इफिसियों 5:17 - लाहौली बाइबिल

¹⁷ झांह लेह मुर्ख था बणेक्तुंई, पर दि समझेक्सिमी कोशिश लोह कि प्रभु केतंङ साते छि लहज़ी जुंज़ा।

इफिसियों 5:17 Iomraidhean Croise

यहून्नो 7:17

अगर अरीया दोऊ हिटी ओ टोहकठे ज़ोअतो ता दोई ञेंह केहतो कि गिऊ शिक्षा परमेश्वरो दोरच़ी अपा या गिऊ दोरच़ी।

रोमियो 12:2

दंङ दि संसारो मीहतु ठ्रोह था बणेक्तुंई; पर केनातु सोचेक्च़िमी तरीका परमेश्वर बि लेहक्सी रांऊ अंऊ दोरच़ी केहतु चाल-चलन ला लेक्सा योतो, दंङ केरे परमेश्वराबि रूठे, गमेकी ए सिद्ध हिटी ओ खोज लोहवा लंहि।

इफिसियों 5:15

झांह लेह ध्यानारंङ साते खांई, कि केरे छना ठ्रोह जीवन श्रींङमी लेहकी तोतोंई, मुर्खा तु ठ्रोह मशत, पर बुद्धिमानो तु जीवन श्रींङमा तंई।

कुलुस्सियों 1:9

झांह लेह अपेहल बे ञेंहच़ी दि रैहशी तातंई, दंङ हमेशा ञेंहच़ी केहतु थल्जी प्रार्थना लहज़ा तंई कि परमेश्वरो आत्मा केतिंङ ज्ञान ए समझ रमतो ताकि केहच़ी दोऊ हिटी पुरा रिति रंङ समझेक्पोंई।

कुलुस्सियों 4:5

हर मोका ओ रूठे रंङ इस्तेमाल लंहि दि कंड्रिमी थल्जी कि केरे विशवासी शुई दंङ अंऊ मीहरे यीशु मसीहू टोहकठे विशवास माह लहज़ातोर दोतंङ साते बुद्धिमानी रंङ साते बर्ताब लंहि।

1 थिस्सलुनीकियों 5:18

हर हालातरिंङ परमेश्वरो धन्यवाद लोहवा लंहि; छना कुचे केहतु थल्जी मसीह यीशु रिंङ परमेश्वरो दिए हिटी तोह।

1 पतरस 4:2

एंतेग बेहच़ी, यह्च़ा, केरे केनातु ऊई संसारिक ज़िन्दगी बि पापो हिटी पूरा लहज़िमी थल्जी मश्त; पर परमेश्वरो हिटी पूरा लहज़िमी थल्जी श्रींङे च़रतुंई।