इफिसियों 4:5 - लाहौली बाइबिल

⁵ हेंदु भत्ते तु इच्च़ा ए प्रभु तोह, अतु टोहकठे हेंज़ी विशवास लहज़ातंई, दंङ सिर्फ मसीहू मिंदंङ ए हेंदिंङ बपतिस्मा खोकसा तोह।

इफिसियों 4:5 Iomraidhean Croise

मत्ती 28:19

दिऊ थल्जी केहरे ईलांई, दंङ भत्ते जातिऊ मीहतिंङ चेला बणाक्तुंई; दंङ दोतिंङ बाह ए, योह ए, पवित्र आत्मो मिन्ज़ी बपतिस्मा रांई,

प्रेरित 10:36

केतिंङ दुह रूठे खबरो पाहठी पता तोह, अंऊ परमेश्वरे ञेंहतु थल्जी मतलब इस्राएल देशो मीहतिंङ रंदे। दोई शांति ऊ पाहठी रूठे खबर सुनाएती अंऊ मीहतिंङ यीशु मसीहू टोहकठे बिशवास लहज़िमी दोरच़ी खोकसी तरपोतो। दि मीह यीशु सिर्फ इस्राएली मीहतु प्रभु माह शुह पर दुह भत्ते मीहतु प्रभु शुह।

प्रेरित 2:36

दिऊ थल्जी इस्राएल देशो भत्ते मीहतिंङ दि ञेंई च़रतुंई कि परमेश्वरे दिह ए यीशु बि अतिंङ केहच़ी क्रूसो टोईच़ी चढ़ाएकातेंई, “प्रभु ला ठहराएति दंङ मसीह ला ठहराएति।”

रोमियो 3:30

छना कुचे इच्च़ा ए परमेश्वर तोह, अंऊ खतना लहसी यहुदी तिंङ विशवासा रंङ दंङ खतना मेह ऊईजाति तिंङ ला विशवास मेह धर्मी बणाके च़रपोतो।

1 कुरिन्थियों 1:13

दि गप्पा रूठे माह, छना कुचे मसीह फासी ठ्रोह माह। शायद केरे गलती रंङ साते दि सोचेक्च़ातंई कि गेह, पोलुस केतिंङ आज़ाद लहज़िमी थल्जी क्रूसो टोईच़ी चढ़ाएसी शुगाह। दंङ शायद केरे गलती रंङ साते दि ला सोचेक्च़ातंई कि केतिंङ दिऊ थल्जी बपतिस्मा रांहषी शुह ताकि केरे गिऊ चेला बणेकपी जूंस।

1 कुरिन्थियों 1:2

गेह दि डाक कुरिन्थुस शहरो विशवासी तु थल्जी च़ेहसी लेहकी तोतोग। अतिंङ परमेश्वरे एनोह पवित्र मीहरे शुहबिमी थल्जी अंङे चरच़ाते, ध्वांए ए छना दोई दू भत्ते मीहतिंङ अंङे चरच़ाते अंऊ भत्ते ठहरिंङ हेंदु प्रभु यीशु मसीहू अराधना लहज़ातोर, छना कुचे दू हेंदु भत्ते तु प्रभु शुह।

1 कुरिन्थियों 12:13

छना कुचे हेंज़ी भत्ते ज़ि चाहे दू यहुदी शुह, चाहे ऊई जाति, या चाहे परगर शुह, चाहे आज़ाद, इच्च़ा ए आत्माओ दोरच़ी इच्च़ा फुक शुहबिमी थल्जी बपतिस्मा लेहपच़ातंई, दंङ हेंज़ी भत्ते ज़ि दू ए आत्मा खोकसी तातंई छना ठ्रोह हेंज़ी भत्ते ज़ि इच्च़ा कोलीऊ दोरच़ी तुंङमातंई।

1 कुरिन्थियों 12:5

शत्‌ह-शत्‌ह ठ्रोह कम तोतोर अंऊ हेनर प्रभु थल्जी लहज़ातंई पर हेनर भत्तेर इच्च़ा ए प्रभु सेवा लहज़ातंई।

2 कुरिन्थियों 11:4

अगर अरिया केहतु कछंङ अंज़े ते, ऊई अरिया यीशु प्रचार लोहतो, अतु प्रचार ञेंहच़ी माह लोहनि या ऊई छा आत्मा केतिंङ खोकसिरी; अंऊ तुहई खोकसी माह तोहई; या ऊई छा रूठे खबर अतिंङ केहच़ी तुहई मनेक्च़ी तातंई, केरे दू शिक्षा ग्रहण लहज़िमी थल्जी गलत तोतोंई।

गलातियों 5:6

अगर हेनर यीशु मसीहू टोईच़ी विशवास लहज़ातंई दंङ खतना शुहबी ए खतना माह शुहबिमी छल्ले फायदा माह। पर ज़रूरी गप्पा दि तोह कि हेनर मसीहू टोहकठे विशवास लहज़ातंई दंङ परमेश्वर ए ऊई मीहतु थल्जी दाह तहच़ातंई।

इफिसियों 4:13

दि दोहपल तचेक जारी बंङज़ोतो अपेहल तचेक कि हेनर हेंदु विशवास ए परमेश्वरो योह पाहठी हेंदु समझरिंङ इच्च़ा शुहचे माह योंई। दंङ हेनर सिद्ध शुहचे योंई, छना मसीह शुहचे तोह, दंङ हेनर भत्ते पाहठी दोऊ ठ्रोह शुहचे योंई।

फिलिपियों 2:11

दंङ बाह परमेश्वरो महिमाऊ थल्जी भत्ते एनोह आहच़ि अंगीकार लेह कि यीशु मसीह प्रभु शुह।

