इफिसियों 4:18 - लाहौली बाइबिल

¹⁸ दोरे ता परमेश्वरो गप्पा समझेकी मरच़ातोर। छना कुचे दोरे परमेश्वरा बि माह ञेंहच़ातोर दंङ ज़िद्दी तोतोर, परमेश्वरो दुह खरकोई जीवन दोतु दोर्तिंङ माह, अंऊ दोई हेंदिंङ रंड्रा।

इफिसियों 4:18 Iomraidhean Croise

मत्ती 13:15

छना कुचे दोतु सेहम रघ शुहचे इलजी तोह। दोच़ी रेट्रे जोहरे तहच़ातोर दंङ दोच़ी एनातु टिरारे बंद लाहसी ततोर। झांह शुबी मेस कि दोच़ी टिरे खंड्री लेहपोर, रेट्रे ताह पोर दंङ सेहमे ञेंओर, दंङ याहच़ोर दंङ गेह दोरे ठीक लोहग।

मरकुसो 3:5

यीशु दिह खांई महसे दुखी शुहचे इलि छना कुचे दोतु सेहम ढिट शुहचे इलजी तोईर। दंङ यीशुज़ि दोतिंङ रोहषरंङ साते खांई दंङ दुह टेहची मीहू हखा कुहतो, “केनोह गुहड़ तुंखा लोह।” दंङ दोई गुहड़ तुंखा लहरी, दंङ दोऊ गुहड़ ठीक शुहचे इलि।

यहून्नो 12:40

“परमेश्वरे दोतु टिरार काणे लेह च़रति, कि दोरे खांई मरपोर, दंङ दोतु दिमाग बंद लेह च़रति कि दोरे समझेकी मरपोर। माह ता दोरे गिऊ हखा किरच़ा इबि तोईर दंङ गेह दोतिंङ ठीक लेह चरच़ि तोहई।”

प्रेरित 17:30

झांह लेह परमेश्वरे मीहतु अज्ञानतो टेम ध्यान माह रें, पर हेंतेग भत्ते ठहरि रिंङ भत्ते मीहतिंङ सेहम किरज़िमी हुकुम रंड्रा।

प्रेरित 3:17

“दंङ हेंज़रे, गिह्बी पता तोह कि केहच़ी ए ञेंहतु यहुदी सेंहणा ज़ि यीशु बि बिना सोचेके समझेके सच़ी च़रतिन छना कुचे केतिंङ पता माह तोहई कि दुह मसीह शुह।

रोमियो 1:28

दंङ दोच़ी परमेश्वरा बि ञेंच़िमी कोशिश मलाहरिरे दंङ परमेश्वरे ला दोतिंङ दोतु निकम्मे सेहमो टोईच़ी छोड़ेके केहरी दोच़ी अनुचित कम लोहर।

रोमियो 11:25

हे गिऊ प्यारे साथी विशवासी रे, गेह माह जुंज़ातग कि केरे दि भेदो दोरच़ी अंजान बंङज़ेंई झांह शुहबी मेस कि केरे केनातु टोहकठे घमण्ड लोंहि, दि हेले तोह कि इस्राएलो रें मीहरे विशवास लेह तेयार माह तोतोर, पर अपेहल परमेश्वरो टोहकठे विशवास लहज़ा ऊईजाति मीहतु गिनती पूरे शुहचे योतो, दंङ इस्राएलो मीहरे विशवास लोहर दंङ परमेश्वरो कछंङ वापिस अच़ा अपोर।

रोमियो 11:7

दिऊ नतीज़ा छि शुई? दि कि इस्राएलो मीहरे अंऊ गप्पो खोजारिंङ तोईरे, दोबि पेट्री मरतिर; पर अंङषी मीहच़ी दू खोक्क्षे च़रतिर दंङ रें मीहतु सेहम डगडगी शुहचे इलि।

रोमियो 2:19

केतिंङ दि पक्‍का पता तोह, कि केरे झांह ठ्रोह मीह शुई, अंऊ काणे मीहतिंङ सही अम कंड्रातंई, दंङ हंञारारंङ बंङज़ा तु थल्जी छंङी शुई,

1 कुरिन्थियों 1:21

परमेश्वरे एनोह ज्ञाना रिंङ दि खंई कि दि संसार मीहतु ज्ञानो दोरच़ी दोबि अपेहल ला ञेंई मरपोतो, झांह लेह दोई दू मीहतिंङ बचाच़िमी थल्जी अंऊ विशवास लहज़ातोर दि रूठे खबरो प्रचारो इस्तेमाल लहरिर, हालांकि रे मीहरे दिबी मुर्खता चेहच़ातोर।

