इफिसियों 6:11 - लाहौली बाइबिल

^11-13 हेनर मीहतु खिलाप लड़ाई माह लड़ेक्पातंई। पर हेनर प्रधान ए अधिकारी तु खिलाप ए हन्यारो शाक्ति ए आत्मिक संसारो सामर्थो खिलाप तेंङसी लेहकी तोतोंई। झांह लेह भत्ते हथियार छ़ुह्च़ी च़रतुंई अंऊ परमेश्वरे रंड्रा। ताकि यह्च़ा अपेहल दू मदम ध्याड़ा अपतो, दंङ केरे शेतानो चालो दोरच़ी बचेके बंङज़ुंई। दंङ अपेहल दि लड़ाई योह्सा योतो, तांला केरे पक्‍का शुहचे खड़े बंङज़ी तरपोंई।

इफिसियों 6:11 Iomraidhean Croise

मरकुसो 13:22

छना कुचे ता हप्साड़ भबिष्यद्वाक्ता ए हप्साड़ मसीह खड़े शुहचे योतो, दंङ निशानी ए अद्धभुत कम कमोर अगर शुहचे इलि साते ता अंङषी दुरेह ला बहकाएकि च़रपोर।

रोमियो 13:12

दि मदम संसारारिंङ बंङज़ी हेंदु टेम इच्च़ा रातो योह्सिमी ठ्रोह लगभग योह्सा अंज़े तोह, दंङ दुह ध्याड़ा ला कछंङ पिचे तोह अपेहल मसीह वापिस अपतो। झांह लेह हेंदिंङ हंयारा रंङ जुड़ेके कम बंद लेह च़रसी जूंशी तोह दंङ छंङी रंङ जुड़ेके हथियार कुरच़े जुंशी तोह।

रोमियो 13:14

पर प्रभु मसीह यीशु बि धारण लेह च़रतेंई, दंङ फुको हिटी पूरा लहज़िमी कोशिश थालंही।

1 कुरिन्थियों 10:13

पाप लहज़िमी हिटी हेंदु भत्ते तु कछंङ ज़रुर अपा, पर परमेश्वर सच्चा तोह। दू केतिंङ झांह ठ्रोह परीक्षा रिंङ पढेक्पि माह रंड्रा, अंऊ केहतु सहन बे धकते तोह पर दू परीक्षारंङ साते बचेक्पिमी तरीका ला लोहतो कि केरे विशवासारिंङ पक्‍का शुहचे बंङज़ेंई।

2 कुरिन्थियों 10:4

छना कुचे ञेंरे झांह ठ्रोह हथियार तेंङज़ातंई अंऊ दू हथियार बे शत्‌ह तोह, अंऊ दि संसारो मीहरे इस्तेमाल लहज़ातोर। पर दोंङार दह्च़िमी थल्जी परमेश्वरो सामर्थ तोह।

2 कुरिन्थियों 11:3

पर गिह्बी हमेशा दि बेह्द लेहकी बंङज़ा कि शेतान केहतु सेहम मसीहू थल्जी केहतु निष्कपट, पवित्रता रंङ साते शत्‌ह लहज़ी माह जूंस, छना शेताने ओमड्रो रूपारिंङ हव्वा बि एनोह चालाकी रंङ साते बहकाएकि च़रते।

2 कुरिन्थियों 2:11

ताकि शेतान हेंदु हालातो फायदा उठाएच़ी माह जूंस; छना कुचे हेनर दोऊ मदम योजना रूठे रंङ ञेंहच़ातंई।

2 कुरिन्थियों 4:4

दि संसारो भगवान शेताने दू अविशवासी तु बुद्धि काणे लेह चरच़तो, अंऊ वहज़ा ज़ि दोरे मसीहू रूठे खबर ए दंङ दोऊ महिमा ओ पाहठी ञेंई मरतिर कि मसीह परमेश्वरो स्वरूप शुह।

2 कुरिन्थियों 6:7

हेले ओ दाह रंङ साते, सच्चाई ओ बचनारंङ साते, परमेश्वरो सामर्थ रंङ साते ञेंहच़ी कम लहसी शुई। ञेंरे धर्मिकताऊ हथियार सुचंङ गुह्ट्र रिंङ हमला ओ थल्जी इस्तेमाल लहज़ातंई दंङ फुचंङ गुह्ट्र रिंङ रक्षाओ थल्जी इस्तेमाल लहज़ातंई।

इफिसियों 4:14

हेंतेग बे हेंदिंङ कटुतु ठ्रोह व्यवहार लेह माह जूंस। झांह लेह हेंदिंङ अपेहल ला धोखेबाज़ मीहतु हप्सी शिक्षा रिंङ माह फसेफी जूंस, अंऊ हेले च़ेहसा। छना कुचे हेनर दू किशतीऊ ठ्रोह माह तोंई अतिंङ छ्वली देखा-नोखा लहज़ा दंङ लन्न ज़ि देखा-नोखा किरज़ी लहज़ा।

