इफिसियों 4:32 - लाहौली बाइबिल

³² इदि-अई दिऊ टोईच़ी दया, ए करुणामय शुहचे इलांई, दंङ छना परमेश्वरे मसीह रिंङ केहतु गुनाह माफ लहरी, ध्वांए केरे ला इदि-अई दिऊ गुनाह माफ लंहि।

इफिसियों 4:32 Iomraidhean Croise

मत्ती 6:12

छना ञेंहच़ी हेंदु गुहनेगारतिंङ माफ लहज़ातन, ध्वांए केई ञेंहतु गुनाह माफ लोह।

मरकुसो 11:25

दंङ अपेहल ला केहच़ी खड़े शुहचे प्रार्थना लहज़ातंई ता केहतु सेमङ अतुआ थल्जी विरोध तोद साते ता दोबि माफ लोहू; झांह लेह केहतु स्वर्गीय पिता परमेश्वर ला केहतु गुनाह माफ लोहतो।

लूको 1:78

दीह ञेंहतु परमेश्वरो मोह्ड़े दाह रंङ साते शोतो; छना ऐके ञेंतिंङ छंङी रंड्रीमी थल्जी छंङी शवाह ध्वांए मसीह ला ञेंहतु कछंङ अपतो।

लूको 11:4

“छना ञेंहच़ी हेंदु गुहनेगारतिंङ माफ लहज़ातन, ध्वांए केई ञेंहतु गुनाह माफ लोह, दंङ ञेंतिंङ परीक्षा रिंङ था हता।”

लूको 17:4

अगर नीरा पूरे दोई निज़ फेरा पाप लहरी, दंङ निज़े फेरा कांह कछंङ अंज़े कुड़ी, गेह पछताएचातग, दंङ दोबि माफ लेह च़रतु।”

लूको 6:35

पर केनातु बैरीरंङ साते दाह लांही ए भलाई लांही, दंङ यह्च़ा वापिस खोकसिमी उम्मीदा उद्धार थारांई; दंङ केहतु थल्जी मोह्ड़े फल शोतो, दंङ केहरे परमप्रधान परमेश्वरो कटुरे शोनी, छना कुचे दोई मांजी दोतु टोईच़ी ला कृपा लाह।

लूको 6:37

“दोष था लगाएतुंई; दंङ परमेश्वरे ला केहतु टोईच़ी दोष माह लगाएकपोतो। दोषी थाशुंई, ता परमेश्वरे ला केहतु फेंसला लोहतो। माफ लांही ता परमेश्वर ला केतिंङ माफ लोहतो।

प्रेरित 28:2

दंङ दोहर बंङज़ा दोच़ी ञेंहतु रूठे देखभाल लहरिर; दि बरसेक्पी लेहती दंङ सोई शुहबी लेहकी तोहई, दिऊ थल्जी दोच़ी मेह फरचे ञेंहतु भत्ते तु स्वागत लहरिर।

रोमियो 12:10

इच्च़ा टबरातु ठ्रोह इदि-अई दिरंङ साते दाह लोहवा लंहि, हर इच्च़ा मीहबी केनाबे बढ़कर ञेंहनि।

1 कुरिन्थियों 13:4

अंऊ मीहरे ऊईतिंङ साते दाह लहज़ातोर, दोरे धीरज़ ए दया रंङ साते कम लहज़ातोर, दोतिंङ जलन माह शवाह, दोरे एनोह बड़ाई ए घमण्ड माह लहज़ातोर।

2 कुरिन्थियों 2:10

पर अतिंङ केहच़ी माफ लहज़ातंई, दोबि गेह ला माफ लहज़ातग, छना कुचे अपेहल गिह्बी माफ लहज़िमी ज़रूरत शवात, दंङ गेह घेंङौ फायदा ओ थल्जी मसीहू अधिकारा रंङ साते झांह लहज़ातग।

2 कुरिन्थियों 2:7

झांह लेह दिऊ थल दि रूठे तोह कि दोऊ अपराध माफ लंहि, अगर केरे दोबि माफ माह लहज़ातंई दंङ शायद दू धोंण दुखी शोतो कि निराशा रिंङ एनोह हार मनेकी च़रपोतो।

2 कुरिन्थियों 6:6

पर ञेंहच़ी हेंदिंङ पवित्र तहसी तातंई, दंङ ज्ञानवान, सहनशीलता ए दाह कंज़े तोईरे। पवित्र आत्मो हाज़िरी ञेंहतंङ साते तोहई।

इफिसियों 5:1

केरे परमेश्वरो कटुरे शुई अतंङ साते दोई दाह लहज़ा, झांह लेह दोऊ ठ्रोह बणेक्पिमी कोशिश लंहि।

याकूब 5:11

खंई, दुखा रिंङ धीरज़ा रंङ ज़हके दोतिंङ धन्य कुट्री, केहच़ी अय्यूब मिन्दु इच्च़ा मीहबी धीरज़ ज़हकिमी पाहठी थाक्शी तातंई, दंङ केहच़ी दि ला ञेंहच़ातंई कि परमेश्वरे थल मुक्का दोऊ छना ठ्रोह मदत लहरी। अंऊ दिरंङ प्रभु महस दाह ए कृपा प्रगट शवाह।

2 पतरस 1:7

पर केतिंङ माह सिर्फ झांह ठ्रोह तरीका रंङ श्रींङमी जूंशी तोह अंऊ परमेश्वरा बि खुश लहज़ा, पर केतिंङ इदि-अई दिऊ विशवासी तंङ साते केनातु टबरातु ठ्रोह व्यवहार लहज़ी जूंशी तोह, पर केतिंङ ऊई मीहतंङ साते दाह ला लहज़ी जूंशी तोह।

1 यूहन्ना 1:9

अगर हेनर परमेश्वरो तुईज़ी हेंदु पाप मनेके केट्रातंई, दंङ दुह हेंदु भत्ते पाप माफ लहच़ि ए हेन्दिंङ भत्ते अधर्मो दोरच़ी शुद्ध लहच़िमी थल्जी विशवास ओ जोगे ए धर्मी तोह।

1 यूहन्ना 2:12

हे कटुरे, गेह केतिंङ झांह लेह चेहच़ातग, कि यीशु मसीहू मिंदंङ केहतु पाप माफ शुहचे तोतोर।