इफिसियों 5:2 - लाहौली बाइबिल

² मसीहू उदाहरणो हिद लहज़ा, ऊईतु थल्जी दाह रंङ साते जीवन श्रींङमा तंई, अच़ि केतंङ साते दाह लहज़ा दंङ केहतु पाप उठाएच़िमी थल्जी एनाबि बलिदान लेह च़रति। दंङ दिरंङ खुश तोहई छना कुचे दू बलिदान दोऊ थल्जी इत्रो ठ्रोह तोह।

इफिसियों 5:2 Iomraidhean Croise

मत्ती 20:28

छना कि गेह मीहू योह; दिऊ थल्जी अंज़े मशुह कि गिऊ सेवा टहल शुहबी जूंस, पर दिऊ थल्जी अंज़े शुह कि सेवा टहल लोहग, दंङ महसतिङ बचाएच़िमी थल्जी घेंङौ जान रमोग।”

यहून्नो 13:34

गेह केतंङ इच्च़ा खरकोई हुकुम रन्ड्रातग कि इदिऊ अईदिऊ रंङ साते दाह लांही; ध्वांए छना गेह केतंङ साते लहज़ातग, ध्वांए केहच़ी ला इदिऊ अईदिऊ रंङ साते दाह लांही।

यहून्नो 6:51

जीवनो रोटी अंऊ स्वर्गंङच़ि तक्सा, दुह गेह शुगाह। अगर अच़िया दिह रोटीऊ दोरच़ी ज़ोतो ता हमेशा श्रींङे बंङज़ोतो; दंङ अंऊ रोटी गेह रमोग, दुह गिऊ फुक शुह अंऊ गेह संसारो मीहतु जीवनो थल्जी बलिदान लोहग।”

रोमियो 15:16

कि गेह ऊईजातितु मीहतु थल्जी इच्च़ा यहुदी पुरोहितो ठ्रोह परमेश्वरो दोरच़ी खोकसी रूठे खबरो सेवा लहज़ातग; अतिंङ ऊईजाति मीहरे पवित्र आत्माओ दोरच़ी शत्‌ह लहसी परमेश्वरो थल्जी ग्रहणो जोगे तग बणेंके योतो।

रोमियो 4:25

यीशु हेंदु अपराधो थल्जी सिए इलि, दंङ परमेश्वरे हेंदिंङ धर्मी बणाएट्रिमी थल्जी दोबि यह्च़ा श्रींङमी लहरी।

रोमियो 8:3

छना कुचे अंऊ कम, मुसाओ कानून पापो स्वाभावो दोरच़ी कमज़ोर शुहचे लेह मरति, दोबि परमेश्वरे लहरी। दोई पापो प्रायश्चितो थल्जी एनोह योह बि ए पापी मीहू ठ्रोह पापो बलि ऊ थल्जी च़चे च़रति, झांह ठ्रोह परमेश्वरे पाप मय फुकारिंङ ए पापो सामर्थ थाक्शे च़रति।

रोमियो 8:37

पर दि भत्ते गप्पारिंङ हेनर दोऊ दोरच़ी ए जयवंत ला शुहचे य्वातंई, अच़ि हेंदंङ साते दाह लहज़ा।

1 कुरिन्थियों 16:14

केहच़ी छिल्ला लहज़ातंई दाह रंङ साते लंहि।

1 कुरिन्थियों 5:7

केरे पापो युई सुम हुंज़े च़रतुंई, मतलब दि कुकम लहज़ा मीहु हखा कुंई कि दुह हेंदु संगति रिंङ शामिल शुहबी माहरपोतो। दंङ केरे पापो प्रभाव मेह इच्च़ा खरकोई ए शुद्ध नाता रिंङ इदि-अई दिरंङ साते जोड़ेक्च़ा ठ्रोह विशवासी तु इच्च़ा शुद्ध झुण्ड शुचि योंई, हेले रिंङ केरे परमेश्वरो पवित्र मीह शुई। छना कुचे मसीह हेंदु फसहो त्याहरो कुरच़ा हेंदिंङ हेंदु पापो दोरच़ी छुड़ाएच़िमी थल्जी बलिदान शुहचे शुह।

