इफिसियों 5:8 - लाहौली बाइबिल

⁸ तुहई केरे हंयार बंङज़ा मीहतु ठ्रोह तोईनी, पर हेंतेग केरे छंङीरिंङ बंङज़ा मीह शुई छना कुचे केरे प्रभु मीहरे बणेंके इलजी तोतोंई झांह लेह छंङीरिंङ बंङज़ा मीहतु ठ्रोह कम लंहि।

इफिसियों 5:8 Iomraidhean Croise

मत्ती 3:8

दिऊ थल्जी केनातु व्यवहार दोरच़ी दिह साबित लांही केहच़ी पापो दोरच़ी सेहम यह्च़ी चरच़ातंई; दंङ परमेश्वरो कछंङ अच़ा अन्दंई।

मत्ती 4:16

परमेश्वराबि माहञेंहच़ा हंञरिंङ बंङज़ा ऊईजाति तिंङ इच्च़ा मोह्ड़े छंङी तंङफोतो। दिह छंङी दोतिंङ मुक्तिऊ अम कंबोतो अरी परमेश्वराबि माह ञेंच़ातोर दंङ हमेशाओ सिमी अमरिंङ तोतोर।”

लूको 1:79

पापारिंङ जोज़ा ए सीमी बेह्दारिंङ बंङज़ा दोतिंङ छंङी रंड्रीमी थल्जी, कि दिह छंङी ञेंतिंङ दुह अमो मार्गदर्शन लोहतो शांति ओ अम रिंङ सीधा चलाएपोतो।

लूको 16:8

“दंङ साहुकारे दुह चलाक खज़ान्च़ी ओ तारीफ लहतो, कि केई अंयों चलाकी रंङ साते कम लहतन; छना कुचे ध्यांए ठ्रोह दिह संसारो मीहरेर एनातु साथीतंङ साते मुक्को रीति रिवाज़ ए चाल चलनारिंङ धर्मी मीहबे ला महस चलाक तोतोर।”

यहून्नो 1:9

“मसीह अंऊ सच्चे छंङी तोह” अच़ि हर इच्च़ा मीहबी छंङी लहज़ाते, संसारारंङ अपि लेहकी तोहई।

यहून्नो 12:35

यीशु ज़ि दोतु हखा कुंई, “कि छंङी केहतु बिचंङ थोड़े ध्याड़ो शुह, अपेहल तचेक केतंङ साते छंङी तोह जोआ लांही; झांह शुबी मेस कि हंयार केतिंङ कपची च़रपोतो; अरी हंयारा रिंङ जोज़ा दोई माह ञेंहच़ा कि अंऊखा इपि लेहकी तोतोग।

यहून्नो 12:36

अपेहल तचेक छंङी केतंङ साते तोह, छंङीऊ टोहकठे विशवास लांही कि केहरे छंङीऊ कटुरे शोंई।” दिह गप्पारे कुचे यीशु अच़ा इलि दंङ दोतु दोरच़ी ब्याके बंङज़िरी।

यहून्नो 12:46

गेह संसारारंङ छंङी शुहचे अंज़े शुगाह, कि अच़िला गिऊ टोहकठे विशवास लोहतो दुह हंयारा रिंङ माह बंङज़ोतो।

यहून्नो 8:12

यहुदी मंदिरंङ एनोह शिक्षा यच़ाह शुरू लेह यीशु ज़ि मीहतु हखा कुंई, “गेह ए दिह संसारो छंङी शुगाह; अरीला गिऊ थले जोज़ा दुह अपेहला हंयारा रिंङ माह ज़ोतो, पर दुह छंङी बि खोक्पोतो अच़ि अनंत जीवन रंड्रा।”

प्रेरित 17:30

झांह लेह परमेश्वरे मीहतु अज्ञानतो टेम ध्यान माह रें, पर हेंतेग भत्ते ठहरि रिंङ भत्ते मीहतिंङ सेहम किरज़िमी हुकुम रंड्रा।

प्रेरित 26:18

कि केरे दोतिंङ दि समझेक्सिमी थल्जी मदत लंहि कि छि सही शुह, कि दोरे हंयारो दोरच़ी छंङीरिंङ किरज़ा योर, दंङ शेतानो अधिकारो अधीन बेहच़ी परमेश्वरो अधिकारो अधीन बंङज़ी शुरू लेह तरपोर; दोहपल परमेश्वर दोतु पाप माफ लेह च़रपोतो, दंङ दुह दोतिंङ दुह भत्ते मीहतंङ विरासत रमतो अंऊ गिऊ टोईच़ी विशवास लहज़ातोर। दिए गप्पा यीशु ज़ि गिऊ हखा कुई।

रोमियो 1:21

दि बहजाज़ि कि परमेश्वर ञेंए थल ला दोच़ी परमेश्वरो रूपा रिंङ दोबि आदर माह रेंईरे, दंङ माह ए दोऊ धन्यवाद लहरिर, पर दोरे दि भत्ते मुर्खता सोचेक्च़ातोर, देर तचेक कि दोतु मुर्ख विचार भत्ते गलत शुह।

रोमियो 13:12

दि मदम संसारारिंङ बंङज़ी हेंदु टेम इच्च़ा रातो योह्सिमी ठ्रोह लगभग योह्सा अंज़े तोह, दंङ दुह ध्याड़ा ला कछंङ पिचे तोह अपेहल मसीह वापिस अपतो। झांह लेह हेंदिंङ हंयारा रंङ जुड़ेके कम बंद लेह च़रसी जूंशी तोह दंङ छंङी रंङ जुड़ेके हथियार कुरच़े जुंशी तोह।

