इफिसियों 6:14 - लाहौली बाइबिल

¹⁴ झांह लेह परमेश्वरो सच्चाई बि केनोह ऊमतु छिरतु ठ्रोह छ़ुह्च़ी च़रतुंई, दंङ केनातु धार्मिकता बि कवचो ठ्रोह लेहकी च़रतु।

इफिसियों 6:14 Iomraidhean Croise

लूको 12:35

“परमेश्वरो सेवाओ थल्जी हमेशा तेयार बंङज़ु, छना कम लहज़िमी थल्जी मीहज़ी ऊम छ़ुचे केहरी दंङ पुरे रात मशाल तुप्चे तेयार बंङज़ातोर।

रोमियो 13:12

दि मदम संसारारिंङ बंङज़ी हेंदु टेम इच्च़ा रातो योह्सिमी ठ्रोह लगभग योह्सा अंज़े तोह, दंङ दुह ध्याड़ा ला कछंङ पिचे तोह अपेहल मसीह वापिस अपतो। झांह लेह हेंदिंङ हंयारा रंङ जुड़ेके कम बंद लेह च़रसी जूंशी तोह दंङ छंङी रंङ जुड़ेके हथियार कुरच़े जुंशी तोह।

2 कुरिन्थियों 6:7

हेले ओ दाह रंङ साते, सच्चाई ओ बचनारंङ साते, परमेश्वरो सामर्थ रंङ साते ञेंहच़ी कम लहसी शुई। ञेंरे धर्मिकताऊ हथियार सुचंङ गुह्ट्र रिंङ हमला ओ थल्जी इस्तेमाल लहज़ातंई दंङ फुचंङ गुह्ट्र रिंङ रक्षाओ थल्जी इस्तेमाल लहज़ातंई।

इफिसियों 5:9

छना कुचे अगर अरिया मीह छंङीरिंङ तोह ता, दंङ दोऊ चाल-चलन रूठे ए धर्मिक शुहबी दंङ दोऊ टोहकठे भरोसा लेह तरच़ी।

1 थिस्सलुनीकियों 5:8

पर हेनर ता निहरो कटुरे शुई, झांह लेह हेंदिंङ हेंदु टोहकठे काबू लहज़ी जुंशी तोह। हेंदु विशवास ए दाह हेंदु रक्षा लोहतो छना इच्च़ा कवच़े इच्च़ा सेनिको रक्षा लहज़ा।

1 पतरस 1:13

झांह लेह, केरे मीहरे सोचेक्सिमी थल्जी तेयार शुचि इलांई। खबरदार बंङज़ुंई दंङ केनातु उम्मीद पूरा ठ्रोह दुह मोह्ड़े दाह ओ टोईच़ी लगाके तंही, अंऊ यीशु मसीहू प्रकट शुहबिमी मुक्का केतिंङ खोकसोतो।

प्रकाशित वाक्य 9:17

दुह रहंङ ए दोतु सवार अंऊ दोतिंङ गेह दर्शन रिंङ खंईगा, दोरे झांह ठ्रोह तंङफातेर: दोतु काह्ओ रखवाली लहज़ा कवच शुहई ओ बराबर षेह्ई, महस तिंङीं ए गन्धको ठ्रोह लेहई तोहई। रंङों पुंज़ा ब्राघो पुंज़ो बराबर षेह्ई तोईरे, दोतु आहच़ि मेह, टूह ए गन्धक हुंच़ा ते।

प्रकाशित वाक्य 9:9

एनोह काह् रिंङ दोच़ी निह्लामो बणेषी इच्च़ा कवच़ लेहसी तरेर। अपेहल दोरे फंज़ातेर, दंङ दोरे झांह ठ्रोह सग लहज़ातेर छना महसे रहंङ लड़ाई रिंङ इलज़ा रथ बि शोकिह शिलज़ा मुक्का लहज़ातोर।