इफिसियों 4:15 - लाहौली बाइबिल

¹⁵ पर दाह रंङ हेले कुट्रा भत्तेर गप्पारि मसीह ठ्रोह सिद्ध शुहचे इलांई, अंऊ विशवासी कलीसिया पुंज़ा तोह।

इफिसियों 4:15 Iomraidhean Croise

यहून्नो 1:47

यीशु ज़ि नतनएल बि एनोह हखा अपि खंणी रंङ साते दोऊ पाहठी कुहतो, “खंणुई, दी इस्राएलो भरोसेमंद खानदानो शुह: अरी पुरे ठ्रोह ईमानदार तोह।”

रोमियो 12:9

ऊईतिंङ साते दाह लहज़िमी दिखावा थालोहू; बुराईरंङ साते रोहष लोह; अंऊ रूठे तोह दोबि लगातार लोहवा लोह।

1 कुरिन्थियों 11:3

पर गेह जुंज़ातग कि केरे इच्च़ा गप्पा ञेंई च़रतुंई कि हर इच्च़ा गंङमी पुंज़ा मसीह शुह, दंङ इच्च़ा मेच़ो ओ पुंज़ा दोऊ गगसा शुह, दंङ मसीह ऊ पुंज़ा परमेश्वर शुह।

2 कुरिन्थियों 4:2

पर हेंज़ी षेह्द अपिमी जोगे ए गुप्तो कम छोड़ेके चरच़ातंई, दंङ माह ए चालाकी रंङ साते ज़ोवातंई, दंङ माह परमेश्वरो बचना रिंङ मिलावट लहज़ातंई, पर हेनर परमेश्वरो तुईज़ी सिर्फ हेले कंड्रातंई। परमेश्वरो तुईज़ी हर इच्च़ा गवाही रंड्री तरपोतो कि दि हेले तोह।

2 कुरिन्थियों 8:8

गेह हुकुमो रीति ओ टोहकठे ता माह, पर ऊईतु खुशी रिंङ केहतु दाह ओ सच्चाई बि परखेक्च़िमी थल्जी कुट्रातग।

इफिसियों 1:22

परमेश्वरे भत्ते चीज़ा तिंङ मसीहू अधिकारो अधीन लेह च़रति, दंङ दोबि कलीसिया ओ भलाई ओ थल्जी हर इच्च़ा चीज़ो मुख्या बणाके च़रति।

इफिसियों 1:4

परमेश्वरे सर्ग ए धरती बणाएषिमी तुहई, मसीहू दोरच़ी हेंदिंङ एनातु मीह शुहबिमी थल्जी अंङे च़रति। ताकि हेनर दोऊ नज़रारिंङ पवित्र ए निर्दोष शुहबी तरपोंई।

इफिसियों 2:21

मसीह दू शुह अंऊ भत्ते घरबारा बि इच्च़ा लहज़ी जोड़ेक्च़िमी वहज़ा तोह। दू परमेश्वरो थल्जी इच्च़ा पवित्र मन्दिर बणाएच़िमी थल्जी एनोह भत्ते मीहतिंङ रह्घ तु ठ्रोह इच्च़ा मणे जोड़ेके तहच़ा।

इफिसियों 4:25

झांह लेह हप्सी कुट्री छोड़ेके, हर इच्च़ा साथी विशवासारंङ साते हेले कुंई, छना कुचे हेनर भत्तेर इच्च़ा फुको अंङ शुई।

इफिसियों 5:23

छना कुचे गगसा ता मेच़ो पुंज़ा शुह छना कि मसीह कलीसिया ओ पुंज़ा तोह; दंङ मसीह कलीसिया ओ उद्धारकर्ता तोह, अंऊ कि दोऊ एनोह फुक शुह।

1 पतरस 1:22

छना कुचे हेले ओ भाषे लहज़िमी रंङ साते केतिंङ पापो दोरच़ी शुद्ध लेह चरच़ातंई, हेंतेग केतिंङ केनातु साथी विशवासी तंङ निष्कपट दाह लेह जूंशी तोह। इदि-अई दिरंङ साते महसे ए भत्ते सेहमे दाह लेह जारी तंही।

1 पतरस 2:2

छना ठ्रोह कवचि कटु एनोह याह ओ शुद्ध पानु लालच लहज़ा, ध्वांए ठ्रोह केतिंङ परमेश्वरो बचन सिखेच़िमी हिटी तहच़ि जूंशी तोह ताकि केरे आत्मिक रूपारिंङ सेंहणा शुहचे योंई। दोहथल थल मुखंङ, परमेश्वर केतिंङ दि संसारो मदम चीज़ो दोरच़ी बचाएके च़रपोतो।

2 पतरस 3:18

पर केतिंङ हेंदु प्रभु ए उद्धारकर्ता यीशु मसीहू मोह्ड़े दाह बि ऊई महसे बे महसे महसूस लेह जूंशी तोह, दंङ दोऊ थल्जी हेंदु समझा रिंङ बढ़ेक्पि जूंशी तोह। दोऊ महिमा हेंतेग हमेशा थल्जी शुहबी जूंस। अमीन।

1 यूहन्ना 3:18

हे गिऊ प्यारे कटुरे, हेनर बचन ए गप्पा रंङ साते मशत, पर दोतु मदत लहज़ी दोतिंङ सच्चाई रंङ दाह लोहनि।