वरे ए ढबाह झुह्ट लोह सेवा लेह मरच़ि।

मत्ती 8:9

छना कुचे गेह ला अधिकारीऊ अधीन तोतग, दंङ अपेहल गेह इदि बि कुट्रातग कि इला ता दुह अच़ा य्वा; दंङ अईदीबी कुट्रातग अता ता दुह अच़ा अपा, दंङ अपेहल घेंङौ परगराबि कोहग कि झांह लोहू, ता दोई दुह लेहई।”

प्रेरित 2:46

दंङ दोरे हर इच्च़ा ध्याड़ारिंङ इच्च़ा सेहम शुहचे यहुदी मंदिरो लवाड़ी ठ्रोहका शवातेर, दंङ दोरे इदिऊ-अईदिऊ चुंङ इलज़ा प्रभु भोज लहज़ातेर, दंङ खुशी ए सेहमो सिधाई रंङ साते बगत ज़ोआतेर।

1 कुरिन्थियों 2:3

दंङ गेह कमज़ोरी ए बेह्दरंङ साते, दंङ महसे डगेकी ते केतंङ साते बंङज़िरी।

1 कुरिन्थियों 7:22

छना कुचे छना परमेश्वरो हालातरिंङ परमेश्वरे अंङे चरच़तो ए बुलासी ततो, दंङ दू इच्च़ा आज़ाद मीहू ठ्रोह तोह छना कुचे प्रभु यीशु ज़ि दोबि दोऊ पापो दोरच़ी आज़ाद लेह चरच़तो, दंङ ध्वांए अंऊ आज़ादो हालातरिंङ बुलासी ततो, दोरे मसीहू परगर शुहचे इलजी तोतोर।

2 कुरिन्थियों 1:12

छना कुचे हेंदिंङ इच्च़ा गप्पो माह घमण्ड तोह, हेंदु अन्तरात्मा हेंदिंङ विशवास रंड्रा कि हेंज़ी मीहतंङ साते छि बर्ताब लहसी तातंई, दू संसारो मीहतु बुद्धिमानो हिसाबे मशत, पर दू सच्चाई ए ईमानदारीऊ हिसाबे तोहई अंऊ परमेश्वरो कृपा ओ वरदान तोहई।

2 कुरिन्थियों 7:15

तीतुसे अपेहल दि हिद लहज़ा कि छना केहच़ी दोऊ हुकुमो भाषे लहज़ातंई, अपेहल केहच़ी बेह्द चेहके ए मोह्ड़े आदरा रंङ साते दोऊ स्वागत लाहतंई, दंङ दू केतंङ साते ऊई ला महसे दाह लहज़ा।

इफिसियों 5:22

हे मेच़ारे, केनातु गगसो झांह ठ्रोह अधीन बंङज़ुंई छना केरे प्रभु अधीन बंङज़ातंई।

इफिसियों 6:24

दंङ गेह दि ला प्रार्थना लहज़ातग, कि परमेश्वर दू भत्ते तु टोईच़ी एनोह मोह्ड़े दाह कंबतो अंऊ हेंदु प्रभु यीशु मसीहरिंङ साते दाह लहज़ातोर। दू दाह अंऊ अपेहल ला योहसिमी माह।

फिलिपियों 2:12

हे गिऊ प्यारे साथी विशवासी रे, अपेहल गेह केतंङ साते तोईग दोहपल केहच़ी हमेशा परमेश्वरो हुकुमो भाषे लहरिन। एंतेग अपेहल गेह ऊईतार शुहचे इलजी तोतोग, दंङ केतिंङ ऊई ला गप्पा मनेक्च़ी जूंशी तोह। बेह्द रंङ साते केहतु बिचंङ भत्ते तिंङ दुह चीज़ लेह जूंशी तोह अंऊ दुह मीहतु थल्जी सही तोह अंऊ दोतिंङ परमेश्वरे बचाएसी ततो।

फिलेमोंन 1:16

पर हेंतेग दुह सिर्फ कांह दास ए मशत पर दास बे ला बढ़कर तोह, दंङ हेंतेग दुह कांह प्यारे विशवासी न्वा शुह, अंऊ गिऊ खास प्यारे ता तोह, पर कनिंङ दोबि ला महस दाह लहज़ी जूंशी तोह छना कुचे दुह केहतु सेवक शुह दंङ मसीह रिंङ इच्च़ा न्वा ला शुह।

1 पतरस 3:2

दंङ दोरे केहतु व्यवहार खंड्रा केहतु छा कुट्री मेह, विशवास लहज़िमी थल्जी द्रक्शे योर। अपेहल दोरे केहतु शुद्ध ए ईश्वरीय व्यवहार खमोर दंङ दोरे मसीहू टोईच़ी विशवास लोहर।