इफिसियों 5:3 - लाहौली बाइबिल

³ छना परमेश्वरो मीहतु थल्जी ठीक तोह, ध्वांए केतंङ कुकम, ए अंयों पाहठी अशुद्ध कम, या लालचो गप्पा ला शुहबी मेस।

इफिसियों 5:3 Iomraidhean Croise

मत्ती 15:19

छना कुचे मदम विचार, हत्या ऊई मेच़मीऊ थल्जी लालच, कुकम, चोरी, हप्सी गवाही ए मांजी कुट्री सेहमंङ ज़ि ए हुंज़ी।

लूको 12:15

दंङ यीशुज़ि दोतंङ साते कुंई, “खबरदार तोंई, भत्ते पाहठी लालच रंङ साते बचेकी बंङज़ुंई; छना कुचे अतु ला जीवन दोऊ टंगा ढबाहो दोरच़ी माह शुबी।”

लूको 16:14

फरीसी मीहरे अरी लालची तोईरे, दिह भत्ते गप्पारे रेड्रीरंङ साते यीशु मज़ाक लहज़ी लेहतिरे।

प्रेरित 15:20

ञेंहच़ी दोतिंङ इच्च़ा डाक च़ेऐ च़रतिन, दिह कंड्रिमी थल्जी कि दोच़ी दू बगत थाह ज़ंई अंऊ मुर्तिरिंङ चढ़ाएसी शुह दंङ कुकम थालंही, दंङ टटू छुहसी ओ शाह थाह ज़ंई दंङ जानवरा तु शुहई था ज़ेईनि।

प्रेरित 20:33

गेह अतुआ मुल, ज़ंङ दंङ खमज़े तु लालच माह लहरिगा।

रोमियो 1:29

झांह लेह दुह भत्ते अधर्म, दुष्टता, लोभ, वैरभाव रंङ पिंङी इलिरे; दंङ जेगद्न्सी, हत्या, झगड़ा, छल, डाह रंङ साते भरपूर शुहचे इलिरे, दंङ चुगलखोर,

रोमियो 16:2

दंङ केतिंङ जुंज़ा कि दोऊ प्रभु रिंङ स्वागत लंहि; दंङ अंऊ ला गप्पो थल्जी दोबि केहतु मदत जूंशी तोह, दोऊ मदत लंहि। छना कुचे दोई महसे तु ए गिऊ ला महस मदत लहरी।

रोमियो 6:13

दंङ माह ए फुको अंङा रे मदम हिटी थल्जी इस्तेमाल लंहि, पर केनातिंङ सिऊ दोरच़ी श्रींङे ञेंए केनातु जीवन परमेश्वराबि रें च़रतुंई, दंङ केनातु फुको अंङर सही कम लहज़िमी थल्जी परमेश्वरो हवाले लेह च़रतुंई।

1 कुरिन्थियों 10:8

दंङ हेंदु अतंङ साते ला नज़ायज़ रिशता शुहबी माह जूंस अतंङ साते हेंदु ब्याह शुहचे माह शोतो छना दोतु बिचंङ अंयों ज़ि लहरिर; दंङ इच्च़ा ध्याड़ारिंङ निंज़ो षुमु हज़ार सिए इलिर।

1 कुरिन्थियों 5:1

गेह मीहतिंङ केहतु पाहठी दि कुट्री रेड्रीगा, कि केहतु कलीसिया रिंङ रें मीहरे कुकम लहज़ातोर, मतलब कि झांह ठ्रोह कुकम अंऊ ऊईजाति तु बिचंङ ला माह शवाह, दू दि तोह कि इच्च़ा मीह एनोह सौतेली याह रंङ साते कुकम लहज़ा।

1 कुरिन्थियों 6:13

“रे मीहरे ता झांह ला कुट्री तरपोर कि, बगत खोकटुंङ ओ थल्जी शुह।” दि हेले शुह कि, पर परमेश्वर झुल्लो अंत लेह च़रपोतो। फुक कुकमो थल्जी माशुह, बल्कि हेंदिंङ हेंदु फुको इस्तेमाल लेह जूंशी तोह अंऊ प्रभु ज़ि जुंज़ा दंङ हेंदु फुक प्रभु थल्जी शुह।

1 कुरिन्थियों 6:18

कुकमो दोरच़ी पूरी तरह शत्‌ह बंङज़ेंई, मीहू दोरच़ी लहसी ऊई पाप दोऊ फुका बि धोंण नुकसान माह लहज़ा, अंयों कुकमे लहज़ा कुकम लहज़ा दोई एनोह फुको खिलाप पाप लहज़ा।

2 कुरिन्थियों 12:21

दंङ झांह शुहबी मेस कि अपेहल गेह वापिस अपोग, गिऊ परमेश्वरे गिऊ अपमान लोहतो। दंङ गिह्बी महसे तु थल्जी यह्च़ा शोक लेह लेह्पोतो, अंऊ दोच़ी तुहई पाप लहरिर, दंङ दू झखंजी कमो, दंङ कुकम, ए लुचपन बि, अंऊ दोच़ी लहरिर, सेहम माह किरच़िर।

