इफिसियों 4:10 - लाहौली बाइबिल

¹⁰ मसीह अंऊ योंखा अति, दू, दुह ए शुह अंऊ सर्ग बेहच़ी ला खेका इलि, ताकि दू भत्ते ठाहरिरिंङ शुहबी जूंस।

इफिसियों 4:10 Iomraidhean Croise

मत्ती 24:34

गेह केतंङ साते हेले कुट्रातग, अपेहल तचेक दिहरे गप्पा पूरा माह शोहर दोहथर तचेक दिह पीढ़ीऊ अंत मशुह।

लूको 24:44

दंङ यीशु ज़ि दोतंङ साते कुंई, “दिहरे गिऊ दुह गप्पारे शुहरे, अंऊ गेह केतंङ साते बंङज़ा केतंङ साते कुहतेग, कि ज़रूरी तोह अंयों गप्पारे मूसाओ कानूना ए भविष्यवक्तातु ए भजनो कताबंङ, गिऊ पाहठी च़ेहसी भत्ते हेले साबित शोतो।”

यहून्नो 1:16

छना कुचे दोऊ मोह्ड़े दाह ओ परिपूर्णतारंङ साते हेंज़ी भत्ते धिर खोकषातंई मतलब आशीषो टोईच़ी आशीष।

यहून्नो 19:24

झांह लेह सेनिक ज़ि एनातु बिचंङ बिचार लहरिर, “कि ञेंहच़ी दिऊ खन्नी माह लोहनी, पर चिट्ठ केओन कि दिह अतु शोतो।” दिह दिऊ थल्जी शुई कि अंऊ पवित्रशास्त्रा रिंङ च़ेहसी तोह दुह पूरा शुबी जूंस, “दोच़ी गिऊ खमज़ेर फाए केहरिर दंङ गिऊ धह्कतेकी खमो थल्जी चिट्ठ केहरिर।”

यहून्नो 19:28

दिऊ थल यीशु ज़ि दीह ञेंहए कि धह दोई एनोह भत्ते कम पुरा लेह केहतो, दिऊ थल्जी कि पवित्रशास्त्रा रिंङ च़ेहसी भत्ते गप्पा हेले साबित शुबी जूंस, यीशु ज़ि कुंई, “गिह्बी तीस्कर लेहकी तोह।”

यहून्नो 19:36

दी गप्पारे दिऊ थल्जी शुई कि पवित्रशास्त्रा रिंङ छि च़ेहसी तोह दुह पुरे शुहबी जूंस, “कि दोऊ अंऊला रुस्पा माह थक्शातोर।”

प्रेरित 1:11

दंङ कुट्री लेहतिर, “हे गलील प्रदेशो गंङ मीहरे, केहरे छिले खड़े शुहचे सर्गो हखा खंड्री लेहकी तोतोंई? दिह ए यीशु, अतिंङ परमेश्वरे केहतु कछंङ च़ि स्वर्गो हखा रेंज़ा शिली, ठीक ध्यांए ठ्रोह दुह यच़ाह अपतो छना ठ्रोह केहच़ी दुह सर्गो हखा इबी तंङातेन।”

प्रेरित 1:9

यीशु दि गप्पा कुट्रीमी थल परमेश्वरे दोबि चेला तु तुइज़ी स्वर्गंङ रेंज़ा शिलिरे, दंङ दोरे दोबि तुंखा खंड्री मरतिर छना कुचे दुह इच्च़ा डुह बिचंङ अच़ा इलि।

प्रेरित 2:33

परमेश्वरे यीशु बि भत्ते बे उथड़े ठहरि तचेक खेका लहरी। हेंतेग दुह भत्ते बे उथड़े ठहरि बंङज़ा तोह स्वर्गंङ परमेश्वरो सुचंङ गुहडो हासी। दोबि पवित्र आत्मा रांहषी ततो, दंङ दोई पवित्र आत्मा ञेंतिंङ रांहषी ततो छना कि केहरे तोग रेड्रातंई ए खंड्रातंई।

प्रेरित 3:18

पर अंऊ गप्पातु पाहठी परमेश्वरे भत्ते भविष्यवक्तातु दोरच़ी कंड्राते, कि दोऊ मसीह दुख उठापोतो दंङ सचे च़रपोर; दोतिंङ दोई दू हेले लहज़ी कंड्रातो।

2 कुरिन्थियों 12:2

गेह इच्च़ा झांह ठ्रोह मीहबी, अंऊ मसीहू विशवासी तोह, ञेंएगा सपि साल तुहई दि मीह षुमु स्वर्ग तचेक रैंज़ा शिली फुका रंङ साते या फुक मेह, गिह्बी पता माह दि परमेश्वरे ए ञेंहच़ा।

इफिसियों 3:19

गेह प्रार्थना लहज़ातग कि, केरे मसीहू दि दाह ञेंए तरपोंई, अंऊ मीहु समझ बे धकते तोह, ताकि केहतु स्वाभाव परमेश्वरो स्वाभावो ठ्रोह शुहचे योतो।

कुलुस्सियों 1:19

छना कुचे बाह परमेश्वरो खुशी दिरिंङ ए तोह कि परमेश्वरो भत्ते स्वभाव मसीह रिंङ बंङज़ु।

कुलुस्सियों 2:9

झांह लेह दिह मीहतु दोरच़ी धोखा थाजेंई छना कुचे मसीहू मीह फुकारिंङ परमेश्वरो भत्ते गुण खोकसा।

1 तीमुथियुस 3:16

दंङ दिरिंङ छल्ले शक माह कि हेंदु विशवासरिंङ पक्‍का भेद तोह, मसीह इच्च़ा मीहू रूपारिंङ प्रगट शुई, दंङ पवित्र आत्माज़ि दुह परमेश्वरो योह साबित लहरी, दंङ स्वर्गदूता ज़ि दुह तंङातेर, दंङ परमेश्वरे दुह स्वर्गंङ रैंज़ा शिली। चेलाज़ि भत्ते ठाहरिरिंङ दोऊ प्रचार लहरिर। दंङ संसारो मीहच़ी दोऊ टोहकठे विशवास लहरिर।

इब्रानियों 4:14

यीशु अंऊ स्वर्गो हखा इलज़ा, दू परमेश्वरो योह शुह। दू हेंदु भत्ते तु यहुदी महापुरोहित शुह। झांह लेह अतंई हेनर दू विशवासा बि छोड़ेके पक्‍का रंङ साते बंङज़ोंई अपि हेंज़ी भत्ते तु तुईज़ी स्वीकार लाहतंई।

इब्रानियों 7:26

झांह ठ्रोह ए यहुदी महापुरोहित हेंदु ज़रूरत पूरा लेह तरपोतो, अंऊ पवित्र शोतो, निर्दोष शोतो, शुद्ध शोतो, पाप लहच़ाड दोतंङ शत्‌ह शोतो अतिंङ स्वर्गो दोरच़ी ला खेका लेह केहषी तोह।

इब्रानियों 8:1

हेंतेग अंऊ गप्पा ञेंहच़ी कुट्रातंई, दोतु बिचंङ भत्ते बे मोह्ड़े सच्चाई दि तोह, कि ञेंहतु कछंङ झांह ठ्रोह यहुदी महापुरोहित तोह, अंऊ हेंतेग ला स्वर्गंङ परमप्रधान परमेश्वरो सिहासन सुचंङ हासी बंङज़ा इलजी तोह,