इफिसियों 5:19 - लाहौली बाइबिल

¹⁹ दंङ अपेहल केरे ठ्रोका शवातंई, दंङ भजन स्तुतिगान ए आत्मिक गीत कुट्रा लंहि, दंङ केनातु-केनातु सेहमरिंङ प्रभु तुईज़ी गीत कुट्रा ए स्तुति लोहवा लंहि।

इफिसियों 5:19 Iomraidhean Croise

मत्ती 15:8

दिहरे मीहरे एनोह आहच़ि गिऊ आदर लहच़ातोर पर सेहमे गिऊ दोरच़ी महस ऊई तार तोतोर।

मत्ती 26:30

दंङ यीशु ए दोऊ चेलारे परमेश्वरो भजन कुचे जैतून मिन्दु गोहू टोईच़ी इलि।

प्रेरित 16:25

अधा राता रिंङ लगभग पोलुस ए सीलास प्रार्थना लहज़ी दंङ परमेश्वरो भजन कुट्री लेह्की तोहरे, दंङ कैदी रे दोतु रेड्री लेह्की तोईरे।

1 कुरिन्थियों 14:15

झांह लेह, गेह पवित्र आत्माओ अगुवाई ओ रंङ साते प्रार्थना लहज़ातग पर गेह दि लाह जुंज़ातग कि गेह छिल्ला लहज़ी लेहकी तोतोग, दोबि ऊई मीहरे समझेक्सी जूंस। दंङ अपेहल गेह गीत कुट्रातग, दंङ गेह कुट्रा जुंज़ातग कि गिऊ गीत पवित्र आत्मा रंङ प्रेरित शुहबी जूंस, पर दि ला ज़रूरी तोह कि गेह छि गीत कुट्री लेहकी तोतोग दू ऊईतिंङ समझेक्सी जूंस।

1 कुरिन्थियों 14:26

हे गिऊ प्यारे साथी विशवासी रे, रेड्रुंई, छि लहच़ी जूंस? अपेहल केरे अराधना ओ थल्जी ठ्रोका शवातंई, दंङ केहतु बिचंङ अरिया ता गीत कुट्रा, शवातोंई, दंङ रैहच़ी उपदेश रंड्रातंई, अरिया एनोह टोहकठे प्रगट लहसी हेले कंड्रा, अरिया शत्‌ह भाषारिंङ गप्पा लहज़ा दंङ रैहच़ी दोऊ अनुवाद लहज़ातोर; दि भत्ते गप्पो मकसद दि शुहबी जूंस कि कलीसिया बि विशवासरिंङ पक्‍का शुहबिमी थल्जी मदत लेह तरपोर।

कुलुस्सियों 3:16

मसीहू बचन रे केनातु सेहमरिंङ महसे बसेकपि रांई, दंङ सिद्ध ज्ञाना रंङ साते इदि अईदि बि सिखाएतुंई दंङ सलाह रांई, दंङ केनातु सेहमरिंङ धन्यवाद रंङ साते परमेश्वरो थल्जी भजन ए स्तुतिगान दंङ आत्मिक गीत कुंई।

याकूब 5:13

अगर केहतु बिचंङ अरिया दुखी तोह ता दोई प्रार्थना लोहु; अगर खुश तोह ता, दोई स्तुतिऊ भजन कुंई।

प्रकाशित वाक्य 5:9

दंङ दोरे दि खरकोई गीत कुट्री लेहतिर, “कांह दि कताब मुहर थक्च़िमी ए दिबी युप्च़िमी जोगे तोतोन; छना कुचे कनिंङ बलिदान लहसी शुह। कनु शुहई अंऊ बहाएक्सी तोहई, मीहतिंङ छुड़ाके च़रति ताकि दोरे परमेश्वरो मीहरे बणेंके योर। दिरे मीहरे भत्ते गोत्र, भत्ते भाषा, भत्ते ठहरि ए भत्ते राज्यो दोरच़ी तोतोर।”