इफिसियों 5:12

छना कुचे दू अविशवासी मीहतु गुप्त कमो गप्पा लहज़ी ला षेहदो गप्पा तोह।

इफिसियों 5:5

छना कुचे केहच़ी दि रूठे रंङ ञेंच़ातोंई कि अरिला कुकम लहज़ा, मदम कम लहज़ा, या लालची मीह, अंऊ मुर्ति पूजाऊ बराबर तोह, झांह ठ्रोह कम लहज़ा मीहरे अपेहल ला मसीह ए परमेश्वरो राजो हिस्सा माह बणेक्पोर।

फिलिपियों 1:27

सिर्फ धोंण ए लंहि कि केहतु चाल-चलन मसीहू रूठे खबरो जोगे शोतो। कि चाहे गेह अंज़े ते केतिंङ खमोग, चाहे गेह अपोग ए माह, केहतु पाहठी दि रेड्रोग कि केरे इच्च़ा इरादारिंङ पक्‍का तोहईं दंङ इच्च़ा सेहम शुहचे रूठे खबरो विशवासो थल्जी मेहनत लोहवा तंही।

कुलुस्सियों 3:5

झांह लेह केरे दुह मांजी कम लहच़ी बंद लेह केहनि अंऊ केहतु पापी स्वाभावारिंङ जुड़ेके तोह। छना कि कुकम, अशुद्धता, मांजी सेहम, मदम लालच लोभ अंऊ मुर्ति पूजा लहसी बराबर तोह।

1 थिस्सलुनीकियों 4:3

परमेश्वरो हिटी दि तो कि केरे पवित्र बणेक्तेंई मतलब कुकम थालांई।

1 थिस्सलुनीकियों 4:7

छना कुचे परमेश्वरे हेन्दिंङ अशुद्ध शुहबिमी थल्जी मशत, पर पवित्र ज़िंदगी श्रींङमी थल्जी बुलासी शुई।

1 तीमुथियुस 2:10

दिऊ वहज़ा ज़ि दोतिंङ ऊई मीहतु थल्जी रूठे कम लहच़ी एनाबि सलटे लेह जूंशी तोह। छना कुचे परमेश्वरो भक्ति लहज़ा मेच़िमी ऊ थल्जी दिए ठीक तोह।

1 तीमुथियुस 3:3

दुह इच्च़ा शराबी मीह या झांह ठ्रोह शुहबी मेस अंऊ हमेशा लड़ाई लहज़ी बंङज़ा, पर दयालु ए शांत स्वभावो मीह शुहबी जूंस, दंङ माह ए ढबाहो लालची शुहबी जूंस।

1 तीमुथियुस 6:10

छना कुचे ढबाहो लालच भत्ते पाहठी बुराई ओ जड़ शुह, रें मीहच़ी सूले-सूले मसीहू शिक्षाओ टोहकठे विशवास लहज़ी बंद लेह केहतोर, छना कुचे दोरे ढबाह बि महस जुन्ज़ातेर, दंङ दोरे महस पाहठी दुखी तोतोर, इच्च़ा झांह ठ्रोह मीह अच़ि एनाबि इच्च़ा हथियार तिरच़ी चरच़तो।

2 तीमुथियुस 3:2

छना कुचे रें मतलबी, शेखीमार, घमण्डी, ऊईतु निन्दा लहज़ा, याह बाह ओ गप्पा माह मनेक्च़ा, धन्यवाद माह लहज़ा ए अपवित्र,

तीतुस 1:11

झांह ठ्रोह मीहतिंङ शिक्षा रंड्रीमी इजाज़त थारांई, छना कुचे अपेहल दोरे दि गप्पा सिखाएच़ातोर अंऊ दोतिंङ सिखाएसी माह जूंस, दंङ दोरे भत्ते टबरातु विशवास नाश लेह च़रच़ा। दोरे झांह लेह ढबाह कमाच़ी जुंज़ातोर।

तीतुस 1:7

छना कुचे कलीसिया ओ मुख्या बि परमेश्वरो खज़ान्च़ीज़ि शुहबीरंङ साते बेकसूर शुहबी जूंस; माह ज़िद्दी, माह रोहष, माह पियक्कड़, माह मारपीठ लहज़ा, माह ढबाहो लालची शुहबी जूंस।

तीतुस 2:3

झांह ए ठ्रोह यंङषी मेच़िमीरे ला झांह ठ्रोह व्यवहार लंहि अतु वहज़ा ज़ि परमेश्वराबि आदर खोकसोतो। दंङ ऊईतु पाहठी मदम कुट्रा ठ्रोह शुहबी मेस, माह सरा तुंङज़ाड़, पर ऊईतिंङ रूठे गप्पारे सिखाएच़ा शुहबी जूंस

इब्रानियों 12:16

केहतु बिचंङ अरिला मीह झांह मीह कुकम लहज़ा शुहबी मेस, दंङ माह ए अब्राहमो पोत्र, एसावो ठ्रोह अधर्मी शोतो, छना कुचे दू जेठे योह तोहई, दोबि खास उतराधिकारी शुहबी हक तोहई पर दोई दू जन्मसिद्ध अधिकारो इस्तेमाल माह लहरी दंङ दिऊ थल्जी दोई एनोह कवचि न्वा याकूबा बि सिर्फ इच्च़ा बगतो थल्जी लंङे च़रति।

