इफिसियों 6:18 - लाहौली बाइबिल

¹⁸ दंङ भत्ते मुक्का ए भत्ते पाहठी हेंदिंङ ध्वांए ए प्रार्थना ए बिनती लहज़ी जूंशी तोह। छना पवित्र आत्माज़ि हेंदु अगुवाई लहज़ा। झांह लेह चेहके बंङज़ेंई दंङ भत्ते परमेश्वरो मीहतु थल्जी हमेशा प्रार्थना लोहवा लंहि।

इफिसियों 6:18 Iomraidhean Croise

मत्ती 17:21

(पर दिह जाति प्रार्थना ए ब्रत मेह महुंज़ी)

मत्ती 26:41

चेहकी ए प्रार्थना लहज़ा लोहनी कि केहच़ी परीक्षा रिंङ पड़ेक्ची मेहस। कनु सेहम ता तेयार तोत, पर शरीर कमज़ोर तोह।”

मरकुसो 13:33

रेड्रुंई, चेहकी ए प्रार्थना लोहा लोहु; छना कुंई साते ता केहच़ी माञेंनी कि दुह टेम अपेहल अपतो।

मरकुसो 14:38

चेहकी ए प्रार्थना लहज़ा लोहनी कि केहच़ी परीक्षा रिंङ पड़ेक्ची मेहस। कनु सेहम ता तेयार तोत, पर शरीर कमज़ोर तोह।”

लूको 21:36

दिऊ थल्जी चेहके तोहई दंङ हमेशा प्रार्थना लोहवा लांई कि केरे दिह अंजा मुसीबतो दोरच़ी बचेक्पी गेह मीहू योहू तुईज़ी खड़े शुहबिमी जोहगे शुई।”

लूको 22:46

दंङ दोई कुहतो, “छिले इम लाहतंई? आहचूंई प्रार्थना लहज़ा लोहनी कि केहरे परीक्षा रिंङ पड़ेक्ची मेस।”

लूको 3:26

दंङ दुह मातो, दंङ दुह मत्तीयाहो, दंङ दुह शिमिऊ, दंङ दुह योसेख, दंङ दुह योदाह,

लूको 3:37

दंङ दुह मथूशिलह, दंङ दुह हनोक, दंङ दुह, मन यिरिदो, दंङ दुह महललेल, दंङ दुह केनानो,

प्रेरित 1:14

दिरे चेलारे इच्च़ा सेहमारंङ रोज ठ्रोहका शुचे लगातार प्रार्थना लोहवा लहज़ातेर। दोतंङ साते रेह मेच़िमी रे ला ठ्रोहका शुचि इलिर अंऊ दोतु बिचंङ यीशु याह मरियम ला तोहई दंङ यीशु न्वारे ला ठ्रोहका शुचि इलिर।

प्रेरित 10:2

दुह परमेश्वरो अराधक तोहई, दंङ गरीब यहुदी मीहतिंङ महसे दान रंड्राते, दंङ हर टेम परमेश्वरारंङ साते प्रार्थना लहज़ाते।

प्रेरित 12:5

जेलंङ पतरस ओ रखवाली शुहबी लेहकी तोहई, पर कलीसियाओ मीहरे दोऊ थल्जी इच्च़ा सेहम शुहचे लगातार परमेश्वरारंङ साते प्रार्थना लहज़ी लेहकी तोईरे।

प्रेरित 6:4

पर हेनर ता प्रार्थना, बचनो प्रचार दंङ शिक्षा रंड्रा लोहनी।

रोमियो 12:12

हेंदु कछंङ छि उम्मीद तोह दोऊ वहज़ा ज़ि खुशी मनेक्तुंई; मुसीबता रिंङ धीरज़ तंही भत्ते टेमारिंङ प्रार्थना लोहवा लंहि।

रोमियो 8:15

छना कुचे केतिंङ गुलामी आत्मा खोकसी माह, कि यह्च़ा बेवा योंई पर पवित्र आत्मा हेंदिंङ परमेश्वरो कटुरे बणाएशा, अतिंङ हेनर हे बाह, हे पिता कुचे हाऊष रंड्रा तंई।

गलातियों 4:6

छना कुचे हेनर परमेश्वरो कटुरे शुई दिऊ थल्जी परमेश्वरे एनोह योह ऊ आत्माबि हेंदु सेहमरिंङ च़रति, अंऊ परमेश्वरा बि “हे अब्बा, ‘हे बाह’ कुचे ते हाऊष रंड्रातंई।”

इफिसियों 1:16

हमेशा केहतु थल्जी धन्यवाद लहज़ातग, दंङ घेंङौ प्रार्थनारिंङ केतिंङ लगातार हिद लोहवा लहज़ातग।

