इफिसियों 5:11 - लाहौली बाइबिल

¹¹ अंऊ मीहरे पापो कम हंयार रिंङ लहज़ातोर, दोतंङ साते सहभागी थाशुंई, पर मीहतिंङ सिखाएक्तुंई, कि दि कम गलत शुह।

इफिसियों 5:11 Iomraidhean Croise

मत्ती 18:15

अगर कांह साथी न्वाज़ि कांह थल्जी गलती लाहता इला इलजे दोहरंङ गप्पा लेह समझाएतु; अगर दोई पश्चाताप लहरी ता केई केनोह साथी न्वाबि खोक्शे केहतन।

लूको 3:19

पर अपेहल यूहन्नाए गलील प्रदेशो दोई रज्ज़ा हेरोदेसा बि दोऊ एनोह न्वा फिलिप्पुस ओ मेच़ा हेरोदियासो पाहठी ए दोऊ भत्ते कुकर्मो पाहठी दोबि रेहच़ि लेहती,

प्रेरित 26:18

कि केरे दोतिंङ दि समझेक्सिमी थल्जी मदत लंहि कि छि सही शुह, कि दोरे हंयारो दोरच़ी छंङीरिंङ किरज़ा योर, दंङ शेतानो अधिकारो अधीन बेहच़ी परमेश्वरो अधिकारो अधीन बंङज़ी शुरू लेह तरपोर; दोहपल परमेश्वर दोतु पाप माफ लेह च़रपोतो, दंङ दुह दोतिंङ दुह भत्ते मीहतंङ विरासत रमतो अंऊ गिऊ टोईच़ी विशवास लहज़ातोर। दिए गप्पा यीशु ज़ि गिऊ हखा कुई।

रोमियो 13:12

दि मदम संसारारिंङ बंङज़ी हेंदु टेम इच्च़ा रातो योह्सिमी ठ्रोह लगभग योह्सा अंज़े तोह, दंङ दुह ध्याड़ा ला कछंङ पिचे तोह अपेहल मसीह वापिस अपतो। झांह लेह हेंदिंङ हंयारा रंङ जुड़ेके कम बंद लेह च़रसी जूंशी तोह दंङ छंङी रंङ जुड़ेके हथियार कुरच़े जुंशी तोह।

रोमियो 16:17

हेंतेग हे विशवासी न्वारे, गेह केतंङ साते बिनती लहज़ातग, कि केरे दुह मीहतंङ साते खबरदार ए शत्‌ह बंङज़ेंई, दंङ दू शिक्षा ओ खिलाप तोह, अंऊ केतिंङ खोकसी तोह, दंङ अंऊ ऊई मीहतु विशवास रिंङ कमज़ोर शुहबी ए झगड़ो वहज़ा शुहबी।

रोमियो 6:21

दंङ केनातु भत्ते जीवनो दोरच़ी केतिंङ छि फायदा शुई? केरे दोऊ वहज़ा ज़ि सिर्फ शर्मिन्दा शवातंई। छना कुचे दू कमो नतीज़ा मौत तोह।

गलातियों 6:8

छना कुचे अंऊ मीह दू ए लहज़ा अंऊ दोऊ पापी स्वाभाव जुंज़ा, दंङ दोई खमतो कि दि दोऊ थल्जी मौत रेंज़ा हपतो। पर अंऊ मीह परमेश्वरो आत्माओ हिटी पूरा लहज़ा दोई खमतो कि आत्मा दोबि अनंत जीवन रमतो।

इफिसियों 4:22

केहतु सिखाएच़ा दोच़ी केतिंङ दू तरीका छोड़ेक्च़िमी शिक्षा रेंईर, अतु हिसाबे केहच़ी व्यवहार लहज़ातंई। केहतु मदम हिटी केतिंङ धोखा रें च़रति दंङ केहतु जीवन बरबाद लेह च़रति।

इफिसियों 5:12

छना कुचे दू अविशवासी मीहतु गुप्त कमो गप्पा लहज़ी ला षेहदो गप्पा तोह।

इफिसियों 5:7

झांह लेह केरे दि पापो कम लहज़ी दोतु सहभागी थाशुंई।

कुलुस्सियों 1:12

दंङ बाह परमेश्वरो धन्यवाद लोहवा लंहि, अच़ि हेनर दि जोगे बणाएक्तो कि स्वर्ग राज्यो पवित्र मीहतंङ जाईदातो हकदार शोंई।

