इफिसियों 4:1 - लाहौली बाइबिल

¹ झांह लेह अंऊ गेह प्रभु यीशु सेवा लहज़िमी वहज़ा रिंङ जेलारिंङ तोतोग, केतंङ साते बिनती लहज़ातग, कि केरे दू बुलाहट रंङ साते अतंङ परमेश्वर एनोह कटुरे शुहबिमी थल्जी बुलाएक्तो, दोऊ हिसाबे केनातु जीवन श्रींङमातंई।

इफिसियों 4:1 Iomraidhean Croise

प्रेरित 9:31

झांह लेह भत्ते यहुदिया प्रदेश, गलील प्रदेश दङ सामरिया प्रदेशंङ कलीसियाओ मीहतिंङ शांति खोकसिरी, दंङ कलीसियाओ तरक्की शुहवा लहरी; दंङ प्रभु ऊ बेह्द ए पवित्र आत्माओ मदत रंङ साते महसे मीहतिंङ हौंसला खोकसिरी दंङ प्रभु यीशु ऊ टोहकठे बिशवास लहरीर।

रोमियो 11:29

छना कुचे परमेश्वर एनोह वरदानो दोरच़ी, ए बुलाहटो दोरच़ी एनोह सेहम माह किरच़ा।

रोमियो 12:1

झांह लेह हे गिऊ प्यारे साथी विशवासी रे, गेह केतंङ साते परमेश्वरो दया हिद रंड्रा बिनती लहज़ातग कि केनोह जीवन बि श्रींङे, पवित्र, परमेश्वराबि रूठे च़ेहसा बलिदान ठ्रोह चढ़ाएतु। दिए परमेश्वरो सेवा लहज़िमी सही तरीका तोह।

1 कुरिन्थियों 4:16

झांह लेह गेह केतंङ साते बिनती लहज़ातग, कि गिऊ ठ्रोह मसीह रिंङ केनातु जीवन‍ जोंई।

2 कुरिन्थियों 10:1

गेह दू ए पोलुस शुगाह अंऊ केहतु तुईज़ी डरपोक तोतोग, पर थाह्को थले केहतु हखा याहब लहज़ातग; गेह केतंङ साते मसीहू नम्रता, दंङ नगी शुहचे निवेदन लहज़ातग।

2 कुरिन्थियों 5:20

झांह लेह हेनर मसीहू राजदूतारे शुहनि; परमेश्वरे दोऊ खबर स्वीकार लहज़िमी थल्जी हेंदु थल्जी दोरच़ी मीहतु बिनती लहज़ा। हेनर मसीहू हखा निवेदन लहज़ातंई, कि परमेश्वरारंङ साते मेल मिलाप लोहनि।

2 कुरिन्थियों 6:1

परमेश्वररंङ साते कम लहज़ा शुहबी रंङ साते हेनर करंङ साते दि विनती लहज़ातंई कि परमेश्वरो मोह्ड़े दाह केहतु टोईच़ी शुहचा, दोबि ध्यांए इबि थारांई;

गलातियों 4:12

हे गिऊ प्यारे साथी विशवासी रे, गेह केतंङ साते बिनती लहज़ातोग, केरे केनातिंङ कानूनो दोरच़ी आज़ाद लंहि छना गेह लहसी तातग, छना कुचे गेह कानूनो दोरच़ी ध्वांए आज़ाद शुहचे इलोग छना केरे शुचि तोतोंई। केहच़ी गिऊ रूठे देखभाल लहज़ातंई।

इफिसियों 2:10

छना कुचे हेनर परमेश्वरे बणाषी शुई; दंङ यीशु मसीह रिंङ दू रूठे कमो थल्जी बणाषी अपि परमेश्वरे तुहई बेहच़ी हेंदु लहज़िमी थल्जी तेयार लहसी ततो।

इफिसियों 3:1

झांह लेह, गेह पोलुस केहतु थल्जी प्रार्थना लहज़ातग। गेह जेलारिंङ तोतोग छना कुचे गेह केरे ऊईजाति मीहतिंङ रूठे खबर सुनाके यीशु मसीहू सेवा लहज़ातग।

