इफिसियों 5:6 - लाहौली बाइबिल

⁶ दिरे मीहतु दोरच़ी मुर्ख था बणेक्तेंई अंऊ दि पापो थल्जी बहाना बणाएषिमी कोशिश लहज़ातंई। छना कुचे दिए कमो दोरच़ी परमेश्वरो रोहष हुकुम माह मनेक्च़ा दोतु टोईच़ी भड़केक्पा।

इफिसियों 5:6 Iomraidhean Croise

मत्ती 24:24

छना कुचे ता हप्साड़ भबिष्यद्वाक्ता ए हप्साड़ मसीह खड़े शुहचे योतो, दंङ मोह्ड़े निशानी ए अद्धभुत कम कमोर अगर शुहचे इलि साते ता अंङषी दुरेह ला बहकाएकि च़रपोर।

मत्ती 24:4

यीशुज़ि दोतिंङ जुबाब रेंई, “खबरदार तोहई अच़िया केरे भरमासी माजूंस,

मरकुसो 13:22

छना कुचे ता हप्साड़ भबिष्यद्वाक्ता ए हप्साड़ मसीह खड़े शुहचे योतो, दंङ निशानी ए अद्धभुत कम कमोर अगर शुहचे इलि साते ता अंङषी दुरेह ला बहकाएकि च़रपोर।

मरकुसो 13:5

यीशु दोहरंङ साते कुट्री लेहकी तोहई, “खबरदार तोहई कि केरे अच़िया धोखा रंड्री माह जूंस।

रोमियो 1:18

परमेश्वरो रोहष ता स्वर्गो दोरच़ी दुह मीहतु भत्ते पाहठी मदम ए अधर्मो कमो टोहकठे प्रगट शवाह, अंऊ एनोह मदम कमो दोरच़ी मीहतिंङ परमेश्वरो पाहठी सच्चाई ञेंहच़ी रंङ रोकेक्च़ातोर।

कुलुस्सियों 2:18

अरिला मीह हप्सी दीनता ए स्वर्गदूता तु पूजा लहज़ा केतिंङ ज़रको ईनामो दोरच़ी वंचित लेह माह जूंस, झांह ठ्रोह मीह दर्शनो गप्पारिंङ लेहकी बंङज़ा पर दिह भत्ते बकवास तोह छना कुचे दोतु सेहम मतलबी हिटी रंङ साते पिंङषा तोह।

कुलुस्सियों 2:4

दि गेह दिऊ थल्जी कुट्रातग, कि केतिंङ दोतु हप्सी शिक्षा रिंङ विशवास लहज़िमी थल्जी राजी लेह धोखा रंड्री माह जूंस।

कुलुस्सियों 2:8

खबरदार तोहई कि अरिया केतिंङ संसारो ज्ञान ए फालतु धोखा रंड्री माह जूंस, दिह गप्पारे मीहतु परम्परा ए संसारो शिक्षा ओ हिसाबे तोह। माह कि मसीहू दोरच़ी।

कुलुस्सियों 3:6

मीहच़ी दि मांजी कम लहज़ा तोर, झांह लेह परमेश्वर पक्‍का ए दोतिंङ खरे सज़ा रमतो।

2 थिस्सलुनीकियों 2:3

दि गप्पो पाहठी अंऊ रीतिरंङ साते अतुआ धोखा रिंङ थादेंई। छना कुचे प्रभु यीशु मसीहू यह्च़ा वापिस अपिमी बे तुहई, इच्च़ा ध्याड़ा अपतो अपेहल महस मीहच़ी परमेश्वरो विरोध लोहर। “दंङ दुह मदम मीह अपतो अतु नाश शुहबी ज़रूरी तोह।”

इब्रानियों 13:9

छना कुचे यीशु मसीह अपेहल ला माह लेहक्सा, झांह लेह केतिंङ दि भत्ते खरकोई ए शत्‌ह-शत्‌ह शिक्षाओ भाषे लहज़ी जूंशी तोह अंऊ केतिंङ गलत अमरिंङ रैंज़ा शिलज़ा। छना कुचे केहतु सेहमो थल्जी दि रूठे तोह कि परमेश्वरो मोह्ड़े दाह ओ दोरच़ी पक्‍का शुहचे इलेंई, माह कि दू कानून मनेक्च़िमी रंङ साते अंऊ ज़ेइमी पाहठी तोह, ज़ेइमी-तुंङमिमी रिति रिवाज़ो अतु ला भला माह शुई।

इब्रानियों 3:19

झांह लेह ञेंहच़ी खंड्रातंई कि दोरे एनोह अविश्वासो लहच़ी अपि मरतिरे।

1 पतरस 2:8

दंङ पवित्र शास्त्रे दि ला कुट्रा, “दि रह्घ मीहतु ठोकरो वहज़ा शोतो। दि इच्च़ा चटान शुह अंऊ दोतु दह्पिमी वहज़ा शोतो।” दोरे बचना रिंङ विशवास लहज़ी माह जुंज़ातोर, झांह लेह दोरे ठोकर ज़ोवा दह्च़ी यवातोर। परमेश्वरे दोतंङ साते दिए शुहबिमी योजना बणाएषी ततो।

1 यूहन्ना 4:1

हे गिऊ प्यारे साथी विशवासी रे, हर इच्च़ा मीहू टोहकठे विशवास थालंही, अच़ि पवित्र आत्माओ दोरच़ी कुट्रीमी दावा लहज़ा। पर आत्मारे परखेक्तुंई कि दोरे परमेश्वरो दोरच़ी शुहरे आ माशुहरे; छना कुचे महस हप्सी भविष्यवक्तार दि संसारारिंङ तोतोरे।