इफिसियों 3:9 - लाहौली बाइबिल

⁹ दंङ गिह्बी दि ब्याके योजना बि भत्ते तिंङ समझाच़िमी थल्जी ला अंङषी तोहई। परमेश्वर अंऊ भत्ते संसारो रचायिता शुह, दोई तुहई शुरूआत बेहच़ी ए दि योजना गुप्त तहसी तते,

इफिसियों 3:9 Iomraidhean Croise

मत्ती 10:27

छि गेह केतिंङ हंञारारिंङ कुट्रातग दुह केहच़ी छंङीरिंङ कुंई; छि रेट्रे रेट्रातंई दुह लंङदिंङ इलजे कडूंई।

मत्ती 13:35

कि अंऊ बचन भविष्यवक्ता तु दोरच़ी कुहषी तोह, दुह पूरा शुहबी जूंस; “गेह कथा कुट्रिमी थल्जी घेंङौ आह अल्बोग, गेह दुह गप्पारे अरी संसारो शुरुआतबे ब्याके तोईरे प्रगट लोहग।”

मत्ती 25:34

दंङ गेह रज्ज़ा घेंङौ सुचंङ हासी दोतंङ कोहग, हे गिऊ स्वर्गीय बाहऊ धन्य मीहरे, अतंई, दुह राज्यो हकदार शुहचे ईलांई, अंऊ संसारो शुरुआतबे केहतु थल्जी त्याहर लहसी तोह।

मत्ती 28:19

दिऊ थल्जी केहरे ईलांई, दंङ भत्ते जातिऊ मीहतिंङ चेला बणाक्तुंई; दंङ दोतिंङ बाह ए, योह ए, पवित्र आत्मो मिन्ज़ी बपतिस्मा रांई,

लूको 24:47

दंङ यरूशलेम शहरो दोरच़ी भत्ते जातितु बिचंङ पापो दोरच़ी सेहम यहच़िमी ए पापो दोरच़ी माफिऊ प्रचार, मसीहू मिनज़ि शोतो।

यहून्नो 10:30

गेह ए गिऊ पिता परमेश्वर इच्च़ा शुई।”

यहून्नो 5:17

दिरंङ यीशु ज़ि दोतंङ कुंई, गिऊ बाह हमेशा कम लहज़ा दिऊ थल्जी गिह्बी ला कम लंहि जूंस,

यहून्नो 5:19

दिरंङ यीशु ज़ि दोतंङ साते कुंई, गेह केतंङ साते हेले कुट्रातग, गेह घेंङौ दोरच़ी छले लेह मरच़ि, सिर्फ दुह ए अंऊ पिता परमेश्वरा बि लेही खंड्रातग, छना कुचे अंऊ-अंऊ कम दोई लहज़ा दोतिंङ गेह ला ध्वांए लहज़ातोग।

प्रेरित 15:18

गेह घेंङौ मीहतु मदत लहरिगा कि दोरे महसे तुहई ए दि गप्पा ए ञेंई तरपोर।

रोमियो 11:25

हे गिऊ प्यारे साथी विशवासी रे, गेह माह जुंज़ातग कि केरे दि भेदो दोरच़ी अंजान बंङज़ेंई झांह शुहबी मेस कि केरे केनातु टोहकठे घमण्ड लोंहि, दि हेले तोह कि इस्राएलो रें मीहरे विशवास लेह तेयार माह तोतोर, पर अपेहल परमेश्वरो टोहकठे विशवास लहज़ा ऊईजाति मीहतु गिनती पूरे शुहचे योतो, दंङ इस्राएलो मीहरे विशवास लोहर दंङ परमेश्वरो कछंङ वापिस अच़ा अपोर।

1 कुरिन्थियों 2:7

पर अंऊ ज्ञानो हेंज़ी गप्पा लहज़ातंई दू ज्ञान परमेश्वरो ज्ञान शुह अंऊ ब्याके तोहई। हेंतेग तचेक अरिला दिबी माह ञेंहच़ाते। परमेश्वरे धरती बणाषी बे तुहई ए फेंसला लहज़ी चरच़ाते कि दोऊ ज्ञान हेंदिंङ महिमा रमतो।