इफिसियों 4:17

झांह लेह दू अधिकार रंङ साते अंऊ प्रभु ज़ि गिह्बी रांहषी तोह, गेह केतिंङ दि कुट्रातग कि केरे अविशवासी मीहतु ठ्रोह बेकार विचारा रंङ साते केनातु जीवन बरबाद था लंहि।

इफिसियों 4:4

हेनर भत्तेर विशवासी दंङ इच्च़ा ए फुको अंङों ठ्रोह तोतोंई, दंङ हेंदिंङ भत्ते दि इच्च़ा ए पवित्र आत्मा खोकसा तोह। झांह ठ्रोह केतिंङ इच्च़ा उम्मीद रांहषी तोहई, अपेहल केरे परमेश्वरो मीह शुहबिमी थल्जी बुलासी तोतोंई।

इफिसियों 5:2

मसीहू उदाहरणो हिद लहज़ा, ऊईतु थल्जी दाह रंङ साते जीवन श्रींङमा तंई, अच़ि केतंङ साते दाह लहज़ा दंङ केहतु पाप उठाएच़िमी थल्जी एनाबि बलिदान लेह च़रति। दंङ दिरंङ खुश तोहई छना कुचे दू बलिदान दोऊ थल्जी इत्रो ठ्रोह तोह।

फिलिपियों 1:27

सिर्फ धोंण ए लंहि कि केहतु चाल-चलन मसीहू रूठे खबरो जोगे शोतो। कि चाहे गेह अंज़े ते केतिंङ खमोग, चाहे गेह अपोग ए माह, केहतु पाहठी दि रेड्रोग कि केरे इच्च़ा इरादारिंङ पक्‍का तोहईं दंङ इच्च़ा सेहम शुहचे रूठे खबरो विशवासो थल्जी मेहनत लोहवा तंही।

फिलिपियों 3:14

दंङ मसीह यीशु रिंङ परमेश्वरो स्वर्गीय बुलाहट ओ ईनाम खोक्च़िमी थल्जी गेह घेंङौ निशानो ह्खा तुंखा शुहबी लेहकी तोतोग।

कुलुस्सियों 1:10

दंङ ञेंहच़ी दि प्रार्थना लहज़ातंई ताकि केहच़ी झांह ठ्रोह जीवन श्रींङमोंई छना प्रभु ज़ि जुंज़ा, दंङ केहच़ी भत्ते पाहठी रंङ साते प्रभु बि खुश लोंहई, कि केरे भत्ते पाहठी रूठे कम लोहवा लंहि, दंङ परमेश्वरा बि ञेंहच़िमी थल्जी लगातार बणेक्पा लंहि,

कुलुस्सियों 2:6

दंङ छना केहच़ी मसीह यीशु बि प्रभु लहच़ी ग्रहण लेह केहरिन, ध्वांए लगातार दोऊ थलेच़ि ज़ोजा लंहि,

कुलुस्सियों 4:12

इपफ्रास, अंऊ केहतु नगरो तोह, दंङ मसीह यीशु दास तोह, केतिंङ नमस्कार कुट्रा। दोई केहतु थल्जी सेहमारंङ प्रार्थना लहज़ा, ताकि परमेश्वर केतिंङ पक्‍का ए सिद्ध बणाके दंङ केरे भत्ते विशवासारंङ साते परमेश्वरो हिटी पूरा लोहवा लोंहि।

1 थिस्सलुनीकियों 2:12

ताकि केहतु चाल चलनो दोरच़ी परमेश्वराबि महस इज्ज़त खोकसोतो, अंऊ केतिंङ एनोह राज ए महिमारिंङ भागीदार शुहबिमी थल्जी बुलाएच़ा।

2 थिस्सलुनीकियों 1:11

झांह लेह ञेंहच़ी लगातार केहतु थल्जी प्रार्थना ला लहज़ातंई, ताकि परमेश्वर केतिंङ दुह जीवनो जोगे बणाएक्पोतो अतिंङ श्रींङमी थल्जी दोई केतिंङ बुलाएसी शुई, दंङ दोई केहतु भत्ते रूठे हिटी एनोह शाक्ति रें पूरा लोहतो दंङ दुह कम ला पूरा लोहतो अंऊ केहतु विशवासो नतीज़ा तोह।

