इफिसियों 5:15 - लाहौली बाइबिल

¹⁵ झांह लेह ध्यानारंङ साते खांई, कि केरे छना ठ्रोह जीवन श्रींङमी लेहकी तोतोंई, मुर्खा तु ठ्रोह मशत, पर बुद्धिमानो तु जीवन श्रींङमा तंई।

इफिसियों 5:15 Iomraidhean Croise

मत्ती 10:16

खंड्रूई गेह केतिंङ त्रैंईतु ठ्रोह शंखुतु बिचंङ चरच़ातग, झांह लेह ओमड्रो ठ्रोह चलाक ए कबूतरो ठ्रोह बुद्धिमान शुई।

मत्ती 25:2

दोतु बिचंङज़ि ङा बेवकूफ, ङा समझकार तोईरे।

मत्ती 27:24

पिलातुसे खमतो कि छल्ले बणेक्पिमी माह बल्कि छल्ला वैहसीऐ लेहकी तोह, दंङ दोई दिह लेहपच़े भीड़ो तुईज़ी एनोह गुहड़ चिह्आतो दंङ कुहतो, “गेह दिह धर्मीऊ शुहईज़ि निर्दोष शुगाह; केहच़ी ञेंई।”

मत्ती 27:4

दंङ कुहतो, “गेह इच्च़ा निर्दोष मीहबी सच़िमी थल्जी च़ुमज़ि लेह पाप लाहतग।” दोच़ी कुह्तोर, “ञेंतिंङ दिह पाहठी छले परवाह माह, कांह केनेह दिऊ थल्जी ज़िमेवारी शुनाह।”

मत्ती 8:4

यीशुज़ि दोबि कुहतो, “रेड्रु! दि गप्पा अतंङ साते ला थाकुड़ु, कि गेह कनिंङ ठीक लेह चरच़ातग, दंङ इलजे दीह गप्पा केनोह यहुदी पुरोहिता बि कंड्रु, दंङ छी चढ़ावा मूसा ज़ि कुहषी ततो चढ़ाएतु, ताकि मीहतु थल्जी गवाही शुहबी जूंस।”

लूको 24:25

दोहपल यीशु ज़ि दोकु झुल्ला चेला तु हखा कुंई, “हे मुर्खारे, छिला धिर भविष्यवक्ताज़ि पवित्र शास्त्रारिंङ च़ेहसी ततोर केहच़ी दोतु टोहकठे बिशवास लहज़ी महसे खरे चेहच़ातन।

1 कुरिन्थियों 14:20

हे गिऊ साथी विशवासी रे, केरे इच्च़ा कटु ठ्रोह सोचेक्च़ी बंद लंहि, अपेहल मांजी ओ गप्पा अपा दंङ दू मुक्का कटुतु ठ्रोह निर्दोष बंङज़ुंई, पर झांह ठ्रोह मामला समझेक्सिमी थल्जी सियाणा शुईं।

गलातियों 3:1

हे नासमझ, गलातिया शहरो विशवासी रे, गेह ता साफ रूपा रिंङ ए रूठे रंङ केतिंङ समझाएक्च़ा, कि यीशु मसीह केहतु थल्जी क्रूसो टोईच़ी छारिंङ सिए इलि। दंङ केरे छारिंङ दोऊ दोरच़ी ऊईतार शुचि इलि? अच़ि केरे भटकागी च़रतिर?

गलातियों 3:3

छि केरे धोंण नासमझ तोतोंई आ? केहच़ी पवित्र आत्मो ज़रिये मसीह रंङ साते केनातु खरकोई जीवन शुरू च़ुकातंई, छि दोबि एंतेग मीहतु कमो दोरच़ी योह्च़ी जुंज़ातंई आ?

इफिसियों 5:2

मसीहू उदाहरणो हिद लहज़ा, ऊईतु थल्जी दाह रंङ साते जीवन श्रींङमा तंई, अच़ि केतंङ साते दाह लहज़ा दंङ केहतु पाप उठाएच़िमी थल्जी एनाबि बलिदान लेह च़रति। दंङ दिरंङ खुश तोहई छना कुचे दू बलिदान दोऊ थल्जी इत्रो ठ्रोह तोह।

इफिसियों 5:33

पर दि केहतु टोईच़ी ला लागू शवाह कि, केहतु बिचंङ हर इच्च़ा एनोह मेच़ारंङ साते केनोह बराबर दाह तोह, दंङ मेच़ा ला एनोह गगसो आदर लोह।

