इफिसियों 5:4 - लाहौली बाइबिल

⁴ दंङ माह निर्लजता रंङ साते गप्पा लहज़ी, माह मुर्खता ओ गप्पा, दंङ माह ए मज़ाको घटिया गप्पा लहज़ी केहतु थल्जी ठीक तोह, पर केतिंङ दिऊ ठाहरीरिंङ परमेश्वरो धन्यवाद लहज़ी जूंशी तोह।

इफिसियों 5:4 Iomraidhean Croise

मरकुसो 7:22

लोभ, दुष्टता, आलास, मांजी टीरा, बुराई, घमण्ड, मुर्खता हुंज़ी।

यहून्नो 6:23

दोथर तिबेरियास शहरो दोरच़ी ऊई किशतीर अतिर, अंऊर प्रभु ज़ि मीहतु मोह्ड़े भीड़ बि बगत रंदे।

रोमियो 1:28

दंङ दोच़ी परमेश्वरा बि ञेंच़िमी कोशिश मलाहरिरे दंङ परमेश्वरे ला दोतिंङ दोतु निकम्मे सेहमो टोईच़ी छोड़ेके केहरी दोच़ी अनुचित कम लोहर।

2 कुरिन्थियों 1:11

छना कुचे अपेहल केरे ञेंहतु थल्जी प्रार्थना लहज़ातंई दंङ केरे ञेंहतु मदत लहज़िमी थल्जी जुड़ेके य्वातंई। अंऊ आशीष महसे तु दोरच़ी ञेंहतिंङ खोकसिरी, दोऊ वहज़ा ज़ि महस मीहरे ञेंहतु तरफे धन्यवाद लंहि।

2 कुरिन्थियों 9:15

अतंई हेनर परमेश्वरो दुह दानो थल्जी मतलब दोऊ योह थल्जी धन्यवाद लोहनि अतु वर्णन अच़िला पूरे ठ्रोह लेह मरपोतो।

इफिसियों 1:16

हमेशा केहतु थल्जी धन्यवाद लहज़ातग, दंङ घेंङौ प्रार्थनारिंङ केतिंङ लगातार हिद लोहवा लहज़ातग।

इफिसियों 4:29

अंऊ ला झखंजी गप्पा केहतु आहच़ि हुंच़ी मेस, पर दू गप्पारे कुंई अंऊ मीहतु थल्जी ज़रूरी तोह, अंऊ कि दोतिंङ विशवास रिंङ पक्‍का लहज़िमी थल्जी मदत लोहतो। दू मुक्का छिल्ला केहच़ी कुंई दू केहतु रेड्रा दोतु थल्जी रूठे शोतो।

फिलिपियों 4:6

अंऊ ला गप्पो चिंद थालंही, पर हर इच्च़ा हालाता रिंङ केहतु निवेदन, प्रार्थना ए बिनती रंङ साते धन्यवाद रंङ साते परमेश्वरो तुईज़ी हाज़िर लेह केऊर।

कुलुस्सियों 3:8

पर हेंतेग केरेला दि भत्ते धिर मतलब रोहष, लड़ाई-झगड़ा, बुराई, आहच़ि गह्डी रंड्री दिह भत्ते गप्पारे छोड़ेके च़रतुंई।

1 थिस्सलुनीकियों 3:9

दंङ छना ठ्रोह खुशी ञेंतिंङ केहतु वहज़ा ज़ि हेंदु परमेश्वरो तुईज़ी तोह, दोऊ बदलारिंङ केहतु पाहठी सेहमे परमेश्वरो धन्यवाद लहज़ातंई।

1 थिस्सलुनीकियों 5:18

हर हालातरिंङ परमेश्वरो धन्यवाद लोहवा लंहि; छना कुचे केहतु थल्जी मसीह यीशु रिंङ परमेश्वरो दिए हिटी तोह।

फिलेमोंन 1:8

गेह कनिंङ दिह गप्पा कुट्रातग अंऊ कनिंङ लेह जूंशी तोह। गेह दुह अधिकारो इस्तेमाल लेह तरच़ातग अंऊ मसीह गिह्बी रांहषी ततो पर गेह झांह माह लग दिऊ वजह, गेह कनिंङ दिह लोह कुट्री लेहकी तोतोग छना कुचे हेनर इदि-ऊईदि रंङ साते ए परमेश्वरो मीहतंङ साते दाह लहज़ातंई। गेह पोलुस यांङदे तोतोग दंङ केतंङ साते रूहक्च़ातग अतिंङ मीहच़ी कैदा रिंङ केहषी तातोर छना कुचे गेह यीशु मसीहू सेवा लहज़ातग।

इब्रानियों 13:15

झांह लेह हेनर यीशु दोरच़ी हेंदु आहच़ि परमेश्वरो स्तुति ए अराधना लोहवा लोहनि। अंऊ परमेश्वरो थल्जी हेंदु बलिदान शुह।

2 पतरस 2:18

अपेहल दोरे मीहतिंङ धोखा रंड्रातोर, दंङ दोरे शुह्के ए घमण्डो शब्दा तु इस्तेमाल लहज़ातोर। दोच़ी मीहतिंङ कंड्रातोर कि दोच़ी दुह षेह्द अपिमी जोगे कम लेह तरच़ातोर अंऊ दोतु फुक लेह जुंज़ा दंङ दोरे दुह मीहतिंङ यह्च़ा पाप लहज़िमी थल्जी भरमाके केट्रातोर, अंऊ हेंतेग-हेंतेग झांह ठ्रोह मदम कमो दोरच़ी बचेके हुंच़ा तोतोर।

2 पतरस 2:7

पर सदोम ओ विनाश लहज़िमी बे तुहई, परमेश्वरे लूता बि अंऊ इच्च़ा धर्मी मीह तोहई, शहरो दोरच़ी हुंच़ी च़रति दंङ झांह ठ्रोह दोबि बचाके च़रति। लूत महस परेशान तोहई छना कुचे सदोमो मीहरे अंऊ ला कानूनो भाषे माह लहज़ातेर दंङ षेह्द अपिमी जोगे कम लहज़ातेर।

यहूदा 1:10

पर दि मीहरे दुह गप्पातु खिलाप कुट्रातोर, अंऊ दोतिंङ दोरे माह समझेक्च़ातोर, दंङ अंऊ गप्पारे दोच़ी समझेक्च़ातोर। दंङ दुह गप्पा तिंङ मुर्खा तु लहज़ातोर, दंङ दि पापो कम लहज़िमी दोरच़ी दोरे एनाबि नाश लेह चरच़ातोर।

यहूदा 1:13

छना समुंद्रो प्रचंड छ्वली झखंजी षुफ हुंच़ा, ध्वांए दिरे मीहरे षेह्द अपिमी जोगे कम लहज़ातोर। दोरे रेह करज़े तु ठ्रोह तोतोर अंऊ इच्च़ा ए अमरिंङ माह जोज़ातोर, दोच़ी ठीक अम माह खंड्रातोर। प्रभु दोतु थल्जी इच्च़ा ठहरि केट्रा अंऊ पूरे ठ्रोह हंयार तोह अंऊर दोतिंङ हमेशा ओ थल्जी बंङज़ी लेह्पोतो।