रोमियो 2:19

केतिंङ दि पक्‍का पता तोह, कि केरे झांह ठ्रोह मीह शुई, अंऊ काणे मीहतिंङ सही अम कंड्रातंई, दंङ हंञारारंङ बंङज़ा तु थल्जी छंङी शुई,

1 कुरिन्थियों 1:30

पर परमेश्वरे केतिंङ यीशु मसीह रंङ साते इच्च़ा लेह च़रति, दंङ यीशु मसीहू दोरच़ी दोई हेंदिंङ एनोह ज्ञान रंड्रा। परमेश्वर हेंदिंङ एनोह नज़रारिंङ धर्मी ला साबित लहज़ा। यीशु मसीहू दोरच़ी हेनर पवित्र शुहचे तोंहि, दंङ दोई हेंदिंङ पापो दोरच़ी आज़ाद लेह च़रच़ा।

2 कुरिन्थियों 3:18

हेनर भत्तेर इच्च़ा अर्शिऊ ठ्रोह तोतोंई, अंऊ परमेश्वरो तेज झांह ठ्रोह मोह्दु खंड्रातंई अंऊ दोतु टोहकठे परदा पड़ेके तोह, दंङ परमेश्वर हेंदिंङ लगातार बढाईक्च़ा तेज रिंङ महस बे महस एनोह ठ्रोह बणाएच़ा। दि तेज प्रभु दोरच़ी खोकसा, अंऊ पवित्र आत्मा तोह।

2 कुरिन्थियों 4:6

झांह लेह कि परमेश्वरे कुहते, “हंयारो दोरच़ी छंङी चमकेक्पोतो,” दंङ परमेश्वरे छंङी ठ्रोह हेंदु सेहमरिंङ समझ रें च़रति, ताकि हेनर परमेश्वरो महिमा बि खंड्री तरपोंई अंऊ यीशु मसीह रिंङ प्रगट शवाह।

2 कुरिन्थियों 6:14

केरे अविशवासी मीहतंङ साते संगति था लंहि। छना कुचे धर्मिकता ओ कमो ए अधर्मो कमो छल्ले बराबरी माह। छंङी ए हंयारो छल्ले नाता माह।

गलातियों 5:25

हेंदिंङ खरकोई जीवन पवित्र आत्माओ दोरच़ी खोकसा, झांह लेह हेंदिंङ पवित्र आत्माओ हिसाबे जीवन श्रींङमी जूंस।

इफिसियों 2:2

दू टेमारिंङ केरे संसारो दू मीहतु ठ्रोह श्रींङमातेंई अंऊ परमेश्वरा बि माह ञेंहच़ातोर, दंङ केरे मांजी आत्माओ प्रधान शेतानो अंऊ सर्गारिंङ तोह, हेंतेग ला दू मीहतिंङ काबू लहज़िमी कोशिश लहज़ी लेहकी तोह, अंऊ परमेश्वरो हुकुमो भाषे माह लहज़ातोर।

इफिसियों 4:18

दोरे ता परमेश्वरो गप्पा समझेकी मरच़ातोर। छना कुचे दोरे परमेश्वरा बि माह ञेंहच़ातोर दंङ ज़िद्दी तोतोर, परमेश्वरो दुह खरकोई जीवन दोतु दोर्तिंङ माह, अंऊ दोई हेंदिंङ रंड्रा।

इफिसियों 5:2

मसीहू उदाहरणो हिद लहज़ा, ऊईतु थल्जी दाह रंङ साते जीवन श्रींङमा तंई, अच़ि केतंङ साते दाह लहज़ा दंङ केहतु पाप उठाएच़िमी थल्जी एनाबि बलिदान लेह च़रति। दंङ दिरंङ खुश तोहई छना कुचे दू बलिदान दोऊ थल्जी इत्रो ठ्रोह तोह।

कुलुस्सियों 1:12

दंङ बाह परमेश्वरो धन्यवाद लोहवा लंहि, अच़ि हेनर दि जोगे बणाएक्तो कि स्वर्ग राज्यो पवित्र मीहतंङ जाईदातो हकदार शोंई।

कुलुस्सियों 1:13

छना कुचे परमेश्वरे हेनर शैतानो शाक्ति दोरच़ी छुड़ाके एनोह प्यारे योहऊ राज्यरिंङ शामिल लोहतो।

तीतुस 3:3

छना कुचे हेनर ला तुहई, मुर्ख ए परमेश्वरो हुकुम माह मनेक्च़ा मीहरे, मीहतु दोरच़ी धोखा खोकसिमी तातंई, दंङ हेनर मदम हिटी ए संसारो चीज़ा तु गुलाम तोईरे, छना बैर-भाव, दंङ जलन तहच़ि रिंङ एनोह जीवन श्रींङज़ातेर, दंङ मीहतंङ साते नफरत लहज़ातेर, दंङ इदि-अई दिरंङ साते बैर तहच़ातेर।

1 यूहन्ना 1:7

अगर हेनर सही तरीका रंङ जीवन श्रींङमोंई, छना परमेश्वर सिद्ध रूपा रिंङ हेले तोह ध्वांए हेनर ला हेलेरिंङ श्रींङमोंई, दंङ इदि-अईदिरंङ साते संगति तहज़ातंई। दंङ परमेश्वरो योह यीशु मसीहू शुहई हेन्दिंङ भत्ते पापो दोरच़ी शुद्ध लहज़ा।