इफिसियों 4:29 - लाहौली बाइबिल

²⁹ अंऊ ला झखंजी गप्पा केहतु आहच़ि हुंच़ी मेस, पर दू गप्पारे कुंई अंऊ मीहतु थल्जी ज़रूरी तोह, अंऊ कि दोतिंङ विशवास रिंङ पक्‍का लहज़िमी थल्जी मदत लोहतो। दू मुक्का छिल्ला केहच़ी कुंई दू केहतु रेड्रा दोतु थल्जी रूठे शोतो।

इफिसियों 4:29 Iomraidhean Croise

मत्ती 5:16

ध्वांए केहतु छंङी मीहतु तुईज़ी च़मकेकी जूंस कि दोच़ी केहतु रूठे कम खांऐ केहतु बाहऊ, अरी स्वर्गंङ तोद, तारीफ लहसी जूंस।

लूको 4:22

दंङ भत्तेज़ि दोबि शाबाशी रेंई, दंङ अंऊला मोह्ड़े दाह गप्पा दोऊ आहच़ि हुंच़ाते, दोतंङ साते हेरान शुहचे इलिर; दंङ कुट्री लेहतिर, “छि दीह यूसुफो योह माह शुहआ?”

यहून्नो 1:37

दंङ दुह झुह्ट चेलारे दोऊ दी गप्पा रेड्रा यीशु थले शुहचे इलिरे

रोमियो 14:19

झांह लेह हेनर दू गप्पातिंङ लहज़िमी कोशिश लोंहि अंऊ मीहतिंङ शांति रंङ साते ठ्रोहका शुहचे बंङज़िमी वहज़ा शवाह दंङ विशवास पक्‍का लहज़िमी थल्जी, इदि-अई दिऊ मदत लोहवा लंहि।

रोमियो 15:2

हेंदु बिचंङज़ि हर इच्च़ा बि हेंदु साथी विशवासी ओ थल्जी कम लेह जूंशी तोह, अंऊ दोऊ थल्जी रूठे तोह दंङ दोबि खुश लोहतो ए दोबि विशवासा रिंङ पक्‍का लोहतो।

1 कुरिन्थियों 14:19

पर दिऊ थल्जी, अगर गेह विशवासी तु इच्च़ा सभारिंङ तोतोग, दंङ गेह दिऊ इस्तेमाल माह लहज़ातग छना कुचे दि गिऊ थल्जी रूठे शोतो कि दोर्तिंङ ङा ए शब्द कोहग अंऊ समझेक्पि अपोर, दंङ ऊईतिंङ कंज़े तरपोग, दिऊ बजाए कि गिऊ बोल महसे शोर, पर समझेक्सी मरपोर।

इफिसियों 4:12

अंऊ दिरंङ साते पवित्र मीहरे सिद्ध शुहचे योरे दंङ सेवाऊ कम लोहवा लोहरे मसीहू फुकरिङ तरक्की खोकसोतो।

इफिसियों 4:16

छना ठ्रोह इच्च़ा मीहु फुक दोऊ भत्ते जोड़ो दोरच़ी इच्च़ा साते जुड़ेके बंङज़ा, ध्वांए ठ्रोह मसीह हेंदिंङ भत्ते तिंङ अंऊ दोऊ टोहकठे विशवास लहज़ातंई, एनोह फुको अंङों ठ्रोह जोड़ेके तहज़ा। दंङ, अपेहल फुको भत्ते अंङ रूठे रंङ कम लहज़ातोर दंङ फुक बणेक्पा दंङ पक्‍का शवाह; ध्वांए, अपेहल हेंदु बिचंङ ज़ि इच्च़ा ज़ि दू कम लहज़ा अंऊ मसीह हेंदिंङ रांहषी ततो दंङ हेनर ला सिद्ध ए पक्‍का शुहचे बड़ेकी योंई, दंङ इदि-अई दिरंङ साते ऊई ला महस दाह लोहनि।

कुलुस्सियों 4:6

केहतु गप्पा हमेशा दाह ए सेहमरिङ गमेकी शुहबी जूंस, केतिंङ हर इच्च़ा मीहबी केनातु विशवासो थल्जी ठीक-ठीक जबाब रंड्री अपि जूंस।

1 थिस्सलुनीकियों 5:11

झांह लेह इदि अईदि बि याहब रम्मा लंहि, दंङ परमेश्वरो टोहकठे ऊई ला महस पक्‍का विशवास लहज़िमी थल्जी इदि अई दिऊ मदत लोहवा लंहि, छना कि केहच़ी लोहवा ला लहज़ातंई।

1 पतरस 2:12

ऊई जातिऊ मीहतु बिचंङ केहतु व्यवहार रूठे शुहबी जूंस। छना कुचे एंतेग अच़ि केतिंङ मदम कम लहज़ा कुट्रा मीहरे कुचे दोष लगाएपोर, दोरे मीहरे अपेहल परमेश्वर अपतो दुह ध्याड़ा केहतु रूठे कम खंड्रा परमेश्वरो महिमा लोहर।

1 पतरस 3:1

हे मेच़ारे, केरे ला केनातु गगसा तु अधीन बंङज़ुंई। छना कुचे अगर दोतु बिचंङ ज़ि अरिला परमेश्वरो बचनो टोईच़ी विशवास लहज़िमी रंङ साते इंकार लहज़ा,

2 पतरस 2:18

अपेहल दोरे मीहतिंङ धोखा रंड्रातोर, दंङ दोरे शुह्के ए घमण्डो शब्दा तु इस्तेमाल लहज़ातोर। दोच़ी मीहतिंङ कंड्रातोर कि दोच़ी दुह षेह्द अपिमी जोगे कम लेह तरच़ातोर अंऊ दोतु फुक लेह जुंज़ा दंङ दोरे दुह मीहतिंङ यह्च़ा पाप लहज़िमी थल्जी भरमाके केट्रातोर, अंऊ हेंतेग-हेंतेग झांह ठ्रोह मदम कमो दोरच़ी बचेके हुंच़ा तोतोर।