इफिसियों 4:24 - लाहौली बाइबिल

²⁴ छना कुचे परमेश्वरे केतिंङ इच्च़ा खरकोई स्वाभाव रें च़रति अंऊ बिल्कुल दोऊ एनोह स्वाभावो ठ्रोह तोह। झांह लेह दि खरकोई स्वाभावो हिसाबे हेले रिंङ धर्मी ए पवित्र जीवन श्रींङे च़रतुंई।

इफिसियों 4:24 Iomraidhean Croise

लूको 1:75

दोऊ तुईज़ी पवित्र ए धर्मिकता रंङ साते जीवन पुरे निडर बंङज़ा दोऊ सेवा लहज़ा लोंहि।

यहून्नो 17:17

कांह बचन सच्चाई शुह। दिऊ थल्जी दोतिंङ सच्चाई रिंङ केनोह थल्जी शत्‌ह लोहू

रोमियो 12:2

दंङ दि संसारो मीहतु ठ्रोह था बणेक्तुंई; पर केनातु सोचेक्च़िमी तरीका परमेश्वर बि लेहक्सी रांऊ अंऊ दोरच़ी केहतु चाल-चलन ला लेक्सा योतो, दंङ केरे परमेश्वराबि रूठे, गमेकी ए सिद्ध हिटी ओ खोज लोहवा लंहि।

रोमियो 13:12

दि मदम संसारारिंङ बंङज़ी हेंदु टेम इच्च़ा रातो योह्सिमी ठ्रोह लगभग योह्सा अंज़े तोह, दंङ दुह ध्याड़ा ला कछंङ पिचे तोह अपेहल मसीह वापिस अपतो। झांह लेह हेंदिंङ हंयारा रंङ जुड़ेके कम बंद लेह च़रसी जूंशी तोह दंङ छंङी रंङ जुड़ेके हथियार कुरच़े जुंशी तोह।

रोमियो 13:14

पर प्रभु मसीह यीशु बि धारण लेह च़रतेंई, दंङ फुको हिटी पूरा लहज़िमी कोशिश थालंही।

रोमियो 6:4

अपेहल हेंज़ी बपतिस्मा लेहपच़ी च़रतुंई दि झांह ठ्रोह तोहई छना हेनर यीशु रंङ साते सिए इलजी तोतोंई दंङ दोरंङ साते पथेक्सा इलांई, ताकि छना मसीह बाह परमेश्वरो महिमा ओ दोरच़ी सिमी दोरच़ी श्रींङमी लहरी, ध्वांए हेनर ला खरकोई जीवनो ठ्रोह चाल चलेपोंई।

रोमियो 7:6

पर हेनर दू कानूनो थल्जी सिए इलोन, अच़ि इच्च़ा फेरा हेनर बंदी बणाके केहते, झांह लेह हेनर एंतेग कि कानूनो दोरच़ी आज़ाद शुहचे ईलोईं ञेंरे परमेश्वरो सेवा युई तरीका रंङ च़ेहसी कानूनो ठ्रोह माह लहज़ातंई, पर खरकोई तरीका रंङ परमेश्वरो आत्माओ अगुवाई ओ दोरच़ी लहज़ातंई।

रोमियो 8:29

छना कुचे अंऊ दोतिंङ दोई तुहई ए अंङषी चरच़तो दोतु थल्जी दि इरादा लेह चरच़तो कि दोरे दोऊ योह यीशु ठ्रोह शोर ताकि दू न्वारेतु बिचंङ जेठे शोतो।

1 कुरिन्थियों 15:53

छना कुचे हेंदु दि फुक अंऊ योह्च़े रंङ साते सिए यवात दंङ सुह्षी यवात, दोबि इच्च़ा झांह ठ्रोह फुकारिंङ बदलेपी ज़रूरी तोह अंऊ अपेहला माह सिओतो दंङ माह ए अपेहला सुह्पोतो।

2 कुरिन्थियों 3:18

हेनर भत्तेर इच्च़ा अर्शिऊ ठ्रोह तोतोंई, अंऊ परमेश्वरो तेज झांह ठ्रोह मोह्दु खंड्रातंई अंऊ दोतु टोहकठे परदा पड़ेके तोह, दंङ परमेश्वर हेंदिंङ लगातार बढाईक्च़ा तेज रिंङ महस बे महस एनोह ठ्रोह बणाएच़ा। दि तेज प्रभु दोरच़ी खोकसा, अंऊ पवित्र आत्मा तोह।

