इफिसियों 4:2 - लाहौली बाइबिल

² मतलब भत्ते दीनता ए नम्रता रंङ साते, दंङ धीरज़ तहच़ि दाह रंङ साते इदि-अई दिऊ व्यवहार सहन लंहि।

इफिसियों 4:2 Iomraidhean Croise

मत्ती 11:29

गिऊ जुम केनातु टोईच़ी उठातुंई, दंङ गिऊ दोरच़ी ञेंई। छना कुचे गेह शांत ए सेहमो रूठे तोतोग: दंङ केहच़ी केनातु सेहमरिंङ आराम खोकपोंई।

मरकुसो 9:19

दी रेड्रा यीशुज़ि जवाब रें, “गेह छि लोहग! केहति गिऊ टोहकठे अईता विशवास ए माह? गेह अपेहल तचेक केतंङ साते बंङज़ोग दंङ अपेहल तचेक गेह केहतु अबिश्वास बि सेहन लोहग? दुह योह बि गिऊ कछंङ हतांई।”

प्रेरित 20:19

केहच़ी ञेंहच़ातंई कि गेह प्रभु यीशु अंयों दीनता रंङ साते सेवा लहज़ातेग, दंङ गेह अपेहला-अपेहला मीहतु थल्जी सोचेक्गी छना क्रापतेग। केहच़ी दि ला ञेंहनि कि गेह छना मुसीबता रिंङ अतिगा छना कुचे यहुदी अंऊ विशवास माह लहज़ा तोईरे, हमेशा गिह्बी सच़िमी कोशिश लहज़ातेर।

रोमियो 15:1

हेनर अंऊ विशवासा रिंङ पक्‍का तोतोंई ञेंहच़ातंई कि दिह गप्पो दोरच़ी छल्ले फर्क माह पड़ेक्पा, पर हेनर दोतिंङ सिर्फ हेंदिंङ खुश लहज़िमी थल्जी माह शुह। हेंदिंङ दुह मीहतिंङ शक ओ टोईच़ी विचार लेह जूंशी तोह अंऊ दि गप्पा तिंङ गलत ञेंहच़ातोर।

1 कुरिन्थियों 13:7

दोरे भत्ते धिर सहन लहज़ातोर, दाह हेंदिंङ भत्ते हालातरिंङ विशवास लहज़िमी जोगे बणाएच़ा, दि हेंदिंङ परमेश्वरो टोईच़ी हेंदु उम्मीद बणाएच़िमी जोगे मदत लहज़ातोर, दि मुसीबत ए टेहषी मुक्का धीरज़ तहच़ि सिखाएच़ा।

गलातियों 6:2

अपेहल हेंदु बिचंङ अरिया मुसीबता रिंङ शोतो ता, दंङ हेंदिंङ इदि-अई दिऊ मदत लेह जूंशी तोह, दंङ झांह लेह हेनर मसीहू कानूनो भाषे लहज़ातंई।

इफिसियों 1:4

परमेश्वरे सर्ग ए धरती बणाएषिमी तुहई, मसीहू दोरच़ी हेंदिंङ एनातु मीह शुहबिमी थल्जी अंङे च़रति। ताकि हेनर दोऊ नज़रारिंङ पवित्र ए निर्दोष शुहबी तरपोंई।

कुलुस्सियों 1:11

ञेंहच़ी प्रार्थना लहज़ातेंई कि परमेश्वर एनोह महिमा ओ शक्ति ऊ हिसाबे केतिंङ महस बलवन्त लोहतो, ताकि केरे सामर्थ ए खुशी रंङ साते केनातु दुख सहन लेह तरपोंई,

1 तीमुथियुस 6:11

पर हे तीमुथियुस, कांह परमेश्वरो मीह शुनाह, कनिंङ दि भत्ते चीज़ लहच़िमी दोरच़ी बचेक्पी जूंशी तोह, दंङ धर्मिकता, भक्ति, विशवास, दाह, धीरज़, ए नम्रता रिंङ लेहकी बंङज़ु।

2 तीमुथियुस 2:25

हेंदिंङ दुह मीहतिंङ नम्रतारंङ साते समझाएक्ची जूंशी तोह अंऊ दोच़ी विरोध लहज़ातोर, झांह शुहबी तरपोतो कि परमेश्वर ए दोतिंङ सच्चाई ञेंहच़ी ए दोऊ हखा किरच़िमी मौका रमतो।

याकूब 1:21

झांह लेह भत्ते मांजी ए बैर भाव शत्‌ह लेह च़रतेंई, दुह परमेश्वरो बचन नम्रतारंङ साते ग्रहण लेह च़रतेंई, अंऊ सेहमरिंङ केहषी तोह दंङ अच़ि केहतु प्राणो उद्धार लेह च़रच़ा।

1 पतरस 3:15

बल्कि मसीह बि केनातु सेहमरिंङ प्रभु चेहके दोऊ अराधना लंहि, अगर अच़िया दू उम्मीदो पाहठी रूहक्पोतो ता अंऊ विशवासी शुहबी रंङ साते हेनर भत्तेरे सांझा लहज़ातंई, दंङ हमेशा दोबि समझाएच़िमी थल्जी तेयार बंङज़ुंई, पर दि नम्रता ए आदरा रंङ साते लंहि।

1 पतरस 3:8

थल मुखंङ, गेह केतंङ साते दि कुट्री जुंज़ातग, कि केरे केनातु बिचंङ ठ्रोहका शुहचे बंङज़ुंई, दंङ इदि-अई दिऊ चिंद लोहवा लंहि, दंङ इच्च़ा टबरातु ठ्रोह केनातु बिचंङ दाह लोहवा लंहि, ऊईतु टोईच़ी दया लोहवा लंहि इदि-अई दिरंङ साते नम्र शुहचे तोहई।