इफिसियों 5:18 - लाहौली बाइबिल

¹⁸ सरो नशारिंङ मस्त शुहचे केनातिंङ नाश थालंही, छना कुचे दिरिंङ मीहरे एनोह सुधबुधो दोरच़ी धकतेखा शुचे यवाह। बल्कि पवित्र आत्माबि केतिंङ एनोह सामर्थे पिंङड्री रांई।

इफिसियों 5:18 Iomraidhean Croise

मत्ती 23:25

हे कपटी रंड्रा यहुदी शास्त्री ए फरीसी मीहरे केहतु टोईच़ी धिक्कार! केहरे झांह ठ्रोह नंनदे शुई अरी धह्कतेकी साफ तोतोंई पर तोंङज़ि अईता ला झख तोतोंई। दुह झांह ठ्रोह तोह कि केहच़ी ऊईतु थल्जी रुठे कंड्रातंई। पर केहतु सेहम तोंङज़ि लालच ए स्वार्थे पिंङषी तोह।

मत्ती 24:49

दंङ एनोह साथी परगरातिंङ तेंङपोतो, दंङ तुंङज़ातंङ जोओतो तुंङमोतो।

लूको 1:15

छना कुचे दुह गंङकटु प्रभु तुईज़ी महान शोतो; दुह दाखरस ए सरा अपेहल ला तुंङमी माह जूंस, दंङ एनोह याहू खोकटुंङज़ि ए पवित्र आत्मा रंङ साते बिंङे शोतो;

लूको 11:13

अगर केरे मांजी शुहचे केन्दु कटुतिंङ रूठे धिरारे रंड्री ञेंहच़ातंई दंङ केहतु स्वर्गो पिता परमेश्वरे एनोह पेट्रातिंङ पवित्र आत्मा ज़रुर रमतो?”

लूको 12:45

पर अगर दुह परगरे सोचेक्पोतो, कि गिऊ मालिक अपिमी थल्जी ध्याड़ा लहच़ी लेहकी तोह, दंङ ऊई परगरातिंङ तेंङपोतो दंङ ज़ेई ए तुंङे शराबी शुहचे योतो।

लूको 21:34

“दिऊ थल्जी खबरदार तोहई, झांह शुहबी माह जूंस कि केहतु सेहम मस्त ए मतवाला, दंङ दिह ज़िन्दगीऊ चिंदे सुस्त शुहचे योतो। दंङ दुह ध्याड़ा फन्दा ओ ठ्रोह अचानक केहतु तुईज़ी अपतो।

यहून्नो 2:10

“भत्ते मीहज़ी तुहई रूठे दाखो रस रंड्री, अपेहल मीहरे तुंङे कह्षे य्वातोर, दंङ घटिया दाखरस रमतो, पर केई रूठे दाखो रस अईता तचेक केहषी तातन।

प्रेरित 11:24

बरनबास इच्च़ा रुठे मीह तोहई; दंङ पवित्र आत्मा ए बिशवास रंङ साते परिपूर्ण तोहई; दंङ महसे मीहज़ी प्रभु टोईच़ी विशवास लहरिर।

रोमियो 13:13

अतंई हेनर हेंदु स्वाभाव ठीक लहज़िमी कोशिश लोहनि, दू मीहतु ठ्रोह अंऊ छंङीरिंङ बंङज़ातोर दंङ हंञारारिंङ माह हेनर मांजी कम ए नशाबाज़ी, कुकम ए भोगविलास, झगड़ा ए जलनो दोरच़ी शत्‌ह बंङज़ोंई।

1 कुरिन्थियों 11:21

छना कुचे गिह्बी कांहषी तोह कि केहतु बिचंङ रें ऊईतिंङ साते फाए मेह एनोह बगत ज़ेइमी थल्जी जल्दबाज़ी लहज़ातोर। दिऊ थल्जी, रें योंए अच़ा यवातोर दंङ रें क्वषे ते मतवाला शुहचे यवातोर।

1 कुरिन्थियों 5:11

गिऊ कुट्री दि तोह कि अगर अरिया एनाबि विशवासी कुट्रा, कुकम, लालची, या मुर्ति पूजा लहज़ा, या गाड़ी रंड्रा, तुंङज़ाड़ (पियक्कड़), या ऊईतिंङ धोखा रंड्रा शोतो, ता दोरंङ साते संगति थालंही; पर झांह ठ्रोह मीहतंङ साते बगत ला थाज़ंई।

1 कुरिन्थियों 6:10

माह चोरी, माह लालची, माह सरा तुंङज़ाड़, माह गाड़ी रंड्रा, माह अन्धेर लहज़ा परमेश्वरो राजो वारिस शोर।

1 थिस्सलुनीकियों 5:7

छना कुचे अंऊ इमरिंङ बंङज़ा तोर दोरे रातारिंङ ए ईम लहज़ातोर, दंङ अंऊ मतवाला शोतो, दोरे रातारिंङ ए मतवाला शुहबी।

तीतुस 1:6

इच्च़ा कलीसिया ओ मुख्या बि बेकसूर ए इच्च़ा मेच़ो गगसा शुहबी जूंस, अतु कटुरे विशवासी शुहबी जूंस, दंङ अच़िला ला दोतु टोहकठे दि दोष लगासी माह जूंस कि दोरे बेकाबू ए हुकुमो भाषे माह लहज़ातोर।