2 तीमुथियुस 1:9

अच़ि हेंदु उद्धार लहतो, दंङ हेंदिंङ पवित्र जीवन श्रींङमी थल्जी बुलासी शुई, दोई हेंदिंङ दिऊ थल्जी माह बुलाएक्तो कि हेंज़ी रूठे कम लाहतेन पर एनोह मकसद ए दुह मोह्ड़े दाह ओ हिसाबे बुलाएकते, अतु सकिम परमेश्वरे तुहई ए यीशु मसीह बि दि संसारारंङ च़रच़िमी दोरच़ी बणाकते।

तीतुस 2:10

चोरी चालाकी थालंही; पर साबित लंहि कि दू हमेशा ईमानदार तोह, ताकि मीहरे दोऊ रूठे व्यवहारा रिंङ ध्यान रमोर दंङ छिल्ल धिर दोच़ी लहज़ातोर दू मीहतु दोरच़ी हेंदु उद्धारकर्ता परमेश्वरो पाहठी रूठे खबर रेड्रीमी वहज़ा बणेक्तेंई।

इब्रानियों 3:1

झांह लेह, हे गिऊ प्यारे साथी विशवासी रे, केरे अंऊ स्वर्गा रिंङ दोरंङ साते शामिल शुहबिमी थल्जी बुलासी शुईं, मसीह यीशु टोईच़ी ध्यान रांही! दुह हेंदु थल्जी परमेश्वरो रूठे खबरो प्रेरित यहुदी महापुरोहित शुह।

1 पतरस 2:11

हे प्यारे साथी विशवासी रे, गेह केतंङ साते बिनती लहज़ातग कि केरे दि संसारारंङ परदेशी ए यात्री तु ठ्रोह तोतोंई। गेह केतिंङ चेतावनी रंड्रातग कि दू भत्ते मदम फुको हिटी ओ दोरच़ी बचेक्तेंई छना कुचे दू केहतु केनातु आत्माओ खिलाप हमेशा लड़ाई लहज़ा।

1 पतरस 3:9

बुराई बदलारिंङ बुराई था लंहि दंङ माह गाड़ी ऊ बदलारिंङ गाड़ी रांई; पर दिऊ बदलारिंङ आशीष रांई; छना कुचे परमेश्वरे केतिंङ ऊईतिंङ आशीष रंड्रीमी थल्जी बुलाएसी शुई। अगर केहच़ी झांह लहज़ातंई ता परमेश्वर ला केतिंङ आशीष रमतो।

1 पतरस 5:10

हेंतेग परमेश्वर अंऊ भत्ते तरीका रंङ मोह्ड़े दाह ए पिंङषा तोह, दोई हेंदिंङ यीशु मसीह रंङ साते हेंदु नाता ओ थल्जी स्वर्गा रिंङ दोऊ अनंत महिमा ओ थल्जी सहभागी शुहबिमी थल्जी हेनर अंङे च़रति। केहतु थोड़े टेमो दुख सहन लहज़िमी थल, परमेश्वर केतिंङ रूठे बणाके च़रपोतो ताकि केहतु अंदरेग ला छल्ले शुहबी मेस दंङ परमेश्वर केतिंङ पक्‍का लोहतो ताकि केहतु विशवास पक्‍का शोतो।

2 पतरस 1:3

परमेश्वरे एनोह सामर्थो दोरच़ी हेंदिंङ दुह भत्ते रांहषी ततो अंऊ हेंदिंङ जीवन श्रींङमिमी थल्जी जूंशी तोह, अंऊ परमेश्वरा बि खुश लहज़ा। दि जूंशी तोह छना कुचे हेनर परमेश्वरा बि ञेंहच़ातंई दंङ दि दुह ए शुह अच़ि हेंदिंङ एनोह महिमा ए रूठे ओ वहज़ा ज़ि बुलासी शुह।

2 यूहन्ना 1:5

दा हे न्वाशा, गेह करंङ साते विनती लहज़ातग कि ञेंतिंङ इदि-ऊईदि रंङ साते दाह लहच़ी जूंशी तोह। दिह छल्ले खरकोई हुकुम माशुह पर दुह ए आज्ञा शुह अंऊ हेंज़ी दुह टेम बेहच़ी ञेंहच़ातोंई अपेहल ञेंहच़ी मसीहू थल्जी जोज़ी शुरू लहतंई।