इफिसियों 4:25 - लाहौली बाइबिल

²⁵ झांह लेह हप्सी कुट्री छोड़ेके, हर इच्च़ा साथी विशवासारंङ साते हेले कुंई, छना कुचे हेनर भत्तेर इच्च़ा फुको अंङ शुई।

इफिसियों 4:25 Iomraidhean Croise

यहून्नो 8:44

केहरे केनातु बाह शेतानो दोरच़ी शुईं, दंङ केनातु बाहो हिटी लेह तातंई। दुह त तुहई बे हत्त्यारा शुह दंङ सच्चाई टोहकठे चसा मरति, छना कुचे सच्चाई दोऊ अन्द्रेग माह; अपेहल दोई हप्सी कुट्रा ता एनोह चाल चलनो हिसाबे कुट्रा; छना कुचे दुह हप्साड़ शुह दंङ हप्सिऊ बाह शुह।

रोमियो 12:5

ध्वांए ठ्रोह, हेनर ला अंऊ मसीह रिंङ विशवासी तोतोंई हेनर भत्तेर मसीहू फुको अंङ शुई दंङ हेनर भत्तेर इदि-अई दिरंङ साते जुड़ेके तोतोंई।

1 कुरिन्थियों 10:17

छना कुचे इच्च़ा रोटी दि गप्पो चिन्ह तोह कि हेनर महसे तोतोंई मसीह रिंङ, इच्च़ा ए फुक शुई, छना कुचे हेनर भत्तेर इच्च़ा ए रोटी ओ दोरच़ी ज़ोवातंई।

2 कुरिन्थियों 7:14

छना कुचे अगर गेह दोऊ तुईज़ी केहतु पाहठी घमण्ड लहरिगा, दंङ दोऊ थल्जी गिह्बी षेह्पिमी माह पडे़क्ति। गेह केहतु हखा छिल्ला कुहतेग, दू भत्ते हेले तोहई। झांह लेह तीतुसो तुईज़ी गेह घमण्ड लहच़ी छि कुहतेग, दू हेले हुंच़िरी।

इफिसियों 4:15

पर दाह रंङ हेले कुट्रा भत्तेर गप्पारि मसीह ठ्रोह सिद्ध शुहचे इलांई, अंऊ विशवासी कलीसिया पुंज़ा तोह।

इफिसियों 4:22

केहतु सिखाएच़ा दोच़ी केतिंङ दू तरीका छोड़ेक्च़िमी शिक्षा रेंईर, अतु हिसाबे केहच़ी व्यवहार लहज़ातंई। केहतु मदम हिटी केतिंङ धोखा रें च़रति दंङ केहतु जीवन बरबाद लेह च़रति।

इफिसियों 4:31

भत्ते पाहठी कड़वाहट ए प्रकोप ए रोहष ए लड़ाई-झगड़ा, दंङ निन्दा भत्ते नफरत केहतु दोरच़ी शत्‌ह लेह चरच़ि।

इफिसियों 5:30

छना कुचे हेनर भत्तेरे मसीहू फुको अंङों बराबर शुंई।

कुलुस्सियों 3:8

पर हेंतेग केरेला दि भत्ते धिर मतलब रोहष, लड़ाई-झगड़ा, बुराई, आहच़ि गह्डी रंड्री दिह भत्ते गप्पारे छोड़ेके च़रतुंई।

कुलुस्सियों 3:9

इदि अईदिरंङ साते हप्सी थाकुंई, छना कुचे केहच़ी केनातु युई स्वाभाव ए भत्ते झखंजी स्वाभाव छोड़ेके चरच़ातंई।

1 तीमुथियुस 1:10

दंङ कुकम लहज़ा ए समलैंगिक, दंङ दुह मीहरे अंऊ मीहतिंङ रैंज़ा दोतिंङ गुलाम बणाके लंङे चरच़ातोर, दंङ हप्सी कुट्रा मीहरे, दंङ हप्सी कसम लहज़ा, दंङ दुह भत्ते तु थल्जी शुह, अंऊ सच्चा शिक्षाओ खिलाप तोतोर।