इफिसियों 1:4

परमेश्वरे सर्ग ए धरती बणाएषिमी तुहई, मसीहू दोरच़ी हेंदिंङ एनातु मीह शुहबिमी थल्जी अंङे च़रति। ताकि हेनर दोऊ नज़रारिंङ पवित्र ए निर्दोष शुहबी तरपोंई।

इफिसियों 3:2

केहच़ी पक्‍का रेड्री शोंई, कि परमेश्वरे एनोह मोह्ड़े दाह ओ दोरच़ी गिह्बी रूठे खबर सुनाएच़िमी ज़िम्मेवारी रांहषी ततो।

इफिसियों 6:19

दंङ केरे गिऊ थल्जी ला प्रार्थना लंहि अंऊ कुट्री मुक्का गिह्बी झांह बचन रंड्री जूंस कि, गेह याहब रंङ साते दू रूठे खबरो भेद कंज़े तरपोग।

कुलुस्सियों 1:23

पर केतिंङ विशवासा रिंङ इच्च़ा मुयांदो ठ्रोह पक्‍का शुहबी जूंस, दंङ दुह उम्मीदा बि अंऊ केहतु कछंङ तोह केतिंङ अपेहला छोड़ेक्च़ी माह जूंस अंऊ हेंतेग हेंदु कछंङ तोह छना कुचे हेंज़ी दुह ए रूठे खबरो टोहकठे विशवास लहज़ातंई, अतु प्रचार भत्ते धरतीऊ मीहतु बिचंङ लहसी तोह; दंङ अतु गेह पोलुस, सेवक बणेक्तिग।

कुलुस्सियों 1:26

मतलब दुह भेद अंऊ दुह जुग ए तुहई पीढ़ी बे गुप्त बंङज़िरी, पर हेंतेग परमेश्वरो दुह मीहतु टोईच़ी प्रगट शुई।

कुलुस्सियों 3:3

छना कुचे केरे ता केनातु पापो स्वाभावो दोरच़ी सिए इलजी तोंई दंङ केहतु खरकोई जीवन मसीहरंङ साते परमेश्वरारंङ ब्याके तोह।

कुलुस्सियों 4:3

दंङ दिरंङ साते ए ञेंहतु थल्जी प्रार्थना लोहवा लंहि कि परमेश्वर हेंदु थल्जी प्रचार लहज़िमी मोका रमतो, कि हेनरे मसीहऊ दुह भेदो पाहठी समझाके तरपोंई, अतु वहज़ा ज़ि गेह कैदारिंङ तोतोग,

2 थिस्सलुनीकियों 2:13

हे गिऊ प्यारे साथी विशवासी रे, हेंदिंङ हमेशा परमेश्वरो धन्यवाद लेह जुंशी तोह, छना कुचे परमेश्वरे केतंङ साते दाह लहज़ा। परमेश्वरे संसारो रचना बे तुहई केतिंङ अंङे चरच़तो ताकि केतिंङ बचाके तरपोतो केरे यीशु मसीहू पाहठी सच्चा खबरो टोईच़ी विशवास लहज़िमी दंङ दोऊ पवित्र आत्मा दोरच़ी पवित्र बणेषिमी थल्जी अंङषी ततो।

1 तीमुथियुस 3:16

दंङ दिरिंङ छल्ले शक माह कि हेंदु विशवासरिंङ पक्‍का भेद तोह, मसीह इच्च़ा मीहू रूपारिंङ प्रगट शुई, दंङ पवित्र आत्माज़ि दुह परमेश्वरो योह साबित लहरी, दंङ स्वर्गदूता ज़ि दुह तंङातेर, दंङ परमेश्वरे दुह स्वर्गंङ रैंज़ा शिली। चेलाज़ि भत्ते ठाहरिरिंङ दोऊ प्रचार लहरिर। दंङ संसारो मीहच़ी दोऊ टोहकठे विशवास लहरिर।

2 तीमुथियुस 1:9

अच़ि हेंदु उद्धार लहतो, दंङ हेंदिंङ पवित्र जीवन श्रींङमी थल्जी बुलासी शुई, दोई हेंदिंङ दिऊ थल्जी माह बुलाएक्तो कि हेंज़ी रूठे कम लाहतेन पर एनोह मकसद ए दुह मोह्ड़े दाह ओ हिसाबे बुलाएकते, अतु सकिम परमेश्वरे तुहई ए यीशु मसीह बि दि संसारारंङ च़रच़िमी दोरच़ी बणाकते।