2 कुरिन्थियों 2:14

दंङ परमेश्वरो धन्यवाद शोतो, अंऊ मसीह रंङ साते हेंदु संबधो वहज़ा ज़ि, हेंदिंङ हमेशा ऐनाहरंङ साते चलाच़ा। दिऊ मतलब दि तोह कि हेनर अंऊर ला य्वातंई, हेनर रूठे खबर सुनाच़ातंई ताकि भत्ते मीहरे परमेश्वरो बि ञेंओर ए रेड्रोर।

2 कुरिन्थियों 2:15

छना कुचे हेनर परमेश्वरो थल्जी मसीहू दोरच़ी धूपो ठ्रोह तोतोंई। हेंदु दोरच़ी प्रचार लहसी रूठे खबर मीहतु दोरच़ी फेलेके रूठे बासो ठ्रोह तोह, अंऊ उद्धार खोकसा दोतु थल्जी ए नाश शुचाह दोकु बिचंङ फेलेके यवाह।

2 कुरिन्थियों 8:9

केहच़ी ञेंहतु प्रभु यीशु मसीहू मोह्ड़े दाह ञेंच़ातंई, कि दू साहुकार शुहचे ला केहतु थल्जी गरीब शुहचे इलि ताकि दोऊ गरीब शुहबी रंङ साते केरे साहुकार शुहचे ईलांई।

गलातियों 1:4

हेंदु परमेश्वर ए बाह ओ हिटीऊ हिसाबे यीशु मसीह ज़ि एनाबि हेंदु पापो वहज़ा ज़ि बलिदान लेह च़रति ताकि दोई हेंदिंङ दू मदम शाक्ति ओ दोरच़ी बचाके च़रपोतो अंऊ तोग दि संसारारंङ कम लहच़ी लेहकी तोह।

गलातियों 2:20

गेह ञेंहनि मसीह रंङ साते क्रूसो टोईच़ी सिए इलिगा, एंतेग गेह श्रींङी माह केहश्रिगा। दंङ गेह फुका रिंङ एंतेग श्रींङी तोतोग; दंङ सिर्फ परमेश्वरो योह टोहकठे विशवास रंङ साते श्रींङे तोतोग, अंऊ दोई गेरंङ साते धोंण दाह लहज़ा कि गिऊ थल्जी एनोह जहान रें च़रति।

इफिसियों 1:4

परमेश्वरे सर्ग ए धरती बणाएषिमी तुहई, मसीहू दोरच़ी हेंदिंङ एनातु मीह शुहबिमी थल्जी अंङे च़रति। ताकि हेनर दोऊ नज़रारिंङ पवित्र ए निर्दोष शुहबी तरपोंई।

इफिसियों 3:17

दोऊ टोहकठे विशवासो लहज़िमी दोरच़ी मसीह केहतु अंदरेग हमेशा बसेकी बंङज़ोतो। दंङ गेह प्रार्थना लहज़ातग कि परमेश्वरो दाह रिंङ केरे पक्‍का शुचि,

इफिसियों 3:19

गेह प्रार्थना लहज़ातग कि, केरे मसीहू दि दाह ञेंए तरपोंई, अंऊ मीहु समझ बे धकते तोह, ताकि केहतु स्वाभाव परमेश्वरो स्वाभावो ठ्रोह शुहचे योतो।

इफिसियों 4:15

पर दाह रंङ हेले कुट्रा भत्तेर गप्पारि मसीह ठ्रोह सिद्ध शुहचे इलांई, अंऊ विशवासी कलीसिया पुंज़ा तोह।