1 तीमुथियुस 4:2

दोरे हप्सी शिक्षा रंड्रा धोखेबाज़ शुहबी दोरे दि गप्पा माह ञेंहच़ातोर कि दोरे सही लहज़ातोर या गलत, ठीक ध्वांए अंऊ दुह शाह रिंङ छल्ले महसूस माह शुहबी, अंऊ अच़िया ट्रोट्रे निह्लाम रंङ साते रोह्चे केट्री।

तीतुस 1:12

क्रेते टापू इच्च़ा मीह, अतिंङ दोरे मसीह इच्च़ा बुद्धिमान मीह ञेंहच़ातोर, कुहषी ततोर, कि क्रेते टापू मीहरे हमेशा हप्सी कुट्रातोर। दोरे बंणो घ्वंणा तु ठ्रोह व्यवहार लहज़ातोर दोरे सुस्त तोतोर दंङ महस बगत ज़ाह्जाढ़ तोतोरे।

तीतुस 1:2

दिऊ नतीज़ा दि तोह कि, दोरे परमेश्वरारंङ साते अनंत जीवनो ओ थल्जी बंङज़िमी उम्मीद तहच़ातेर, छना कुचे परमेश्वर, अंऊ अपेहल ला हप्सी माह कुट्रा, संसारो रचना लहज़िमी तुहई वाईदा लाहते कि दोऊ मीहरे हमेशा ओ थल्जी श्रींङी बंङज़ोर।

इब्रानियों 12:1

हेंदु कछंङ झांह ठ्रोह महस मीहरे तोतोर अंऊ दोतु विशवासे दि कंड्रा कि विशवासो मतलब छि शुहबी। दिऊ थल्जी अतंई हेंज़ी हर इच्च़ा रूकावट दंङ पाप बि शत्‌ह लेह, हेंदिंङ अंऊ अमरिंङ जोज़िमी तोह, दोऊ टोईच़ी जोज़ातंई।

याकूब 1:21

झांह लेह भत्ते मांजी ए बैर भाव शत्‌ह लेह च़रतेंई, दुह परमेश्वरो बचन नम्रतारंङ साते ग्रहण लेह च़रतेंई, अंऊ सेहमरिंङ केहषी तोह दंङ अच़ि केहतु प्राणो उद्धार लेह च़रच़ा।

1 पतरस 2:1

झांह लेह भत्ते पाहठी मदम व्यवहार छोड़ेके च़रतुंई। ऊईतिंङ धोखा थारांई, पाखंडी थाशुंई। ऊईतिंङ साते जलन थालंही। ऊई मीहतु पाहठी मदम गप्पा था कुंई।

प्रकाशित वाक्य 21:8

पर अंऊ दोरे मुसीबतो बेहच़ी गिह्बी छोड़ेके चरच़ातोर दंङ अरि गिऊ टोईच़ी विशवास लहज़ी छोड़ेके चरच़ातोर, दोतिंङ मेहू गन्धका रिंङ छङें चरच़ातोर। झांह ठ्रोह दोतिंङ ला अंऊ दोच़ी मदम कम लहज़ातोर, दंङ हत्या लहज़ातोर, दंङ कुकम लहज़ातोर, दंङ एनोह साथी तु खिलाप जादू-टोना लहज़ातोर, दंङ मुर्ति तु पूजा लहज़ातोर, दंङ भत्ते हप्सी कुट्रा, दोतिंङ ला गन्धको मेहू बिचंङ केहच़ी च़रपोर। दिबी अई मौत ला कुट्री।

प्रकाशित वाक्य 22:15

पर मदम मीहरे, दंङ एनातु साथी तु थल्जी जादू-टोना लहज़ा, कुकम, ए हत्या लहज़ा, दंङ मुर्ति तु अराधना लहज़ा, दंङ भत्ते हप्सी कुट्रा अपेहला शहरा रिंङ इबि मरपोर।