इफिसियों 3:5 - लाहौली बाइबिल

⁵ दि गुप्त भेद तुहई कि पीढ़ी तु मीहतिंङ कांहषी माह, हेंतेग पवित्र आत्माज़ि एनोह पवित्र प्रेरित ए परमेश्वरो खबर रंड्रा मीहतु टोहकठे प्रगट लहसी ततो।

इफिसियों 3:5 Iomraidhean Croise

मत्ती 13:17

छना कुचे गेह केतंङ साते हेले कुट्रातग, कि महस भविष्यवक्ता ए धर्मीज़ि जुन्ज़ातोर कि छि गप्पारे केहच़ी खंड्रातंई, दोच़िला खांहषी जूंस, पर खांऐ माहतिर दंङ अंऊ गप्पा केहच़ी रंड्रातंई, दोच़ी लाह रेड्रोर, पर रेड्री मरतिरे।

मत्ती 20:7

दोई दोतिंङ कुहतो केरे लाह दाखो बगीचारिंङ ईलांई दंङ कम लांई।

मत्ती 23:34

दिऊ थल्जी खंणुई, गेह केहतु कछंङ भविष्यवक्ता, बुद्धिमानरे दंङ यहुदी शास्त्रीरे चरच़ातग; दंङ केहरे दोतु बिचंङज़ि केहच़ी रेइरे सचे च़रपोंई ए रेह क्रूसंङ चड़ाएपोंई, रेहईतिंङ यहुदी सभा घरबारंङ कोड़े रंङ साते तेंङमोंई दंङ इच्च़ा इलाकाओ दोरच़ी अई इलाकारिंङ पोकफी लोहन।

लूको 10:24

छना कुचे गेह केतंङ साते हेले कुट्रातग, कि महस भविष्यवक्ताज़ि ए रज्ज़ा ज़ि जुन्ज़ातोर कि छि गप्पारे केहच़ी खंड्रातंई, दोच़िला खांहषी जूंस, पर खांऐ माहतिर, दंङ अंऊ गप्पा केहच़ी रेड्रातंई; दोच़ी ला रेड्री जूंस, पर रेड्री मरतिरे।”

लूको 11:49

झांह लेह परमेश्वरो समझे ला दिह कुंई कि, ‘गेह दोतु कछंङ भविष्यवक्तातिंङ ए प्रेरिता तिंङ च़रपोग, दंङ दोच़ी दोतु बिचंङज़ि रेह दोतिंङ सचे च़रपोर दंङ रेह दोतिंङ परेशान लोहर।’

यहून्नो 14:26

पर केहतु मदतगार मतलब दुह पवित्र आत्मा अतिंङ पिता परमेश्वरे गिऊ अधिकारंङ च़रपोतो, दुह पवित्र आत्मा ए केतिंङ भत्ते गप्पा सिखाएपोतो, दंङ छिला धिर गेह केतंङ साते कुहषी तातग, दुह भत्ते धिर केतिंङ हिद दिलाएपोतो।”

यहून्नो 16:13

पर अपेहल दुह पवित्र आत्मा अपतो, अच़ि परमेश्वरो पाहठी सच्चाई कंबतो, दोई एनोह अधिकारंङ माह कोहतो पर दोई छि रेड्रोतो दंङ दुह ए कोहतो, दंङ अंजा गप्पातु पाहठी केतिंङ कंबतो।

प्रेरित 10:28

पतरसे दोरंङ साते कुई, “केतिंङ पता तोह कि ऊईजाति ऊ संगति लहज़ी या दोतु दोर्तिंङ इबि ञेंहतु यहुदी मीहतु खिलाप तोह, पर परमेश्वरे गिह्बी कांहषी ततो कि अरिला मीहबी अपवित्र या अशुद्ध माह कोहग।

रोमियो 16:25

हेंतेग केतिंङ गिऊ रूठे खबर यीशु मसीहू पाहठी तोह, केतिंङ प्रचार लहज़ा विशवास रिंङ पक्‍का लहज़ा। छना कुचे दि रूठे खबर महस जुग बेहच़ी प्याक्सी तहरेर।

1 कुरिन्थियों 2:10

पर परमेश्वरे दि गप्पा हेंदु टोईच़ी मतलब प्रेरिता तु टोईच़ी एनोह पवित्र आत्माऊ दोरच़ी प्रगट लहरी, छना कुचे झांह ठ्रोह छिल्ला माह अंऊ परमेश्वरो आत्माबि पता माह शोतो। देर तचेक कि परमेश्वरो डुह्गे विचार ला दू रूठे रंङ ञेंहच़ा।

इफिसियों 2:20

इच्च़ा साते, हेनर दोऊ चुम शुई, अंऊ कि प्रेरिता तु ए परमेश्वरो खबर रंड्रा मीहतु मुयांदो टोईच़ी, दंङ दिऊ कुंणीऊ रह्घ एनोह ए यीशु मसीह तोह।

इफिसियों 3:9

दंङ गिह्बी दि ब्याके योजना बि भत्ते तिंङ समझाच़िमी थल्जी ला अंङषी तोहई। परमेश्वर अंऊ भत्ते संसारो रचायिता शुह, दोई तुहई शुरूआत बेहच़ी ए दि योजना गुप्त तहसी तते,

2 पतरस 3:2

गेह दि दिऊ थल्जी लहज़ातग, छना कुचे गेह जुंज़ातग कि केहच़ी दुह बचन हिद तंही, अंऊ परमेश्वरो भविष्यवक्ता ज़ि महस तुहई बेहच़ी कुहषी ताहरेर दंङ उद्धारकर्ता हेंदु प्रभु यीशु मसीहू शिक्षा हिद तंही अंऊ केतिंङ दुह प्रेरिता ज़ि शिक्षा रांहषी तातोर अंऊ केहतु कछंङ अंज़े तोईरे।

यहूदा 1:17

पर हे गिऊ प्यारे साथी विशवासी रे, केहच़ी दुह गप्पा हिद तंही; अंऊ हेंदु प्रभु यीशु मसीहू प्रेरित महस तुहई कुहषी तातोर।