इफिसियों 4:2

मतलब भत्ते दीनता ए नम्रता रंङ साते, दंङ धीरज़ तहच़ि दाह रंङ साते इदि-अई दिऊ व्यवहार सहन लंहि।

इफिसियों 5:15

झांह लेह ध्यानारंङ साते खांई, कि केरे छना ठ्रोह जीवन श्रींङमी लेहकी तोतोंई, मुर्खा तु ठ्रोह मशत, पर बुद्धिमानो तु जीवन श्रींङमा तंई।

इफिसियों 5:25

हे गगसा रे केनातु-केनातु मेच़ा रंङ साते दाह तंही, छना मसीह ज़ि ला कलीसिया रंङ साते दाह लहच़ी एनाबि दोऊ थल्जी बलिदान लेह च़रति।

फिलिपियों 4:18

गिऊ दोर भत्ते धिर तोद पर महसे बे बढ़कर तोह; अंऊ चीज़ारे केहच़ी इपफ्रुदीतुसो गुह्ट्री दोरच़ी च़रसी तोहई, दुह खोक्शे गेह तृप्त शुहचे इलिगा, दि झांह ठ्रोह तग तोह अंऊ केहच़ी परमेश्वर बि चढ़ाके दंङ अंऊ रूठे वास रंड्रा। अंऊ परमेश्वर ग्रहण लहच़ी दंङ खुश शुहबी।

कुलुस्सियों 3:14

दंङ भत्ते बे ज़रूरी अंऊ केतिंङ लेह जूंशी तोह, दुह दिह तोह कि इदि अईदिरंङ साते दाह लंहि, झांह लेह रंङ साते केरे इच्च़ा शुचे योंई।

1 थिस्सलुनीकियों 4:9

दंङ विशवासी भाईचाराऊ दाह ओ पाहठी दि ज़रूरी माह कि गेह केतिंङ छा च़ेओग, छना कुचे केनातु बिचंङ दाह तहच़ि केहच़ी केनाच़ि ए परमेश्वरो दोरच़ी सीखेसी तातंई;

1 तीमुथियुस 2:6

अच़ि पाप ए सिमी शाक्ति ओ दोरच़ी भत्ते मीह तिंङ आज़ाद लेह च़रच़िमी थल्जी एनाबि बलिदान लेह केहई दोऊ मौतो दोरच़ी, परमेश्वरे ठीक टेमारिंङ दि सबूत रें च़रति कि दुह भत्ते मीहतिंङ बचाएच़ी जुंज़ा।

1 तीमुथियुस 4:12

अच़िया काह तुच्छ (बेकार) समझेक्सी माह जूंस छना कुचे काह जवान तोतोन पर कांह बोल-चाल ए चाल-चलनारिंङ, ऊईतु थल्जी दाह रिंङ मसीहू टोहकठे कनु विशवासरिंङ दंङ कनु निर्दोष जीवनारिंङ, विशवासी मीहतु थल्जी इच्च़ा उदाहरण बणेंक्तु।

तीतुस 2:14

यीशु मसीह हेंदु थल्जी सिए इलि ताकि हेंदिंङ भत्ते पाहठी पापो दोरच़ी आज़ाद लोहतो दंङ हेंदिंङ शुद्ध लेह तरपोतो ताकि हेनर दोऊ खास मीहरे बणेंके योंई। अंऊ रूठे कम लहज़िमी थल्जी भत्ते तरफे समर्पित शोतो

इब्रानियों 8:3

छना कुचे हर इच्च़ा यहुदी महापुरोहित बि भेंट चढ़ाएच़िमी थल्जी दंङ पापो माफी ओ थल्जी बलिदान चढ़ाएच़िमी थल्जी अंङषी शुहबी, झांह लेह ज़रूरी तोह कि, कि हेंदु यहुदी पुरोहितो दोर ला छा चढ़ाईच़िमी थल्जी शुहबी जूंस।

