इफिसियों 4:30 - लाहौली बाइबिल

³⁰ केनातु कमो दोरच़ी पवित्र आत्माबि दुखी थालंही, अंऊ केहतु छुटकारो थल्जी बयाना ओ रूपारिंङ रांहषी तोह।

इफिसियों 4:30 Iomraidhean Croise

मरकुसो 3:5

यीशु दिह खांई महसे दुखी शुहचे इलि छना कुचे दोतु सेहम ढिट शुहचे इलजी तोईर। दंङ यीशुज़ि दोतिंङ रोहषरंङ साते खांई दंङ दुह टेहची मीहू हखा कुहतो, “केनोह गुहड़ तुंखा लोह।” दंङ दोई गुहड़ तुंखा लहरी, दंङ दोऊ गुहड़ ठीक शुहचे इलि।

लूको 21:28

अपेहल दिहरे गप्पारे शुहबी लेहपोर, दंङ हिम्मत रंङ साते खड़े शुहचे; अंजा मुसीबता बि रुमज़ा तोहई, छना कुचे केहतु छुटकारा कछंङ शोतो।”

यहून्नो 3:33

पर अंऊ दोच़ी दोऊ गवाही ग्रहण लहरिर दोई दी गप्पा पक्‍का लेह च़रति कि परमेश्वर सच्चा तोह।

प्रेरित 7:51

“हे ज़िद्दी ए सेहमो बिधर्मि दंङ रेड्रो टंऊंणे मीहरे, केहरे हमेशा पवित्र आत्माओ विरोध लहज़ातन, छना केहतु बाह-मेमेर लहज़ातेर, ध्वांए केहच़ी ला लहज़ातोनि।

रोमियो 8:11

दंङ अगर परमेश्वरो आत्मा अच़ि यीशु मसीह बि सिऊ दोरच़ी श्रींङमी लहरी, दोई केहतु सिए फुक ला एनोह आत्मा दोरच़ी अंऊ केहतु अंदरेग बसेगी तोह श्रींङमी लोहतो।

रोमियो 8:23

सिर्फ धोंण ए मशत, पर हेनरे ला, अतिंङ शुहबिमी महिमा बे तुहई स्वादो रूपारिंङ पवित्र आत्मा बसेक्पा। एनोह अंदरेग ए अंदरेग क्रिम्बातोर। हेंतेग ञेंरे दू ध्याड़ा बि रुमज़ा तोतोंई अपेहल परमेश्वर हेंदिंङ एनोह गोद लेहपसी कटुतु रूपारिंङ भत्ते अधिकार रें च़रपोतो। मतलब हेंदिंङ खरकोई फुक रें हेंदु फुक आज़ाद लेह च़रपोतो।

1 कुरिन्थियों 1:30

पर परमेश्वरे केतिंङ यीशु मसीह रंङ साते इच्च़ा लेह च़रति, दंङ यीशु मसीहू दोरच़ी दोई हेंदिंङ एनोह ज्ञान रंड्रा। परमेश्वर हेंदिंङ एनोह नज़रारिंङ धर्मी ला साबित लहज़ा। यीशु मसीहू दोरच़ी हेनर पवित्र शुहचे तोंहि, दंङ दोई हेंदिंङ पापो दोरच़ी आज़ाद लेह च़रच़ा।

1 कुरिन्थियों 15:54

अपेहल हेंदु दि फुक अंऊ योहच़े रंङ साते सिए यवात या सुह्षी यवात, दोबि इच्च़ा झांह ठ्रोह फुका रिंङ लेहक्सा इबि जूंस अंऊ माह अपेहला सिए दंङ माह ए अपेहला सुह्पी। दंङ दुह लेख पूरा शुहचे योतो अंऊ परमेश्वरे पवित्रशास्त्रा रिंङ च़ेहसी ततो, अंऊ दोई कुट्रा, “मौताबि पूरी तरह यहरच़े च़रपोतो दंङ दोऊ भत्ते धिर योह्सा योतो,”

1 थिस्सलुनीकियों 5:19

पवित्र आत्माबि मीहतु ज़िन्दगीरिंङ कम लहज़िमी थल्जी रोक्केतुंई था।

इब्रानियों 10:29

अगर मूसा ओ कानूनो हिसाबे झांह ठ्रोह सज़ा तोहई, दंङ दू मीहू सज़ा महस मोह्ड़े शोतो अंऊ परमेश्वरो योह अपमान लहज़ा। दोई परमेश्वरो योह बि एनोह कोंज़ो पोयंङ नुच़िह चरच़तो छना कुचे दोई दोऊ आदर-सत्कार माह लहरी। दोई मसीहू दू शुहई अपवित्र ञेंहरी अतु दोरच़ी परमेश्वरे दोबि पवित्र बणाएच़िमी वाईदा शुरू लाहते। दोई पवित्र आत्माओ अपमान लहरी अतु दोरच़ी दोई मोह्ड़े दाह खोकच़ातंई।

इब्रानियों 3:10

झांह लेह गेह दू टेमो मीहतंङ साते रोषेक्च़ा तोतोग, दंङ कुई, दोच़ी गिह्बी अस्वीकार लेह च़रतिर दंङ गेह छि लहच़िमी आज्ञा रांहषी तातग, दोबि लहज़िमी रंङ साते इंकार लोहवातेर।

इब्रानियों 3:17

झुह्ट निंज़ो साल तचेक परमेश्वर पक्‍का रूपारिंङ दोतंङ साते रोषेक्च़ा तोहई अंऊ दोच़ी पाप लहरिर, दंङ अंऊ दोरे (सुनसान ठहरि) मरूस्थला रिंङ सिऐ इलिर।