1 कुरिन्थियों 2:8

अतिंङ दि संसारो अधिकारी तु बिचंङ अच़िला परमेश्वरो योजना माह ञेंरिर, छना कुचे अगर दोच़ी ञेंईयां, ता तेजोमय प्रभु बि क्रूसो टोईच़ी माह चढ़ाएतिंया।

2 कुरिन्थियों 3:14

पर इस्राएलो मीहतु सेहम डगडगी शुहचे इलजी तोहई, छना कुचे तोग तचेक पुराना नियम पढेक्पिमी मुक्का दू ए परदा बंङज़ा। पर सिर्फ मसीहू टोहकठे विशवास लहज़िमी रंङ साते दू परदा एेह्खा लेह तरच़ी।

2 कुरिन्थियों 4:4

दि संसारो भगवान शेताने दू अविशवासी तु बुद्धि काणे लेह चरच़तो, अंऊ वहज़ा ज़ि दोरे मसीहू रूठे खबर ए दंङ दोऊ महिमा ओ पाहठी ञेंई मरतिर कि मसीह परमेश्वरो स्वरूप शुह।

गलातियों 4:8

अपेहल केरे परमेश्वरा बि माह ञेंहच़ातंई, दू मुक्का केरे दोऊ परगर तोईनी, अंऊ हेले रिंङ परमेश्वर माशुहरे।

इफिसियों 2:1

तुहई अपेहल केहच़ी परमेश्वरो टोहकठे विशवास माह लहज़ातंई, दोहपल केरे केनातु मदम कम ए पापो वहज़ा ज़ि सिए मीहतु ठ्रोह तोईनि।

इफिसियों 2:12

केरे मीहरे दू मुक्का मसीह बि माह ञेंहच़ातंई, दंङ केरे इस्राएलो झुंडो दोरच़ी धकते तोंई। परमेश्वरे एनोह वाईदा ओ हिसाबे अंऊ वाईदा यहुदी रंङ साते लहरी, केरे दोर्तिंङ ला भागीदार माह तोईनि। दंङ बिना उम्मीद मेह ए परमेश्वरा बि ञेंए मेह दि संसारारिंङ बंङज़ातंई।

कुलुस्सियों 1:21

दिबे तुहई केरे परमेश्वरे बे ऊई तार तोहनि। केरे परमेश्वरो बैरी तोईनी छना कुचे केहतु विचार ए केहतु कम मांजी तोहई।

1 थिस्सलुनीकियों 4:5

केतिंङ ऊईजाति तु ठ्रोह अंऊ परमेश्वराबि माह ञेंहच़ातोर, मांजी कमो हिटी लेह माह जूंस।

इब्रानियों 5:2

छना कुचे दू एनाह ला कमज़ोरी ओ अधीन तोह, दिऊ थल्जी दू माह ता समझदार दोतंङ साते दंङ माह ए भटकेगी दोतंङ साते नरमीरंङ साते व्यवहार लेह तरच़ा।

इब्रानियों 9:7

पर ऊईतु कमरारिंङ सालो इच्च़ा फेरा यवातेर, सिर्फ यहुदी महापुरोहित यवाते। दू हमेशा दू त्रैंईतु शुई शिलज़ते अंऊ बलि चढ़ाएच़ातेर। दि शुहई बि एनोह पापो माफी ओ थल्जी दंङ मीहतु पापो माफी ऊ थल्जी परमेश्वरा बि चढ़ाएच़ाते अंऊ दोच़ी अंजान रिंङ लाहतेर।

याकूब 4:4

हे विशवास घाती रे, छि केहच़ी दि माह ञेंच़ातंई आ कि संसार रंङ साते मित्रता लहच़ी परमेश्वरारंङ साते बैर लहज़ी शुह? झांह लेह अंऊ संसारो मित्रता रिंङ शोतो, दोई एनाबि परमेश्वरो बैरी बणाके चरच़तो।

1 पतरस 1:14

परमेश्वरो हुकुमो भाषे लंहि छना कुचे केरे दोऊ कटुरे शुई। दंङ दू मदम कम थालंही अतिंङ केरे दू मुक्का लहज़िमी हिटी तहज़ातंई, अपेहल केरे परमेश्वरो सच्चाई माह ञेंहच़ातंई।

1 यूहन्ना 2:11

पर अच़िला एनोह विशवासी न्वा रंङ साते बैर तहच़ा, दुह हन्याररिंङ श्रींङमी लेहकी तोह दंङ माह ञेंहच़ा कि, कि दुह अंऊर य्वात, छना कुचे हन्यारे दोऊ टिरा बन्द लेह केहषी ततो।