इफिसियों 3:2 - लाहौली बाइबिल

² केहच़ी पक्‍का रेड्री शोंई, कि परमेश्वरे एनोह मोह्ड़े दाह ओ दोरच़ी गिह्बी रूठे खबर सुनाएच़िमी ज़िम्मेवारी रांहषी ततो।

इफिसियों 3:2 Iomraidhean Croise

प्रेरित 13:2

अंऊ मुक्का दोरे ब्रत लहज़ा प्रभु ऊ अराधना लहज़ी लेहकी तोईरे, ता पवित्र आत्माज़ि कुई, “बरनबास ए शाऊल बि दुह खास सेवा लहज़िमी थल्जी समर्पण लांही अंऊ कमो थल्जी गेह दोतिंङ बुलाएसी तातग।”

प्रेरित 13:46

दोथर पोलुस ए बरनबास ए निडर शुहचे कुईर, “कि परमेश्वरो बचन मुण्डारिंङ केतिंङ यहुदी तिंङ सुनाएची ज़रूरी तोहई; पर केहच़ी दोबि ग्रहण माह लहज़ातन। झांह लेज़मी रिंङ साते केहच़ी दि साबित लाहतंई कि केरे अनंत जीवन खोकच़िमी जोगे माह तोहई, दिऊ थल्जी दा ञेंहरे योंई दंङ ऊईजाति मीहतु सुनाएपोंई।

प्रेरित 22:21

दंङ प्रभु ज़ि गिऊ हखा कुई, अच़ा इला, छना कुचे गेह कनिंङ ऊईजाति मीहतु कछंङ ओईतार-ओईतार च़रपोग।”

प्रेरित 9:15

पर प्रभु यीशु ज़ि हनन्याह रंङ साते कुई, “काह अच्च़ा ईला; छना कुचे दुह ता ऊईजाति तु दंङ रज्ज़ातु ए इस्राएली मीहतु तुईज़ी गिऊ पाहठी प्रचार लहज़िमी थल्जी अंङषी मीह शुह।

रोमियो 1:5

मसीहू दोरच़ी गिह्बी मोह्ड़े दाह ए प्रेरिताई ओ सेवकाई परमेश्वरो दोरच़ी रांहषी तोह, ताकि दोऊ मिन्दु बजाहज़ि भत्ते जातिऊ मीहरे मसीहू टोहकठे विशवास लोहर दंङ दोऊ हुकुम मनेक्पोर,

रोमियो 11:13

गेह केतंङ ऊईजातिंङ साते दि गप्पा कुट्रातग। अपेहल कि गेह ऊईजाति तु थल्जी प्रेरित शुगाह, दंङ गेह घेंङौ सेवकाई ओ टोहकठे घमण्ड लहज़ातग।

रोमियो 12:3

छना कुचे गेह दू मोह्ड़े दाह ओ वहज़ा ज़ि अंऊ गिह्बी खोकसी तोह, केहतु बिचंङ हर इच्च़ा रंङ साते कुट्रातग कि छना समझेची जूंस दुबे बड़के अरिला एनाबि था सोचेक्तुंई। पर छना परमेश्वरे केतिंङ अंयों विशवास रांहषी ततो दोऊ हिसाबे सुबुद्धिरंङ साते केनातिंङ समझेक्तुंई।

1 कुरिन्थियों 4:1

हेले ता दि शोतो कि मीहरे हेंदिंङ यीशु मसीहू सेवक ए परमेश्वरो भंडारी ए ञेंओर, अतिंङ रूठे खबरो ब्याके सच्चाई बि समझाएक्सिमी कम रांहषी तोह।

गलातियों 1:13

न्वारे केहच़ी ञेंहच़ातंई कि अपेहल गेह यहुदी धर्मो भाषे ए लहज़ातेग, दंङ छना श्रींङमातेग। गिऊ महसे साथी अंऊ गिऊ उम्रो तोईरे, पर गेह दुह भत्ते बे तुंखा तोईगा। छना कुचे गेह घेंङौ बाह-मेमेतु रिति रिवाज़ो भत्ते सेहमे भाषे लहज़ातग। दू टेमारिंङ यीशु थलेच़ि ज़ोज़ा दोरे अंऊ परमेश्वरो अराधना लहज़ातेर, सताच़िमी थल्जी हुंच़ा तोहई, गेह दू भत्ते तिंङ नाश लहज़िमी कोशिश लहरी। पर दोहपल परमेश्वरे फेंसला लहरी कि एनोह योह बि गिऊ टोईच़ी प्रगट लोहतो, ताकि गेह ऊईजाति मीहतु बिचंङ यीशु पाहठी प्रचार लेह तरपोग। परमेश्वरे ए तोह अच़ि गिह्बी जेह्कपिमी तुहई अंङे चरच़ाते, दंङ एनोह मोह्ड़े दाह ओ दोरच़ी दोई गिह्बी एनोह सेवाओ थल्जी बुलाके चरच़तो, अपेहल यीशु ज़ि एनाबि गिऊ टोहकठे प्रगट लहरी, दंङ दू मुक्का गेह सलाह लेहप्च़िमी थल्जी अतु कछंङ ला मेलिगा।