1 पतरस 5:2

कि विशवासी तु दू झुंडो रखवाली लंहि अंऊ परमेश्वरो तोह, दंङ अपि केतिंङ देखभाल लहज़िमी थल्जी रांहषी तोह। खुशी रंङ साते दोतु देखभाल लंहि, दिऊ थल्जी मशत कि केरे मज़बूर तोतोंई। दिए परमेश्वरे जुंज़ा कि केहच़ी लंहि। सिर्फ ढबाहो थल्जी विशवासी तु देखभाल था लंहि, पर दिऊ थल्जी कि केरे हेले रिंङ दोतु मदत लहज़ी जुंज़ातंई।

2 पतरस 2:10

परमेश्वर दुह हप्सी उपदेश का तिंङ पक्‍का सज़ा रमतो अंऊ एनोह मदम हिटी ओ दोरच़ी कम लहज़ातोर दंङ अंऊ एनोह टोईच़ी परमेश्वरो अधिकार बि इन्कार लहज़ातोर, दोरे ढीठ ए घमण्डी तोतोर। दोरे महिमामय स्वर्गीय जीवा तु पाहठी बुराई लहज़िमी रंङ साते माह बेवातोर।

2 पतरस 2:14

दोरे हर इच्च़ा मेच़िमी रंङ साते कुकम लेह जुंज़ातोर, अतिंङ दोच़ी खंड्रातोर। दोरे पाप लहज़िमी मुक्का अपेहल ला माह छोड़ेक्च़ातोर। दोरे दुह मीहतिंङ धोखा रंड्रातोर अंऊ मसीहू टोईच़ी पक्‍का रंङ विशवास माह लहज़ातोर, दंङ दोरे दोतिंङ पापो हखा रैंज़ा शिलज़ातोर। दोतु महस बे महस चीज़ारे खोकच़िमी थल्जी हमेशा बढेक्च़ा लालचो वहज़ा ज़ि परमेश्वर दोतिंङ सज़ा रमतो।

2 पतरस 2:3

दि उपदेश रंड्रा दिरे लालची शोर, दंङ दोरे बणाएषी ठ्रोह कथा कुचे केतिंङ धोखा रमोर ताकि केहतु दोरच़ी ढबाह कमाके तरपोर। परमेश्वरे महसे टेम तुहई ए दि फेंसला लेह चरच़ाते कि दुह दोतिंङ सज़ा रमतो दंङ दुह झांह लहज़िमी थल्जी तेयार तोह। दुह हेले रिंङ दोतिंङ नाश लेह च़रपोतो।

प्रकाशित वाक्य 2:14

पर गिह्बी कनु पाहठी छा शिकायत तोह: छना कुचे केई दुह मीहतु विरोध माह लहज़ातन अंऊ कांह कलीसिया रिंङ हप्सी शिक्षा रंड्रातोर, छना ठ्रोह भविष्यवक्ता बिलामे तुहई कि टेमा रिंङ रंदे। बिलामे रज्ज़ा बालाका बि सिखाएक्तो कि इस्राएलो मीहतिंङ पाप लहज़िमी थल्जी उकसाएच़िमी थल्जी छि लहज़ी जूंशी तोह। दोई दोतिंङ मुर्ति बि चढ़ाएसी बलि ज़ेई ए बुराई रंङ साते श्रींङमी कंङातो।

प्रकाशित वाक्य 2:21

गेह दोबि दोऊ पापो दोरच़ी पश्चाताप लहज़िमी मौका रेंईगा, पर दोई दुह कुकम ब्याड़ा लहज़िमी रंङ साते इंकार लहज़ा।

प्रकाशित वाक्य 21:8

पर अंऊ दोरे मुसीबतो बेहच़ी गिह्बी छोड़ेके चरच़ातोर दंङ अरि गिऊ टोईच़ी विशवास लहज़ी छोड़ेके चरच़ातोर, दोतिंङ मेहू गन्धका रिंङ छङें चरच़ातोर। झांह ठ्रोह दोतिंङ ला अंऊ दोच़ी मदम कम लहज़ातोर, दंङ हत्या लहज़ातोर, दंङ कुकम लहज़ातोर, दंङ एनोह साथी तु खिलाप जादू-टोना लहज़ातोर, दंङ मुर्ति तु पूजा लहज़ातोर, दंङ भत्ते हप्सी कुट्रा, दोतिंङ ला गन्धको मेहू बिचंङ केहच़ी च़रपोर। दिबी अई मौत ला कुट्री।

प्रकाशित वाक्य 22:15

पर मदम मीहरे, दंङ एनातु साथी तु थल्जी जादू-टोना लहज़ा, कुकम, ए हत्या लहज़ा, दंङ मुर्ति तु अराधना लहज़ा, दंङ भत्ते हप्सी कुट्रा अपेहला शहरा रिंङ इबि मरपोर।