इफिसियों 6:1 - लाहौली बाइबिल

^1-3 पवित्रशास्त्र कुट्रा: “केनातु याह-बाह तु आदर लोह, दोहपल करंङ साते भत्ते रूठे शोतो, दंङ धरतीऊ टोईच़ी कांह जीवन महसे शोतो।” दि मुन्डो हुकुम तोह अपि परमेश्वरे इच्च़ा वाईदा रंङ साते रंदे। झांह लेह, हे कटुरे, केरे अंऊ प्रभुरिंङ विशवास लहज़ातंई, केहतु थल्जी दि रूठे तोह कि केरे केनातु याह-बाह ओ हुकुम मनेक्तुंई।

इफिसियों 6:1 Iomraidhean Croise

लूको 2:51

दंङ यीशु दोतंङ साते इलि, दंङ नासरत नगरंङ अति दंङ दोतु वशा रिंङ बंङज़िरी; दंङ दोऊ याहज़ि दिह भत्ते गप्पारे एनोह सेहमरिंङ तहरि।

रोमियो 12:2

दंङ दि संसारो मीहतु ठ्रोह था बणेक्तुंई; पर केनातु सोचेक्च़िमी तरीका परमेश्वर बि लेहक्सी रांऊ अंऊ दोरच़ी केहतु चाल-चलन ला लेक्सा योतो, दंङ केरे परमेश्वराबि रूठे, गमेकी ए सिद्ध हिटी ओ खोज लोहवा लंहि।

रोमियो 16:2

दंङ केतिंङ जुंज़ा कि दोऊ प्रभु रिंङ स्वागत लंहि; दंङ अंऊ ला गप्पो थल्जी दोबि केहतु मदत जूंशी तोह, दोऊ मदत लंहि। छना कुचे दोई महसे तु ए गिऊ ला महस मदत लहरी।

रोमियो 7:12

झांह लेह ञेंहच़ी दि कुट्री तरपोंई कि कानून पवित्र तोह, दंङ दोऊ हुकुम पवित्र, धर्मी ए रूठे तोह।

1 कुरिन्थियों 15:58

झांह लेह हे गिऊ प्यारे साथी विशवासी रे, केनातु विशवासा रिंङ पक्‍का बंङज़ुंई दंङ गलत शिक्षा ओ वहज़ा ज़ि भटक्तेतुंई था, प्रभु थल्जी छि कम केहच़ी लहज़ातंई दोरिंङ हमेशा तुंखा शुई। छना कुचे दि ञेंहच़ा, कि छिल्ला धिर केहच़ी प्रभु थल्जी लोहनि दोऊ ईनाम केतिंङ पक्‍का खोकसोतो।

1 तीमुथियुस 5:4

दंङ अगर अतुआ रंणी मेच़िमी ऊ कटु ए जोह्तर पोत्रारारे शोर, दंङ दोरे तुहई एनोह ज़िम्मेवारी पूरा लोहतो, छना इच्च़ा विशवासी बि लेह जूंशी तोह, झांह लेह एनोह याह-बाह ए नाना-नानी देखभाल लहच़ी दोतु थल्जी छा लोहतो। छना कुचे परमेश्वराबि दिए रूठे च़ेहसी।

1 पतरस 2:13

हेंदिंङ दू भत्ते शासन लहज़ाड़ा तु अधीन बंङज़ी जूंशी तोह अतिंङ मीहतु दोरच़ी नियुक्त लहसी तोह, छना कुचे दि प्रभु हिटी तोह। रज्ज़ा ओ अधीन बंङज़ुंई, अंऊ भत्ते तु टोईच़ी शासन लहज़ा।