इफिसियों 3:20 - लाहौली बाइबिल

^20-21 परमेश्वरो महिमा शुहबी जूंस! दुह झांह ठ्रोह सामर्थी परमेश्वर तोह, अंऊ हेंदु बिनती ए सोचेक्सी ए समझेक्सी बे ला महस लेह तरच़ा। दोई एनोह सामर्थ हेंदु अंदरेग कम लहज़ा। दोऊ महिमा विशवासी तु झुण्डा रिंङ ए मसीह यीशु पीढ़ी बे पीढ़ी तचेक हमेशा-हमेशा शुहवा लोहतो। अमीन।

इफिसियों 3:20 Iomraidhean Croise

मत्ती 3:9

दंङ दिह थाह सोचेक्तुंई कि केरे दिह कुट्रा सज़ाओ दोरच़ी बचेके योंई कि ञेंहतु बाह-मेमे अब्राहम शुह। गेह केतंङ साते कुट्रातग कि परमेश्वर दिह रघटेतु दोरच़ी लाह अब्राहमो थल्जी औलाद पैदा लेह तरपोतो।

यहून्नो 10:10

चोर ऊई कमो थल्जी माह पर सिर्फ चोरी लहज़ी ए हत्या लेही दंङ नाश लहज़िमी थल्जी अपि। गेह दिऊ थल्जी अंज़े शुगाह कि दोतिंङ जीवन रमोग।

रोमियो 16:25

हेंतेग केतिंङ गिऊ रूठे खबर यीशु मसीहू पाहठी तोह, केतिंङ प्रचार लहज़ा विशवास रिंङ पक्‍का लहज़ा। छना कुचे दि रूठे खबर महस जुग बेहच़ी प्याक्सी तहरेर।

रोमियो 4:21

दोतिंङ पक्‍का पता तोहई कि परमेश्वरे अंऊ गप्पो वाईदा लाहते, दू दोबि पूरा लहज़िमी थल्जी सामर्थी तोह।

1 कुरिन्थियों 2:9

पर छना पवित्र शास्त्रारिंङ च़ेहसी तोह, “माह अच़िया अपेहला तंङरिर, दंङ माह अच़िया अपेहला रेड्रीर, दंङ माह ए अपेहला अच़िया दू रूठे चीज़ा तु पाहठी सोचेक्सी तोह, अंऊ परमेश्वरे दू मीहतु पाहठी तेयार लहसी तोह अंऊ दोरंङ साते दाह लहज़ातोर।”

2 कुरिन्थियों 9:8

परमेश्वरो भत्ते धिरो मोह्ड़े दाह केतिंङ केहतु ज़रूरत बे महस रें तरपोतो। अंऊ दोरच़ी भत्ते गप्पा रिंङ ए भत्ते टेमारिंङ, भत्ते धिर, अंऊ केतिंङ जूंशी तोह केहतु कछंङ बंङज़ोतो, ताकि केहतु कछंङ रूठे कम लहज़िमी थल्जी ज़रूरत बे महस शोतो।

इफिसियों 1:19

गेह जुंज़ातग कि केरे दू मोह्ड़े ए शक्तिशाली सामर्थो पाहठी ञेंए च़रतुंई अंऊ परमेश्वरो कछंङ हेंदु थल्जी तोह, अंऊ दू मसीहू टोहकठे भरोसा लहज़ातोर। दि दू ए मोह्ड़े शाक्ति शुह,

इफिसियों 3:7

परमेश्वरे गिह्बी एनोह मोह्ड़े दाह ए सामर्थो दोरच़ी रूठे खबरो सुनाएच़िमी थल्जी दोऊ सेवक बणाएक्तो।

कुलुस्सियों 1:29

झांह लेह दिबी पूरा लहच़िमी थल्जी गेह महस मेहनत लहज़ातग, दुह मोह्ड़े सामर्थो इस्तेमाल लहज़ा ते अंऊ मसीह रंड्रा दंङ अच़ि गिऊ अन्द्रेग कम लहज़ा।

1 तीमुथियुस 1:14

दंङ हेंदु प्रभु मोह्ड़े दाह दुह विशवास ए दाह रंङ साते अंऊ मसीह यीशु रिंङ तोह, महसरंङ साते शुई।

इब्रानियों 7:25

दिऊ थल्जी अंऊ यीशु मसीहू दोरच़ी परमेश्वरो कछंङ अपातोर, दू दोतु पूरा-पूरा उद्धार लेह तरपोतो, छना कुचे दू दोतु थल्जी बिनती लहज़िमी हमेशा श्रींङे तोह।

याकूब 4:12

नियम ए कानून रंड्रा दंङ न्याय लहज़ा ता इच्च़ा ए शुह दंङ दुह परमेश्वर शुह, अतु कछंङ बचाएच़िमी ए नाश लहज़िमी सामर्थ तोह; पर काह अरि शुनाह, अंऊ एनोह पड़ोसी टोहकठे दोष लगाएच़ातन?

2 पतरस 1:11

पर परमेश्वर केहतु दुह राज्य रिंङ रूठे रंङ स्वागत लोहतो अंऊर यीशु मसीह तोह, अंऊ हेंदु प्रभु ए हेंदु उद्धारकर्ता तोह, अंऊ हमेशा ओ थल्जी रज्ज़ा ओ रूपा रिंङ राज लोहतो।

यहूदा 1:24

इच्च़ा परमेश्वर ए तोह अंऊ केतिंङ दह्पिमी दोरच़ी बचाएपोतो, दंङ केतिंङ निर्दोष ए खुश लोहतो, अपेहल दोई केतिंङ एनोह महिमा ओ थल्जी एनोह तुईज़ी खड़े लहज़ा। दोई हेंदिंङ हेंदु प्रभु यीशु मसीहू दोरच़ी बचाके चरच़तो। महिमा, गौरव, सामर्थ ए अधिकार टेमो शुरूआत बेहच़ी दोऊ तोईरे, हेंतेग ला दोऊ तोतोर, दंङ हमेशा ओ थल्जी दोऊ ए गुह्ट्र बंङज़ोर। अमीन।