इफिसियों 4:14 - लाहौली बाइबिल14 हेंतेग बे हेंदिंङ कटुतु ठ्रोह व्यवहार लेह माह जूंस। झांह लेह हेंदिंङ अपेहल ला धोखेबाज़ मीहतु हप्सी शिक्षा रिंङ माह फसेफी जूंस, अंऊ हेले च़ेहसा। छना कुचे हेनर दू किशतीऊ ठ्रोह माह तोंई अतिंङ छ्वली देखा-नोखा लहज़ा दंङ लन्न ज़ि देखा-नोखा किरज़ी लहज़ा। Faic an caibideil |
इफिसियों 4:14
44 Iomraidhean Croise
पर दोतु दि विनती ओ हखा ध्यान थारोंऊ, छना कुचे दोतु बिचंङ मुतंङ झुह्ट निह्जो बे महस गंङमी ब्याके ते रूहम्ज़ा शोर पोलुसा बि सच़िमी थल्जी, अंऊ दोच़ी दि कसम लहसी तातोर कि अपेहल तचेक दोरे पोलुसा बि सचे माह केयोर धोंण तचेक माह ञेंरे तुंङमोंई माह ज़ोनि। दंङ हेंतेग दोरे केहतु जबाबो थल्जी तेयार तोतोर दंङ कांह बचनो थल्जी रुमज़ा तोतोर।
हेनर मीहतु खिलाप लड़ाई माह लड़ेक्पातंई। पर हेनर प्रधान ए अधिकारी तु खिलाप ए हन्यारो शाक्ति ए आत्मिक संसारो सामर्थो खिलाप तेंङसी लेहकी तोतोंई। झांह लेह भत्ते हथियार छ़ुह्च़ी च़रतुंई अंऊ परमेश्वरे रंड्रा। ताकि यह्च़ा अपेहल दू मदम ध्याड़ा अपतो, दंङ केरे शेतानो चालो दोरच़ी बचेके बंङज़ुंई। दंङ अपेहल दि लड़ाई योह्सा योतो, तांला केरे पक्का शुहचे खड़े बंङज़ी तरपोंई।
छना कुचे यीशु मसीह अपेहल ला माह लेहक्सा, झांह लेह केतिंङ दि भत्ते खरकोई ए शत्ह-शत्ह शिक्षाओ भाषे लहज़ी जूंशी तोह अंऊ केतिंङ गलत अमरिंङ रैंज़ा शिलज़ा। छना कुचे केहतु सेहमो थल्जी दि रूठे तोह कि परमेश्वरो मोह्ड़े दाह ओ दोरच़ी पक्का शुहचे इलेंई, माह कि दू कानून मनेक्च़िमी रंङ साते अंऊ ज़ेइमी पाहठी तोह, ज़ेइमी-तुंङमिमी रिति रिवाज़ो अतु ला भला माह शुई।
अपेहल दोरे मीहतिंङ धोखा रंड्रातोर, दंङ दोरे शुह्के ए घमण्डो शब्दा तु इस्तेमाल लहज़ातोर। दोच़ी मीहतिंङ कंड्रातोर कि दोच़ी दुह षेह्द अपिमी जोगे कम लेह तरच़ातोर अंऊ दोतु फुक लेह जुंज़ा दंङ दोरे दुह मीहतिंङ यह्च़ा पाप लहज़िमी थल्जी भरमाके केट्रातोर, अंऊ हेंतेग-हेंतेग झांह ठ्रोह मदम कमो दोरच़ी बचेके हुंच़ा तोतोर।
छना समुंद्र ब्याके चटान नावो थल्जी खतरनाक शवाह ध्वांए ठ्रोह दिरे मीहरे केहतु संगति ए धामो थल्जी खतरनाक तोतोर। चाहे दोरे दि धामा रिंङ षेह्द अपिमी जोगे कम लहज़ातोर, पर दोरे एनोह षेह्द अपिमी जोगे कमो वहज़ा ज़ि छिल्ला बेह्द ए षेह्द महसूस माह लहज़ातोर। दोरे दुह पोहाल तु ठ्रोह तोतोर अंऊ सिर्फ एनोह देख-भाल लहज़ातोर; दोच़ी ऊईतु मदत माह लहज़ातोर। दोरे दुह डुह ठ्रोह तोतोर अंऊ दोबि लन्न ज़ि करची ज़मीनारिंङ संदाण मेह करचे रैंज़ा शिलज़ा। दोच़ी वाईदा महस लहज़ातोर, पर रंड्रातोर छल्ले माह। दोरे फसलो मुक्का ओ बुटो ठ्रोह तोतोर अतु टोईच़ी छल्ले फल माह शवाह दंङ अंऊ दोतिंङ फोंज़े चरच़ि, मतलब दोरे पूरे तरीकरिङ सिए इलजी तोतोर।
दंङ दुह मुण्डो घ्वांण ए दोहरंङ साते दुह हप्सी भविष्यवक्ता च़ुमसा इलि, हप्सी भविष्यवक्ता ए मुण्डो घ्वांणो तरफे चमत्कारी चिन्ह कंङे च़रति दंङ दुह भत्ते मीहतिंङ भरमाके च़रति, अच़ि मुण्डो घ्वंणो छाप एनोह फ्याह रिंङ लेहपसी ताहरेर दंङ अंऊ दोऊ मुर्ति ओ पूजा लहज़ातेर। दोकु झुल्ला श्रींङे रिंङ ए दुह मेहू झीलारिंङ केहच़ी च़रतिर, अंऊ गन्धको दोरच़ी तेयार शवाह।
Sanasan