इफिसियों 4:6 - लाहौली बाइबिल

⁶ दंङ हेनर भत्तेर इच्च़ा ए परमेश्वरो अराधना लहज़ातंई अंऊ हेंदु भत्ते तु बाह तोह। दू हेंदु भत्ते तु टोईच़ी राज लहज़ा, दंङ हेंदु भत्ते तु दोरच़ी कम लहज़ा, दंङ दू हेंदंङ भत्तेतंङ साते बंङज़ा।

इफिसियों 4:6 Iomraidhean Croise

मत्ती 6:13

दंङ ञेंतिंङ परीक्षा रिंङ था हता पर शेतानो दोरच़ी बचाएतु छना कुचे, राज्य पराक्रमऐ महिमा हमेशा कांह ए शुहरे, आमीन।

मत्ती 6:9

दिऊ थल्जी केहच़ी झांह ठ्रोह प्रार्थना लोहवा लांई; हे ञेंहतु बाह कांह अरी स्वर्गंङ तोतोन; कांह मिन पवित्र मनेक्च़ी जूंस।

यहून्नो 14:23

यीशु ज़ि दोबि जुबाब रेंई, “गेह घेंङा बि झांह ठ्रोह मीहतिंङ कमोग अच़ि गेरंङ साते दाह लहज़ातोर दंङ अच़ि गिऊ शिक्षा ओ भाषे लहज़ातोर। दुह गिऊ पिता परमेश्वरो प्यारे मीह शोतो दंङ हेनर दोऊ कछंङ अंज़े दोरंङ साते बंङज़ोई।”

यहून्नो 17:26

गेह कनिंङ दोतु टोईच़ी प्रगट लहतग दंङ लोहवा लोहग कि अंऊ दाह कनिंङ गेरंङ साते तोहई, कि दुह दोतंङ शुबी जूंस दंङ गेह दोतंङ बंङज़ोग।

यहून्नो 20:17

यीशु ज़ि दोबि कुहतो, “गिऊ कोन्ज़ा रिंङ ज़िल्ज़ाते गिह्बी था चऊ, छना कुचे अईता गेह पिता परमेश्वरो कछंङ इल्जी माह तोग, गिऊ चेला तु कछंङ इलजे दोतंङ साते कुडू, कि गेह घेंङौ पिता परमेश्वर ए केहतु पिता परमेश्वर दंङ घेंङौ परमेश्वर ए केहतु परमेश्वरो कछंङ य्वातग।”

रोमियो 11:36

छना कुचे भत्ते धिर परमेश्वरो दोरच़ी ए अपत, दोई भत्ते धिर बणाषी शुह, दंङ भत्ते धिर दोऊ ए शुह। दोऊ महिमा युगानुयुग शुहवा लोहतो। अमीन।

1 कुरिन्थियों 12:6

शत्‌ह-शत्‌ह तरीका रंङ साते परमेश्वरो हेंदु ज़िन्दगीरिंङ कम लहज़ा, पर परमेश्वर इच्च़ा ए तोह, अंऊ हेंदु भत्ते तु दोरच़ी कम लहज़ा।

2 कुरिन्थियों 6:16

परमेश्वरो मन्दिरंङ मुर्तितु थल्जी छल्ले ठहरि माह। छना कुचे हेनर ता श्रींङे परमेश्वरो मन्दिर शुई; छना परमेश्वरे पवित्रशास्त्रा रिंङ च़ेहसी तोह, “गेह दि मीहतंङ साते बंङज़ोग दंङ दोतु बिचंङ ज़ोज़ा लोहग; दंङ गेह दोतु परमेश्वर शोहग, दंङ दोरे गिऊ मीहरे शोर।”

इफिसियों 1:21

दू ठहरि भत्ते पाहठी प्रधानता ए अधिकार ए सामर्थ ए प्रभुता रांहषी ततो, दंङ दोऊ ओधा हर इच्च़ा अधिकारी बे मोह्ड़े तोह, अंऊ माह सिर्फ दि लोकारिंङ तोह, पर अंजा लोकारिंङ ला तोह।

इफिसियों 2:22

हे ऊईजाति तु विशवासी रे, छना कुचे केरे मसीह रिंङ इच्च़ा तोतोंई, झांह लेह केतिंङ ला परमेश्वरो ऊई मीहतंङ साते जोड़ेक्च़ातोर। ताकि केरे इच्च़ा झांह ठ्रोह घरबार बणेंके योंई, अंऊर परमेश्वरो आत्मा बंङज़ा।

इफिसियों 3:17

दोऊ टोहकठे विशवासो लहज़िमी दोरच़ी मसीह केहतु अंदरेग हमेशा बसेकी बंङज़ोतो। दंङ गेह प्रार्थना लहज़ातग कि परमेश्वरो दाह रिंङ केरे पक्‍का शुचि,

इफिसियों 6:23

गेह‍ प्रार्थना लहज़ातग, कि परमेश्वर बाह ए प्रभु यीशु मसीहू दोरच़ी विशवासी न्वारे तिंङ शांति ए विशवास रंङ दाह खोकसोतो।

1 यूहन्ना 3:24

दंङ अंऊ परमेश्वरो हुकुम मनेक्च़ा, दुह दोरंङ, दंङ परमेश्वर दोरंङ बड़ेकी बंङज़ा: मतलब दुह पवित्र आत्मा रंङ साते अंऊ दोई हेंदिंङ रांहषी ततो, ञेंहच़ी ञेंच़ातंई कि दुह हेन्दंङ साते बड़ेकी बंङज़ा।