फिलिपियों 1:27

सिर्फ धोंण ए लंहि कि केहतु चाल-चलन मसीहू रूठे खबरो जोगे शोतो। कि चाहे गेह अंज़े ते केतिंङ खमोग, चाहे गेह अपोग ए माह, केहतु पाहठी दि रेड्रोग कि केरे इच्च़ा इरादारिंङ पक्‍का तोहईं दंङ इच्च़ा सेहम शुहचे रूठे खबरो विशवासो थल्जी मेहनत लोहवा तंही।

कुलुस्सियों 1:9

झांह लेह अपेहल बे ञेंहच़ी दि रैहशी तातंई, दंङ हमेशा ञेंहच़ी केहतु थल्जी प्रार्थना लहज़ा तंई कि परमेश्वरो आत्मा केतिंङ ज्ञान ए समझ रमतो ताकि केहच़ी दोऊ हिटी पुरा रिति रंङ समझेक्पोंई।

कुलुस्सियों 4:5

हर मोका ओ रूठे रंङ इस्तेमाल लंहि दि कंड्रिमी थल्जी कि केरे विशवासी शुई दंङ अंऊ मीहरे यीशु मसीहू टोहकठे विशवास माह लहज़ातोर दोतंङ साते बुद्धिमानी रंङ साते बर्ताब लंहि।

1 थिस्सलुनीकियों 5:15

दि गप्पो ध्यान तंही कि अरिला ऊईतिंङ साते बुराई बदलारिंङ बुराई लेह माह जूंस; पर हमेशा इदि अई दिऊ ए भत्तेतंङ साते भलाई लहज़िमी कोशिश लोहवा लंहि।

1 तीमुथियुस 6:9

पर अंऊ साहुकार शुहबी जुन्ज़ातोर, दोरे भत्ते पाहठी पाप लहज़िमी थल्जी युरनाह धोखा रंड्रातोर दंङ इच्च़ा जानवरो ठ्रोह फंदारिंङ फसेके यवातोर दोरे दुह कम लहच़ी जुन्ज़ातोर अंऊ दोतु थल्जी मुर्ख ए खतरनाक तोह दंङ दि हिटी दोतिंङ बरबाद लेह केट्रा दंङ पूरी तरह नाश लेह केट्रा।

इब्रानियों 12:25

खबरदार बंङज़ुंई, दंङ परमेश्वर अंऊ केतंङ साते कुट्रा दोऊ हुकुमो भाषे लंहि। इस्राएलो मीहतिंङ सज़ा खोकसिरी अपेहल दोच़ी मूसा ओ चेतावनी रेड्रीमी दोरच़ी इंकार लेह च़रतिर। दिऊ थल्जी दि ञेंहतु थल्जी महस मदम शोतो अगर हेनर परमेश्वरो हुकुम भाषे माह लहज़ातंई अंऊ हेंदिंङ स्वर्गंङ ज़ि चेतावनी रंड्रा।

याकूब 3:13

केहतु बिचंङ ज्ञानवान ए समझदार अरि तोह? अगर केरे तोतोंई ता, केतिंङ दि रूठे जीवन श्रींङमी रंङ साबित लेह जूंशी तोह दंङ भत्ते नम्रता रंङ साते अंऊ केहतु ज्ञान बुद्धि रंङ साते अपा रूठे कमो दोरच़ी साबित लेह जूंशी तोह।

1 पतरस 1:22

छना कुचे हेले ओ भाषे लहज़िमी रंङ साते केतिंङ पापो दोरच़ी शुद्ध लेह चरच़ातंई, हेंतेग केतिंङ केनातु साथी विशवासी तंङ निष्कपट दाह लेह जूंशी तोह। इदि-अई दिरंङ साते महसे ए भत्ते सेहमे दाह लेह जारी तंही।

प्रकाशित वाक्य 19:10

अपेहल गेह रेड्रीगा ता गेह दुह मीहू तुईज़ी कोंङा शुहचे इलिगा अंऊ गेरंङ साते गप्पा लहज़ी लेहकी तोहई, छना कुचे गेह दोऊ अराधना लहज़ातेग। दोई गिऊ हखा कुई, “गिऊ अराधना थालोहू। परमेश्वरे ए तोह अतु कनिंङ अराधना लेह जूंशी तोह। छना कुचे गेह ला ध्वांए इच्च़ा परमेश्वरो सेवक शुगाह, छना काह तोतोन दंङ ध्वांए छना इच्च़ा ए अंगीकार लहसी कनु भत्ते साथी विशवासी तोतोर, अंऊ दोच़ी ञेंहच़ातोर कि यीशु ए दोतु प्रभु शुह। दिए सच्चाई अंऊ यीशु ज़ि प्रगट लहसी ततो, दोबि घोषणा लहज़िमी थल्जी पवित्र आत्मा मीहतिंङ दोऊ जोगे बणाएच़ा।”