इब्रानियों 9:14

दंङ सोचेक्तुंई कि मसीहू शुहई हेंदु सेहमा बि दू कमो दोरच़ी अंयों शुद्ध लोहतो अंऊ मौतो हखा शिलज़ातोर, ताकि हेनर श्रींङे परमेश्वरो सेवा लोहनि। छना कुचे अनंत आत्माओ सामर्थो दोरच़ी, मसीह ज़ि हेंदु पापो थल्जी एनाबि बलिदान लेह परमेश्वर बि भेंटो रूपारिंङ रें च़रति।

इब्रानियों 9:23

झांह लेह संसारिक तम्बू बि दंङ दोर्तिंङ मौजूद भत्ते चीज़ा तिंङ जानवरा तु शुई दोरच़ी शुद्ध लेह पढ़ेक्पाते। दि दू चीज़ा तु नकल शुह अंऊ स्वर्गंङ तोह। पर स्वर्गंङ चीज़ा तिंङ शुद्ध लहज़िमी थल्जी जानवरतु शुई बे बढ़कर रूठे बलिदानो दोरच़ी शुद्ध लहज़िमी ज़रूरत तोहई।

1 पतरस 4:8

भत्ते बे मोह्ड़े गप्पा दि तोह कि इदि-अई दिरंङ साते महसे बे महसे दाह लंहि, छना कुचे अगर केरे मीहतंङ साते दाह लहज़ातंई, दंङ केरे हमेशा अंऊ ला पाप बि माफ लहज़िमी थल्जी तेयार बंङज़ोंई, अंऊ दोच़ी लहसी ततोर।

1 यूहन्ना 3:16

ञेंहच़ी दाह दिऊ दोरच़ी ए ञेंहरिन कि यीशु मसीह हेंदु थल्जी एनोह जहान रें च़रति; झांह लेह हेंदिंङ ला विशवासी न्वारेतु थल्जी जहान रंड्री जूंस।

1 यूहन्ना 3:23

दंङ दोऊ हुकुम दि तोह कि हेनर दोऊ योह यीशु मसीहू मिंदंङ विशवास लोंई, दंङ छना दोई हेन्दिंङ हुकुम रांहषी ततो दोऊ ए हिसाबे हेंदु बिचंङ दाह लोहनि।

प्रकाशित वाक्य 1:5

दंङ यीशु मसीहू तरफे केतिंङ मोह्ड़े दाह ए शांति खोकसोतो, अतु बचनो टोईच़ी विशवास लेह तरपोंई दुह ए तोह सिमी थल यह्च़ा श्रींङे इलि दंङ दुह दि संसारो रज्ज़ा तु अधिकारी तोह। दोई हेंदंङ साते दाह लहज़ा दंङ हेंदिंङ बचाएच़ा, दोई एनोह शुहई दोरच़ी हेंदिंङ पापो दोरच़ी बचाएच़ा। दोई हेंदिंङ झांह ठ्रोह मीह बणाके चरच़तो, अतु परमेश्वर दोतु रज्ज़ा तोह दंङ दोई हेंदिंङ एनोह बाह परमेश्वरो थल्जी यहुदी पुरोहित बणाके च़रति। दोबि आदर ए अधिकार हमेशा खोकसा लोहतो। अमीन।

प्रकाशित वाक्य 5:9

दंङ दोरे दि खरकोई गीत कुट्री लेहतिर, “कांह दि कताब मुहर थक्च़िमी ए दिबी युप्च़िमी जोगे तोतोन; छना कुचे कनिंङ बलिदान लहसी शुह। कनु शुहई अंऊ बहाएक्सी तोहई, मीहतिंङ छुड़ाके च़रति ताकि दोरे परमेश्वरो मीहरे बणेंके योर। दिरे मीहरे भत्ते गोत्र, भत्ते भाषा, भत्ते ठहरि ए भत्ते राज्यो दोरच़ी तोतोर।”