1 थिस्सलुनीकियों 5:7

छना कुचे अंऊ इमरिंङ बंङज़ा तोर दोरे रातारिंङ ए ईम लहज़ातोर, दंङ अंऊ मतवाला शोतो, दोरे रातारिंङ ए मतवाला शुहबी।

2 थिस्सलुनीकियों 3:14

दंङ अरिया हेंदु दि डाको हुकुम माह मनेक्च़ा दंङ दुह मीहू पाहठी भत्तेतिंङ कंड्रुंई दंङ दोरंङ साते संगति थालंही, ताकि दोबि शर्मिन्दगी महसूस शुहबी जूंस।

2 थिस्सलुनीकियों 3:6

हे गिऊ प्यारे साथी विशवासी रे, ञेंहच़ी केतिंङ दुह अधिकारे हुकुम रंड्रातंई अंऊ हेंदिंङ प्रभु यीशु मसीह रांहषी ततो, कि हर इच्च़ा झांह ठ्रोह साथी विशवासी ओ दोरच़ी शत्‌ह बंङज़ुंई, अंऊ सुस्तीरिंङ बंङज़ातोर, दंङ अंऊ दुह, दुह हुकुमो भाषे माह लहज़ा अंऊ दुह ञेंहच़ी केतिंङ सिखाएकातेंई।

1 तीमुथियुस 5:20

अंऊ मीहच़ी पाप लहज़ातोर, कनिंङ दुह मीहतिंङ भत्ते विशवासी तु तुईज़ी रैहच़ी जूंशी तोह, ताकि ऊई विशवासी ला पाप लहच़िमी रंङ साते बेऊर।

1 तीमुथियुस 5:22

अतुआ टोहकठे गुह्ट्र केट्रा दोबि सेंहणा ओ थल्जी अंङे था च़रतु। अगर केई झांह लहज़ातन ता कांह दोऊ पापो थल्जी ज़िमेवार शोन। मदम गप्पो दोरच़ी केनाबि शत्‌ह तोह।

1 तीमुथियुस 6:5

दंङ झांह ठ्रोह मीहतु बिचंङ हमेशा झगड़ा शवाह, अंऊ दोतु बुद्धि भ्रष्ट शुहचे इलजी तोह, दंङ दोरे सच्चाई बि समझेगी माहरच़ातोर, दंङ दोच़ी सोचेक्च़ातोर कि परमेश्वरो सेवा लहज़ी साहुकार बणेक्पिमी तरीका शुह।

2 तीमुथियुस 3:5

दोरे भक्त शुहबिमी दिखावा लोहर, पर दोरे परमेश्वरो दुह शाक्ति माह मनेक्च़ातेर अंऊ दोतिंङ भक्त बणेंके तरपोतो। झांह ठ्रोह मीहतंङ साते मेल-जोल थालंही।

2 तीमुथियुस 4:2

कि काह परमेश्वरो बचन प्रचार लहज़िमी थल्जी हमेशा तेयार बंङज़ु, मीहच़ी चाहे दि रेड्रोर या माह रेड्रोर। कनिंङ दोतिंङ दि कंड्री ज़रूरी तोह कि दोच़ी छि गलती लहतोर दंङ कांह दोतु पापो थल्जी दोतिंङ रैहचु। पर कनिंङ मीहतिंङ हिम्मत रंड्री जूंशी तोह दंङ कनिंङ धीरज़ा रंङ साते दोतिंङ शिक्षा रंड्री जुंशी तोह।

तीतुस 2:15

झांह लेह तीतुस गेह जुंज़ातग कि कांह क्रेते टापू अविशवासी तिंङ दि गप्पा सिखातु अंऊ गेह कनिंङ कांहषी तातग। केनोह मीहतिंङ दि लहज़िमी थल्जी उत्साहित लोह, अंऊर ज़रूरत शोतो, दोर्तिंङ दोतिंङ सुधार लोह। कनिंङ झांह लहच़िमी भत्ते अधिकार तोह, अच़िया कांह अपमान लेह माह जूंस।

प्रकाशित वाक्य 18:4

दंङ गेह स्वर्गंङ ज़ि अई इच्च़ा सग रेड्रीगा, “हे गिऊ मीहरे, दुह शहरो धकते हुंच़ा ईलांई। दुह मीहतु पाप हिद थालंही, ताकि अंऊ सज़ा दोतिंङ खोकसोतो, दुह केतिंङ खोकसी माह जूंस।”