इफिसियों 5:10 - लाहौली बाइबिल

¹⁰ दि सिखेक्च़िमी कोशिश लंहि, कि प्रभुबि छि रूठे च़ेहसी।

इफिसियों 5:10 Iomraidhean Croise

रोमियो 14:18

अंऊ दि रीति रंङ साते मसीहू सेवा लहज़ा, दंङ परमेश्वराबि दोरंङ साते खुश शवाह, दंङ मीहरे ला दोऊ पाहठी रूठे कुट्रातोर।

फिलिपियों 1:10

झांह लेह केरे चुनाव लहज़िमी जोगे शोंई कि छि कम लहज़ी ठीक तोह, ताकि यीशु मसीहू दोबारा वापिस अपिमी ध्याड़ा तचेक ताकि केरे पवित्र ए निर्दोष शुहचे बंङज़ुंई।

फिलिपियों 4:18

गिऊ दोर भत्ते धिर तोद पर महसे बे बढ़कर तोह; अंऊ चीज़ारे केहच़ी इपफ्रुदीतुसो गुह्ट्री दोरच़ी च़रसी तोहई, दुह खोक्शे गेह तृप्त शुहचे इलिगा, दि झांह ठ्रोह तग तोह अंऊ केहच़ी परमेश्वर बि चढ़ाके दंङ अंऊ रूठे वास रंड्रा। अंऊ परमेश्वर ग्रहण लहच़ी दंङ खुश शुहबी।

कुलुस्सियों 1:10

दंङ ञेंहच़ी दि प्रार्थना लहज़ातंई ताकि केहच़ी झांह ठ्रोह जीवन श्रींङमोंई छना प्रभु ज़ि जुंज़ा, दंङ केहच़ी भत्ते पाहठी रंङ साते प्रभु बि खुश लोंहई, कि केरे भत्ते पाहठी रूठे कम लोहवा लंहि, दंङ परमेश्वरा बि ञेंहच़िमी थल्जी लगातार बणेक्पा लंहि,

1 थिस्सलुनीकियों 5:21

पर हर इच्च़ा खबर रूठे रंङ परखेक्तुंई, अंऊ रूठे तोह दोबि स्वीकार लंहि।

1 तीमुथियुस 2:3

झांह ठ्रोह प्रार्थना लहज़ी ठीक तोह, दंङ हेंदु उद्धारकर्ता परमेश्वरे दोबि ग्रहण लहज़ा।

1 तीमुथियुस 5:4

दंङ अगर अतुआ रंणी मेच़िमी ऊ कटु ए जोह्तर पोत्रारारे शोर, दंङ दोरे तुहई एनोह ज़िम्मेवारी पूरा लोहतो, छना इच्च़ा विशवासी बि लेह जूंशी तोह, झांह लेह एनोह याह-बाह ए नाना-नानी देखभाल लहच़ी दोतु थल्जी छा लोहतो। छना कुचे परमेश्वराबि दिए रूठे च़ेहसी।

इब्रानियों 12:28

हेंदिंङ अंऊ राज खोकसा तोह, दू त्रुलज़िमी जोगे माह, झांह लेह हेनर परमेश्वरा बि धन्यवाद रम्मा लोहनि, दंङ दोऊ हिटी ओ हिसाबे भक्ति ए अराधना लोहनि, अंऊ दिरंङ दू खुश शवाह।

1 पतरस 2:20

पर अगर केतिंङ गलत शुहबिमी थल्जी घाह केहओर ता, दंङ सज़ा खोकच़िमी मेह धीरज़ तहच़ि रंङ साते केहतु षटणा लहज़िमी छल्ले वहज़ा माह। पर अगर भलाई लहज़ी रंङ साते केरे दुख सहन लहज़ातंई दंङ धीरज़ तहज़ातंई, दोहपल परमेश्वर खुश शवाह।