इफिसियों 2:22

हे ऊईजाति तु विशवासी रे, छना कुचे केरे मसीह रिंङ इच्च़ा तोतोंई, झांह लेह केतिंङ ला परमेश्वरो ऊई मीहतंङ साते जोड़ेक्च़ातोर। ताकि केरे इच्च़ा झांह ठ्रोह घरबार बणेंके योंई, अंऊर परमेश्वरो आत्मा बंङज़ा।

इफिसियों 3:18

भत्ते पवित्र मीहतिंङ साते दि गप्पा बि रूठे रंङ समझेक्सिमी कोशिश लंहि कि मसीहू दाह बेले ए लाम्हे ए रंगीरिंङ, दंङ डुह्गे रिंङ अंयों तोत।

इफिसियों 3:8

गेह परमेश्वरो भत्ते मीहतु बिचंङ कवचि शुगाह, पर परमेश्वरो मोह्ड़े दाह गिऊ टोहकठे शुई, कि गेह ऊईजाति मीहतिंङ मसीहू महसे आशीषो पाहठी रूठे खबर सुनाएपोग। दि आशीष अंऊ मसीहू दोरच़ी खोकसा, दुह मीहतु समझ बे धकते तोह।

इफिसियों 6:19

दंङ केरे गिऊ थल्जी ला प्रार्थना लंहि अंऊ कुट्री मुक्का गिह्बी झांह बचन रंड्री जूंस कि, गेह याहब रंङ साते दू रूठे खबरो भेद कंज़े तरपोग।

फिलिपियों 1:4

दंङ अपेहल केहतु भत्ते तु थल्जी प्रार्थना लहज़ातग, दंङ हमेशा खुशी रंङ साते मदतो थल्जी बिनती लहज़ातग।

फिलिपियों 4:6

अंऊ ला गप्पो चिंद थालंही, पर हर इच्च़ा हालाता रिंङ केहतु निवेदन, प्रार्थना ए बिनती रंङ साते धन्यवाद रंङ साते परमेश्वरो तुईज़ी हाज़िर लेह केऊर।

कुलुस्सियों 1:3

अपेहल ञेंरे केहतु थल्जी प्रार्थना लहज़ातंई, दंङ ञेंरे हेंदु प्रभु यीशु मसीहू बाह परमेश्वरो धन्यवाद लहज़ा तोंई।

कुलुस्सियों 1:4

छना कुचे ञेंहच़ी रैहशी तातंई, कि यीशु मसीहू टोहकठे केहतु विशवास तोह, दंङ भत्ते परमेश्वरो मीहतंङ साते दाह लहज़ातंई;

कुलुस्सियों 4:2

लगातार प्रार्थना लोहवा लंहि, दंङ हमेशा धन्यवाद रंङ साते खबरदार शुहचे बंङज़ुंई।

1 थिस्सलुनीकियों 5:17

लगातार प्रार्थना लोहवा लंहि।

1 तीमुथियुस 2:1

भत्ते बे ज़रूरी गप्पा तोह कि, केरे भत्ते मीहतु थल्जी प्रार्थना, निवेदन, विनती ए धन्यवाद लोह।

2 तीमुथियुस 1:3

अपेहल ला गेह प्रार्थना लहज़ातग, गेह हमेशा कनिंङ हिद लहच़ी कांह थल्जी परमेश्वरो धन्यवाद लहज़ातग। दुह, दुह ए शुह अतु सेवा गेह घेंङौ शुद्ध सोचे लहज़ातग, छना गिऊ बाह-मेमे ज़ि लहज़ातेर।

फिलेमोंन 1:5

छना कुचे गेह प्रभु यीशु मसीह रिंङ कनु विशवास ए परमेश्वरो भत्ते मीहतु थल्जी कांह दाह ए विशवासो पाहठी रेड्रातग।

इब्रानियों 5:7

यीशु ज़ि दि धरती ऊ ज़िंदगी रिंङ अंऊ दोबि मौतो दोरच़ी बचाएके तरच़ाते, जोरे हाऊष रें मिक्ति बहाके, परमेश्वरो हखा प्रार्थना ए बिनती लहरी छना कुचे दुह नह्की ए समर्पित तोहई, परमेश्वरे दोऊ प्रार्थना रेड्रीरी।

1 पतरस 4:7

भत्ते गप्पो अंत युरनाह शुहबिमी तोह; दिऊ थल्जी सहनशील शुहचे ए चौकस बंङज़ा प्रार्थना लंहि।

यहूदा 1:20

पर हे गिऊ प्यारे साथी विशवासी रे, केतिंङ इदि-अई दिऊ मदत लेह जूंशी तोह ताकि दुह पवित्र सच्चाई रिंङ अंऊ दोऊ टोईच़ी केहच़ी विशवास लहज़ातंई, इदि-अईदि बि बढाके तरपोंई। केतिंङ पवित्र आत्मो सामर्थो दोरच़ी मार्गदर्शन खोक्शे प्रार्थना लेह जूंशी तोह।