2 कुरिन्थियों 4:16

झांह लेह हेनर याहब माह छोड़ेक्च़ातंई; हेंदु धकते कि इन्सानी रूप कमज़ोर शुहचे यवात पर हेंदु तोंखी अन्तरात्मा हर ध्याड़ा खरकोई शुहचे यवाह।

2 कुरिन्थियों 5:17

झांह लेह अगर अरिया मसीहू टोहकठे विशवास लहज़ा ता दंङ दोई इच्च़ा खरकोई स्वाभाव खोक्शातो, युई गप्पा बीतेगी इलजी तोह दंङ हेंतेग खरकोई गप्पा अच़ा अंज़े तोह।

गलातियों 6:15

अतुआ खतना शुचि शुह आ माह शुह आ, दि छल्ले मतलब माह तहज़ा, पर परमेश्वरे दोरच़ी इच्च़ा खरकोई मीह बणेषी ए मलतब तहज़ा।

इफिसियों 2:10

छना कुचे हेनर परमेश्वरे बणाषी शुई; दंङ यीशु मसीह रिंङ दू रूठे कमो थल्जी बणाषी अपि परमेश्वरे तुहई बेहच़ी हेंदु लहज़िमी थल्जी तेयार लहसी ततो।

इफिसियों 2:15

मसीह ज़ि एनोह मौतो दोरच़ी मूसा ओ कानून बि दिऊ भत्ते हुकुमे विधि रंङ साते मिटाके च़रति। ताकि दू यहुदी ए ऊईजाति मीहतिंङ एनाह रंङ साते जोड़ेके दोतु बिचंङ शांति तरपोतो। दंङ झांह लेह इच्च़ा खरकोई झुण्ड बणेंके योतो।

इफिसियों 6:11

हेनर मीहतु खिलाप लड़ाई माह लड़ेक्पातंई। पर हेनर प्रधान ए अधिकारी तु खिलाप ए हन्यारो शाक्ति ए आत्मिक संसारो सामर्थो खिलाप तेंङसी लेहकी तोतोंई। झांह लेह भत्ते हथियार छ़ुह्च़ी च़रतुंई अंऊ परमेश्वरे रंड्रा। ताकि यह्च़ा अपेहल दू मदम ध्याड़ा अपतो, दंङ केरे शेतानो चालो दोरच़ी बचेके बंङज़ुंई। दंङ अपेहल दि लड़ाई योह्सा योतो, तांला केरे पक्‍का शुहचे खड़े बंङज़ी तरपोंई।

तीतुस 2:14

यीशु मसीह हेंदु थल्जी सिए इलि ताकि हेंदिंङ भत्ते पाहठी पापो दोरच़ी आज़ाद लोहतो दंङ हेंदिंङ शुद्ध लेह तरपोतो ताकि हेनर दोऊ खास मीहरे बणेंके योंई। अंऊ रूठे कम लहज़िमी थल्जी भत्ते तरफे समर्पित शोतो

इब्रानियों 1:8

पर योह पाहठी कुट्रा, “कांह परमेश्वर शुनाह, कनु राज हमेशा तचेक बणेंके बंङज़ोतो, काह केनोह राजारिंङ धर्मिकता रंङ साते राज लोहतो।

इब्रानियों 12:14

भत्ते तंङ साते मेल मिलाप तंही, दंङ पवित्र जीवन श्रींङमी हर पाहठी कोशिश लोहवा लंहि। दू मेह अच़िला प्रभु बि अपेहल खंई माह रपोर।

1 पतरस 2:2

छना ठ्रोह कवचि कटु एनोह याह ओ शुद्ध पानु लालच लहज़ा, ध्वांए ठ्रोह केतिंङ परमेश्वरो बचन सिखेच़िमी हिटी तहच़ि जूंशी तोह ताकि केरे आत्मिक रूपारिंङ सेंहणा शुहचे योंई। दोहथल थल मुखंङ, परमेश्वर केतिंङ दि संसारो मदम चीज़ो दोरच़ी बचाएके च़रपोतो।

2 पतरस 1:4

दि भत्ते धिरो दोरच़ी परमेश्वरे हेंदिंङ महसे महान ए अनमोल वरदान रांहषी ततो अतु दोई वाईदा लहसी तते। ताकि दि वरदाना तु इस्तेमाल लहज़ी हेनर संसारो दुह मदम हिटी ओ दोरच़ी बचेके तरपोंई अंऊ मीहतिंङ नाश लहज़ा, दंङ परमेश्वरो व्यवहार सहभागी शुहचे योंई।