फिलिपियों 3:8

छना कुचे गेह मसीह यीशु घेंङौ प्रभु ञेंहच़ी रंङ साते ऊई भत्ते धिर बे मोह्ड़े तोह, गेह भत्ते चीज़ा तिंङ बेकार चेहच़ातग। अतु वहज़ा ज़ि गेह भत्ते चीज़ारे छोड़ेके केहतग, दंङ दोतिंङ कूड़ा समझेक्च़ातग, ताकि गेह मसीह बि ञेंए तरपोग।

तीतुस 1:1

गेह पोलुस अंऊ परमेश्वरो दास ए यीशु मसीहू प्रेरित शुगाह, केतिंङ दि डाक चेहच़ातग। गेह परमेश्वरो अंङषी मीहतिंङ पक्‍का लहज़ी ए दुह सच्चाईऊ शिक्षा समझेक्सिमी थल्जी अंङषी शुई, ताकि दोरे झांह ठ्रोह जीवन श्रींङमोंई अंऊ परमेश्वराबि खुश लहज़ा।

तीतुस 1:4

गेह दि डाक तीतुस बि चेहच़ातग। अंऊ गिऊ थल्जी इच्च़ा योह ठ्रोह तोह छना कुचे कांह ला मसीहू टोहकठे विशवास लहज़ा छना गेह लहज़ातग गेह प्रार्थना लहज़ातग कि बाह परमेश्वर ए हेंदु उद्धार लहज़ा प्रभु यीशु मसीह केतिंङ मोह्ड़े दाह ए शांति रम्मा लोहतो।

इब्रानियों 13:7

अंऊ केहतु अगुवा तोईरे, दंङ अच़ि केतिंङ परमेश्वरो बचन सुनाच़ी तातोर, दोतिंङ हिद तंही; दंङ ध्याना रंङ साते दोतु जीवन खंई, कि छना दोच़ी एनोह जीवन‍‍ श्रींङमातोर, दंङ सिमी मुक्का तचेक परमेश्वरो विशवासा रिंङ पक्‍का बणेंके बंङज़िरे। झांह लेह हेंदिंङ ला परमेश्वरो टोईच़ी ध्वांए ठ्रोह विशवास लहज़ी लेह्पोतो छना दोच़ी लहसी तरेर।

इब्रानियों 6:6

दोतिंङ यह्च़ा वापिस हपिमी छल्ले अम माह छना कुचे दोरे ध्वांए ए तोतोर छना कि दोरे ए यह्च़ा परमेश्वरो योह बि क्रूस ओ टोईच़ी चढ़ाएच़ा तोर दंङ ऊई ज़ि मसीहू मज़ाक लहज़िमी वहज़ा बणेकपातोर।

याकूब 2:18

अगर अच़िया झांह कुट्रा कि, “कनिंङ विशवास तोह, दंङ गेह रूठे कम लहज़ातग।” पर गेह कुट्रतग कि केई केनोह विशवास गिह्बी रूठे कम मेह साबित लोह; दंङ गेह घेंङौ विशवास घेंङौ कमो दोरच़ी कनिंङ साबित लोहग।

1 पतरस 3:21

तुहई कि टेमारिंङ दोतु उद्धार हेंतेग हेंदु उद्धारो इच्च़ा उदाहरण तोह अपेहल हेनर बपतिस्मा लेहपच़ातंई, दोई हेंदु फुको दोरच़ी क्रि शत्‌ह माह लहज़ा, पर दि इच्च़ा चिन्ह शुह कि हेंज़ी परमेश्वरो दोरच़ी माफी पेट्रातंई ताकि तुंखा हेंदु सेहम परेशान माह बंङज़ोतो। हेंदिंङ माफी खोकसोतो छना कुचे यीशु मसीह सिमी थल यह्च़ा श्रींङे इलज़ा।

2 पतरस 1:1

गेह, शमौन पतरस, अंऊ यीशु मसीहऊ दास ए प्रेरित शुगाह, केतिंङ चेहच़ातग। गेह केहतु भत्ते तु थल्जी चेहच़ातग। अंऊ दुह बहुमूल्य विशवास बि ठ्रोहका लहज़ातंई अंऊ हेंदु परमेश्वर ए उद्धार लहज़ा यीशु मसीहू दोरच़ी हेंदिंङ रांहषी तोह, अंऊ हेंदिंङ परमेश्वरा रंङ साते धर्मी ठहराच़ा।

यहूदा 1:20

पर हे गिऊ प्यारे साथी विशवासी रे, केतिंङ इदि-अई दिऊ मदत लेह जूंशी तोह ताकि दुह पवित्र सच्चाई रिंङ अंऊ दोऊ टोईच़ी केहच़ी विशवास लहज़ातंई, इदि-अईदि बि बढाके तरपोंई। केतिंङ पवित्र आत्मो सामर्थो दोरच़ी मार्गदर्शन खोक्शे प्रार्थना लेह जूंशी तोह।

यहूदा 1:3

हे गिऊ प्यारे साथी विशवासी रे, हालांकि गेह केतिंङ परमेश्वरो पाहठी छा चेहच़ातग, अंऊ दोरिंङ हेनर भत्तेर सहभागी तोतोंई गेह दि दबाब महसूस लहज़ातग कि केतिंङ उत्साहित लहज़िमी थल्जी च़ेओग कि हेले ओ शिक्षा ओ थल्जी संघर्ष लंहि। परमेश्वरे एनोह मीहतिंङ दि हेले इच्च़ा फेरा हमेशा ओ थल्जी रें चरच़तो अंऊ अपेहल ला माह लेहक्सतो।