इफिसियों 1:10

अपेहल दि हिटी पूरे शुहबिमी टेम अपतो, दंङ परमेश्वर स्वर्ग ए धरतीऊ चीज़ातिंङ मसीहू अधीन लेह च़रपोतो, ताकि मसीह भत्ते चीज़ो मुख्या शोतो।

इफिसियों 3:7

परमेश्वरे गिह्बी एनोह मोह्ड़े दाह ए सामर्थो दोरच़ी रूठे खबरो सुनाएच़िमी थल्जी दोऊ सेवक बणाएक्तो।

इफिसियों 3:8

गेह परमेश्वरो भत्ते मीहतु बिचंङ कवचि शुगाह, पर परमेश्वरो मोह्ड़े दाह गिऊ टोहकठे शुई, कि गेह ऊईजाति मीहतिंङ मसीहू महसे आशीषो पाहठी रूठे खबर सुनाएपोग। दि आशीष अंऊ मसीहू दोरच़ी खोकसा, दुह मीहतु समझ बे धकते तोह।

इफिसियों 3:9

दंङ गिह्बी दि ब्याके योजना बि भत्ते तिंङ समझाच़िमी थल्जी ला अंङषी तोहई। परमेश्वर अंऊ भत्ते संसारो रचायिता शुह, दोई तुहई शुरूआत बेहच़ी ए दि योजना गुप्त तहसी तते,

इफिसियों 4:21

छिल्ला धिर केहच़ी यीशु मसीहू पाहठी रेड्री तातंई दंङ छिल्ला धिर केहतु सिखाएच़ा दोच़ी केतिंङ सिखासी तोह, दू पक्‍का रूपारिंङ दोऊ खबर शुह।

इफिसियों 4:7

पर मसीह ज़ि हेंदु बिचंङ हर इच्च़ा बि दोऊ कम लहज़िमी थल्जी शत्‌ह-शत्‌ह खास गुण रांहषी ततो। दंङ दोबि अंऊ हिसाबे दोई रांहषी जुंज़ा, दुह हिसाबे रें च़रसी ततो।

कुलुस्सियों 1:4

छना कुचे ञेंहच़ी रैहशी तातंई, कि यीशु मसीहू टोहकठे केहतु विशवास तोह, दंङ भत्ते परमेश्वरो मीहतंङ साते दाह लहज़ातंई;

कुलुस्सियों 1:6

दि रूठे खबर भत्ते संसारारिंङ फेलेक्पि लेहकी तोह दंङ महसे मीहरे विशवासी बणेक्पी लेहकी तोतोर। दि हर इच्च़ा ज़िंदगी बदलेक्पि लेहकी तोह, ठीक ध्वांए छना कि केहच़ी मुण्डा फेरा रूठे खबर रेड्रातेंई, दंङ दिह सच्चाई समझेकी चरच़ातंई कि परमेश्वर दुह मीहतु पाप माफ लेह च़रच़ा अच़ि मसीहू टोहकठे विशवास लहज़ातोर।

1 तीमुथियुस 1:11

दि सच्चा शिक्षा हेंदु अद्धभुत परमेश्वरो महिमा ओ पाहठी रूठे खबरो मुताबिक तोह, अच़ि गिह्बी प्रचार लहज़िमी ज़िम्मेवारी रांहषी ततो।

1 तीमुथियुस 2:7

दिए वहज़ा ज़ि रूठे खबरो प्रचार ए प्रेरितो रूपारिंङ ऊईजाति तिंङ विशवास ए सच्चाई ऊ शिक्षा रंड्रीमी थल्जी गेह अंङषी शुगाह, गेह हप्सी माह कुट्रातग, पर हेले कुट्रातग।

2 तीमुथियुस 1:11

परमेश्वर गिह्बी दि रूठे खबरो प्रचारो लहज़िमी थल्जी, प्रेरित बणेक्पिमी थल्जी दंङ गेह ऊई जातिऊ मीहतिंङ उपदेश रंड्रीमी थल्जी अंङे चरच़तो।