2 तीमुथियुस 4:17

पर प्रभु ज़ि गिऊ मदत लहरी दंङ गिह्बी सामर्थ रांई, ताकि गेह यीशु मसीहू पाहठी रूठे खबरो प्रचार रूठे रंङ लहज़िमी जोगे बणेंके तरपोग, दंङ ऊई जातिऊ भत्ते मीहरे दि रेड्री तरपोर; दंङ दोई गेह सिमी दोरच़ी झांह ठ्रोह बचाएके च़रति छना गेह योंञें ब्राघातु दोरच़ी बचाएकतो।

तीतुस 1:2

दिऊ नतीज़ा दि तोह कि, दोरे परमेश्वरारंङ साते अनंत जीवनो ओ थल्जी बंङज़िमी उम्मीद तहच़ातेर, छना कुचे परमेश्वर, अंऊ अपेहल ला हप्सी माह कुट्रा, संसारो रचना लहज़िमी तुहई वाईदा लाहते कि दोऊ मीहरे हमेशा ओ थल्जी श्रींङी बंङज़ोर।

1 पतरस 1:20

दि संसारो रचना बे तुहई, परमेश्वरे दि सोचेके चरच़ाते कि यीशु मसीह छुड़ाएसा शोतो। पर दू केहतु मदत लहज़िमी थल्जी दि अंतिम ध्याड़ा रिंङ दि संसारारंङ प्रगट शुई।

प्रकाशित वाक्य 13:8

धरतीऊ टोईच़ी बंङज़ा भत्ते मीहरे दोऊ पूजा लहज़ी लेहतिर। सिर्फ दुह ए मीहच़ी दोऊ पूजा माह लहरिर अतु मिन संसारो रचना लहज़ी बे तुहई जीवनो कताबारिंङ च़ेहसी तोह। दि जीवनो कताब दुह कुरच़ो कताब शुह अंऊ दोबि बलिदानो रूपारिंङ सच़ी च़रतिर।

प्रकाशित वाक्य 14:6

दंङ गेह अई इच्च़ा स्वर्गदूता बि सर्गो टोईच़ी फन्ज़ि तंङरिगा। दुह स्वर्गदूते दुह रूठे खबर कुरच़ा तोहई अंऊ अपेहल ला माह लेहक्सा, दोई संसारा रिंङ बंङज़ा मीहतु, हर इच्च़ा देश, हर इच्च़ा गोत्र दंङ भत्ते पाहठी भाषा रिंङ दिऊ घोषणा लहरिर।

प्रकाशित वाक्य 17:8

दुह घ्वंण अपि केई हेंतेग खंदेग, इच्च़ा टेम श्रींङे तोहई, पर हेंतेग श्रींङे माह; दुह महस डुह्गे गड्डो दोरच़ी धकतेखा अपिमी तोह दंङ परमेश्वर दोबि पूरे तरह ठ्रोह नाश लेह च़रपोतो। धरतीऊ टोईच़ी बंङज़ा मीहरे अतु मिन परमेश्वर संसारो रचना लहज़िमी बे तुहई जीवनो कताबा रिंङ च़ेहसी माह, दोरे भत्तेर हेरान शुहचे योर अपेहल दोरे दि घ्वंणा बि खमोर। इच्च़ा टेम दुह श्रींङे तोहई; हेंतेग दुह श्रींङे माह; पर दुह यह्च़ा वापिस अच़ा अपतो।

प्रकाशित वाक्य 4:11

“हे ञेंहतु प्रभु परमेश्वर, कांह महिमा खोकच़िमी जोगे तोतोन। कांह आदर खोकच़िमी जोगे तोतोन। काह सामर्थशाली तोतोन छना कुचे केई भत्ते चीज़ो रचना लहसी शुह। केई जुंज़ातन कि दुह अस्तित्वा रिंङ अपतो दंङ दिऊ थल्जी दोतु रचना शुई।”