इफिसियों 4:19 - लाहौली बाइबिल

¹⁹ दोरे हेंतेग मदम कम लहज़िमी थल्जी एनाबि दोषी माह चेहच़ातोर, झांह लेह दोच़ी एनाबि मदम कम लहज़िमी थल्जी रें च़रतिर। दोरे लगातार भत्ते पाहठी मदम कम लहज़ातोर, दंङ दोरे दुह भत्ते चीज़ा तु लालच लहज़ी अपेहल ला बंद माह लहज़ातोर।

इफिसियों 4:19 Iomraidhean Croise

मरकुसो 7:22

लोभ, दुष्टता, आलास, मांजी टीरा, बुराई, घमण्ड, मुर्खता हुंज़ी।

इफिसियों 4:17

झांह लेह दू अधिकार रंङ साते अंऊ प्रभु ज़ि गिह्बी रांहषी तोह, गेह केतिंङ दि कुट्रातग कि केरे अविशवासी मीहतु ठ्रोह बेकार विचारा रंङ साते केनातु जीवन बरबाद था लंहि।

कुलुस्सियों 3:5

झांह लेह केरे दुह मांजी कम लहच़ी बंद लेह केहनि अंऊ केहतु पापी स्वाभावारिंङ जुड़ेके तोह। छना कि कुकम, अशुद्धता, मांजी सेहम, मदम लालच लोभ अंऊ मुर्ति पूजा लहसी बराबर तोह।

1 तीमुथियुस 4:2

दोरे हप्सी शिक्षा रंड्रा धोखेबाज़ शुहबी दोरे दि गप्पा माह ञेंहच़ातोर कि दोरे सही लहज़ातोर या गलत, ठीक ध्वांए अंऊ दुह शाह रिंङ छल्ले महसूस माह शुहबी, अंऊ अच़िया ट्रोट्रे निह्लाम रंङ साते रोह्चे केट्री।

1 पतरस 4:3

इलज़ा दू टेमारिंङ केहच़ी संसारिक मीहतु ठ्रोह मदम लहज़िमी थल्जी महस टेम बर्बाद लेह चरच़ातंई, छना कि कुकम ए वासना, महस तुंङमी ए ऐश-मस्ती लहज़ी, दंङ दोतु मुर्ति तु पूजा, अंऊ दोतंङ परमेश्वरे नफरत लहज़ा।

2 पतरस 2:22

दोतंङ साते छि शवाह दुह तंङफा कि दि कहावत हेले शुह: कि दोरे खुह्ई तु ठ्रोह तोतोर अंऊ एनोह प्रान्ज़ि दुह आहच़ि थल्जी यहच़ातोर, दंङ दोरे सुअरा तु ठ्रोह तोतोर अतिंङ शुहल्ज़े चरच़ि दंङ दुह यह्च़ा गाहरो बिचंङ फेह्टे शुहबी।

यहूदा 1:11

दोतु टोईच़ी हाय! कि दोच़ी आदमो योह कैनो ठ्रोह मदम व्यवहार लहरिर, अच़ि एनोह न्वा सचे च़रति। दोच़ी जल्दबाज़ी रिंङ दुह ए गलती लहरिर अंऊ बिलामे ऊई मीहतिंङ पापो हखा शिल्ज़िमी मुक्का लहरी ताकि ढबाह खोक्शे तरपोतो। छना मूसा ओ खिलाप विरोध लहज़ा कोहर वंशो नाश शुहचे इलि, ध्वांए ठ्रोह दिरे मीहरे ला नाश शुहचे योर छना कुचे दोरे ला प्रभु खिलाप विद्रोह लहज़ातोर।