इफिसियों 4:24

छना कुचे परमेश्वरे केतिंङ इच्च़ा खरकोई स्वाभाव रें च़रति अंऊ बिल्कुल दोऊ एनोह स्वाभावो ठ्रोह तोह। झांह लेह दि खरकोई स्वाभावो हिसाबे हेले रिंङ धर्मी ए पवित्र जीवन श्रींङे च़रतुंई।

कुलुस्सियों 3:10

दंङ हेंतेग केहच़ी खरकोई स्वाभाव धारण लेह केहतंई, दिह खरकोई स्वाभाव महसे बे महसे एनोह सिरजनहारो ठ्रोह शुहबी लेहकी तोह दंङ दोबि रूठे रंङ समझेक्पोतो।

1 थिस्सलुनीकियों 5:8

पर हेनर ता निहरो कटुरे शुई, झांह लेह हेंदिंङ हेंदु टोहकठे काबू लहज़ी जुंशी तोह। हेंदु विशवास ए दाह हेंदु रक्षा लोहतो छना इच्च़ा कवच़े इच्च़ा सेनिको रक्षा लहज़ा।

इब्रानियों 7:25

दिऊ थल्जी अंऊ यीशु मसीहू दोरच़ी परमेश्वरो कछंङ अपातोर, दू दोतु पूरा-पूरा उद्धार लेह तरपोतो, छना कुचे दू दोतु थल्जी बिनती लहज़िमी हमेशा श्रींङे तोह।

याकूब 4:7

झांह लेह परमेश्वरो अधीन शुहचे इलांई; दंङ शेतानो समाना लंहि, दंङ दुह केहतु कछंङ ज़ि पोकषे योतो।

1 पतरस 5:8

हमेशा खबरदार ए दंङ चेहके बंङज़ुंई, छना कुचे शेतान, केहतु विरोधी केहतु टोईच़ी हमला लहज़ी ततो ताकि केरे परमेश्वरो हुकुमो भाषे माह लोहनि। दुह फ्रक्शे ज़ज़ा ब्राघो ठ्रोह तोह, अंऊ तुंखा थलका खंड्रा कि अपि ज़ोओग।

यहूदा 1:24

इच्च़ा परमेश्वर ए तोह अंऊ केतिंङ दह्पिमी दोरच़ी बचाएपोतो, दंङ केतिंङ निर्दोष ए खुश लोहतो, अपेहल दोई केतिंङ एनोह महिमा ओ थल्जी एनोह तुईज़ी खड़े लहज़ा। दोई हेंदिंङ हेंदु प्रभु यीशु मसीहू दोरच़ी बचाके चरच़तो। महिमा, गौरव, सामर्थ ए अधिकार टेमो शुरूआत बेहच़ी दोऊ तोईरे, हेंतेग ला दोऊ तोतोर, दंङ हमेशा ओ थल्जी दोऊ ए गुह्ट्र बंङज़ोर। अमीन।

प्रकाशित वाक्य 12:9

दिऊ थल्जी दोबि ए दोऊ साथी तिंङ धरती रिंङ छंङी च़रति। दि मोह्ड़े अजगर दुह ए तोह अंऊ महसे टेम तुहई ओमड्रो रूपारिंङ तंङातेंई, अतिंङ शेतान ए दोष लगाएच़ा ला कुट्रातोर। दि दुह ए तोह अंऊ दि संसारो मीहतिंङ धोखा रंड्रा।

प्रकाशित वाक्य 19:20

दंङ दुह मुण्डो घ्वांण ए दोहरंङ साते दुह हप्सी भविष्यवक्ता च़ुमसा इलि, हप्सी भविष्यवक्ता ए मुण्डो घ्वांणो तरफे चमत्कारी चिन्ह कंङे च़रति दंङ दुह भत्ते मीहतिंङ भरमाके च़रति, अच़ि मुण्डो घ्वंणो छाप एनोह फ्याह रिंङ लेहपसी ताहरेर दंङ अंऊ दोऊ मुर्ति ओ पूजा लहज़ातेर। दोकु झुल्ला श्रींङे रिंङ ए दुह मेहू झीलारिंङ केहच़ी च़रतिर, अंऊ गन्धको दोरच़ी तेयार शवाह।

प्रकाशित वाक्य 2:24

पर थुआतीरा शहरा रिंङ केरे ऊई मीहच़ी दुह हप्सी शिक्षा ओ भाषे माह लोहनि, केहच़ी दोरिंङ हिस्सा माह लेहपच़ातंई अंऊ दोऊ चेला “शेतानो डुह्गे गप्पा कुट्रातोर।” गेह करंङ साते कुट्रातग कि गेह केहतु टोईच़ी ऊई छल्ले खास हुकुम माह रमोग, सिवाय दिऊ कि अपेहल तचेक गेह अपोग माह धोंण तचेक गिऊ टोईच़ी पक्‍का रंङ साते विशवास लहज़ी जारी तंही।